[᭑᭖ 16 B]
᭑᭖
᭞ᬲᬕᬾᬢ᭄ᬳᬶᬮᬂᬲᬕᬾᬢ᭄ᬢ᭄ᬓ᭞ᬓ᭄ᬭᬡᬳᭂᬥᬫᬜᭂᬚᭂᬭᬂ᭞ᬗᬸᬮᬢ᭄ᬓᭂᬗ᭄ᬕᬸᬂᬫᬭᬲᬸᬕᬶᬄ᭞ᬢᬦ᭄ᬫᬗ᭄ᬤᬾᬬᬦ᭄᭞ᬢᬶᬯᬲ᭄ᬲᬸᬕᬶᬄᬧᬍᬕᭂᬦ᭄ᬢᬶ᭛ᬧᬢᭂᬄᬢᭂᬓᬾᬦ᭄ᬳᬭᬶ
ᬧᬾᬧᬘᬂᬫᬢᬶᬗ᭄ᬕᬮ᭄ᬲᬓᬶᬂᬘ᭄ᬭᬶᬓ᭄ᬩᬚᬂᬤᬤᬶ᭞ᬩᬚᬂᬓᬦ᭄ᬢᬶᬢᬸᬯ᭞ᬫᬗᬸᬗ᭄ᬲᬸᬧ᭄ᬚᬄ᭞ᬲᬗ᭄ᬳ᭄ᬬᬂᬓᬮᬲᬸᬩᬗᬩᬶᬦ᭄᭞ᬫᬗᬦ᭄ᬢᬶᬫᬱ᭞ᬢᬦ᭄ᬳᬸᬭᬸᬂᬧᬘᬂᬓᬪᬸᬓ᭄ᬢᬶ᭞
᭛ᬲᬗ᭄ᬳ᭄ᬬᬂᬓᬮᬵᬯᬮᬸᬬᬗᬦ᭄ᬢᬶᬩ᭄ᬯᬢᬦ᭄᭞ᬫᬲᬸᬧᬶᬃᬩᬦ᭄ᬧᬜᬓᬶᬢ᭄᭞ᬗᬸᬫᬤ᭄ᬫᬦᬶᬮᬦᬂ᭞ᬲᬗ᭄ᬳ᭄ᬬᬂᬉᬭᬶᬧ᭄ᬧᬘᬂᬩᬸᬤᬮ᭄᭞ᬩᬸᬤᬮ᭄ᬧᬘᬂᬫᬦᬶᬗ᭄ᬕᬮᬶᬦ᭄
ᬢᬦ᭄ᬯᬗ᭄ᬤᬾᬜ᭞ᬲᬗ᭄ᬳ᭄ᬬᬂᬓᬮᬗᬦ᭄ᬢᬶᬲᬳᬶ᭛ᬓ᭄ᬭᬡᬚᬦᬶᬘ᭄ᬦᬶᬂᬳ᭄ᬦᬸᬩᬜᬢ᭄ᬯᬦ᭄᭞ᬢ᭄ᬯᬶᬜᬡ᭄ᬥᬧᬓᬃᬤ᭄ᬥᬶᬦᬶᬦ᭄᭞ᬗᬮᬶᬄᬓᬫᬳᬃᬣ᭞ᬫᬓᬤᬶᬲᬸᬰᬶᬮᬥᬃᬫ᭄ᬫ
[᭑᭗ 17 A]
ᬭᬳᬬᬸᬦᬾ ᬓᭂᬧᬸᬂᬳᬮᬶᬄ᭞ᬬᬦ᭄ᬢ᭄ᬯᬄᬓᬲᬾᬧᬦ᭄᭞ᬳᬾᬦᬵᬕ᭄ᬕᬮᬦ᭄ᬢ᭄ᬯᬫᬦᬫ᭄ᬧᬶ᭛ᬬᬦᬶᬂᬢ᭄ᬯᬮ᭄ᬬᬸᬮᬭᬧᬘᬂᬢ᭄ᬓ᭞ᬫᬢᬩᬸᬣᬫᬧᭂᬮᬶᬲ᭄᭞ᬘᬸᬗᬸᬳᬾ ᬗᬾᬗᬾ
ᬲᬦ᭄᭞ᬮᬶᬧᬕᬸᬬᬸᬮ᭄ᬩᬩᬸᬬᬸᬢᬦ᭄᭞ᬳᭂᬩᭀᬓ᭄ᬳᬸᬩᬦ᭄ᬳᭀᬜᭀᬧᬸᬢᬶᬄ᭞ᬓᬸᬮᬶᬢ᭄ᬗᭂᬦ᭄ᬤᬸᬓᬂ᭞ᬩᬬᬸᬭᬸᬦ᭄ᬢᬕ᭄ᬲᬳᬶᬧᬮᬶᬂ᭛ᬤᬳᬢ᭄ᬲᭂᬗ᭄ᬓᬵᬢᬸᬫ᭄ᬩᬸᬳᬾ ᬤᬤᬶᬫᬦᬸ
ᬱ᭞ᬳᬤᬩ᭄ᬯᬶᬦ᭄ᬲᬢ᭄ᬯᬭᬶᬳᬶᬦ᭄᭞ᬧᬯ᭄ᬯᬯᬶᬤ᭄ᬥᬶᬬᭀᬕ᭞ᬲᬂᬰᬢ᭄ᬬᬓᬶᬫᬯᭀᬲᬂ᭞ᬭᬶᬓᬮᬳᬶᬤ᭄ᬳᬫᬦᬗ᭄ᬓᬶᬮ᭄᭞ᬫᬫᬶᬥᬃᬢ᭄ᬢᬬᬂ᭞ᬧᬡ᭄ᬥᬯᬓᭀᬭᬯᬲᭂᬗ᭄ᬳᬶᬢ᭄᭛
ᬳᬶᬗ᭄ᬕᬶᬄᬯᬾᬦᬵᬢᭂᬦ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬸᬧᬫᬶᬬᬂ᭞ᬓᬤᬶᬢᬭᬸᬦᬾ ᬳᬳ᭄ᬯᬶᬢ᭄᭞ᬢᬃᬫᬘᬭᬂᬘᬭᬂ᭞ᬘᬭᬗᭂᬜᬦᬾ ᬫᬳᬾᬦ᭄ᬤᬳᬦ᭄᭞ᬯᬾᬦ᭄ᬢᭂᬦ᭄ᬲᬫᬄᬯᬾᬦ᭄ᬢᭂᬦ᭄ᬭᬶᬕ᭄ᬭᬶᬕ᭄᭞
Kaca:Bali-lontar-gaguritan-putra-sasana-01-350ppi.pdf/17
Kaca puniki sampun kauji-wacén
