[᭑᭒ 12B]
᭞᭑᭒᭞
ᬩᭂᬲᬶ᭞ᬫᬗᭂᬮᬸᬃᬫᬢᬦᬾᬲᬸᬤᬢ᭄᭞ᬫᬩᬋᬗᬦ᭄ᬮᬸᬄᬫ᭄ᬯᬦᬶ᭞ᬦᬾᬫ᭄ᬯᬦᬶᬫᬋᬕᬚᬶ᭞ᬧᬮᬤᭂᬫᭂᬦ᭄ᬫᬓᬓᬭᬸᬄ᭞ᬫᬜᬸᬯᬂᬲᭀᬫᬄᬢᬶᬫ᭄ᬧᬮ᭄᭞ᬦᬾᬮᬄᬫᬷᬭᬸᬓ᭄ᬫᬳᬶᬬᬶᬲ᭄᭞ᬲᬮᬄᬚ
ᬭᬸᬄ᭞ᬓᬧᬶᬲᬕᬫᬘᭀᬢᬾᬓᬦ᭄᭟ᬳᬤᬧᬶᬢ᭄ᬭᬩᬯᬸᬧ᭄ᬭᬧ᭄ᬢ᭞ᬫᬗᭀᬚᭀᬕ᭄ᬤᬶᬩᬮᬾᬳᬭᬶᬧ᭄᭞ᬫᬧᬶᬢᬸᬗᬦ᭄ᬧᬤᬤ᭄ᬯᬦᬦ᭄᭞ᬫᬫᬶᬮᬶᬳᬶᬦ᭄ᬲ᭄ᬯᬃᬕᬍᬯᬶᬄ᭞ᬩᬯᬸᬗᬕᭂᬫ᭄ᬫᬫᬃᬕ᭄ᬕᬶ᭞
ᬓᬜ᭄ᬘᬶᬢ᭄ᬰ᭄ᬭᬷᬪᬕᬯᬵᬦ᭄ᬭᬯᬸᬄ᭞ᬫᬗᬗ᭄ᬕᭀᬓᬾᬱᬩ᭄ᬭᬡ᭞ᬫᬲᬮᬶᬫ᭄ᬧᭂᬢ᭄ᬫᬕᬦᬶᬢ᭄ᬭᬶ᭞ᬮᬯᬸᬢ᭄ᬢᬸᬯᬸᬦ᭄᭞ᬧᬶᬢ᭄ᬭᬦᬾᬜᬕ᭄ᬚᬕ᭄ᬫᬜᬸᬫ᭄ᬩᬄ᭟ᬲᬂᬰ᭄ᬭᬷᬪᬕᬯᬵᬦ᭄ᬗᬦ᭄ᬤᬶᬓ᭞ᬘᬳᬶᬓᬶᬚᬧᬘᬂᬚᬦᬶ᭞
ᬯᬸᬮᬢ᭄ᬩᬋᬧᬤᬤ᭄ᬯᬦᬦ᭄᭞ᬬᬦ᭄ᬯᬗ᭄ᬰᬳᭀᬭᬳᬶᬦ᭄ᬓᬓᬶ᭞ᬧᬶᬢ᭄ᬭᬦᬾᬫᬳᬢᬸᬃᬲᬶᬗ᭄ᬕᬶᬄ᭞ᬢᬶᬢ᭄ᬬᬂᬲᬂᬩ᭄ᬭᬳ᭄ᬫᬵᬡᬯᬶᬓᬸ᭞ᬓᬶᬚᬓᬾᬮᬓᬸᬦ᭄ᬢᬶᬢ᭄ᬬᬂ᭞ᬓᬾᬦ᭄ᬯᬾᬢᬦ᭄ᬲ᭄ᬯᬃᬕᬦᬾᬩᭂᬘᬶᬓ᭄᭞ᬤᬾ
[᭑᭓ 13A]
ᬦᬾᬧᬸᬢᬸᬲ᭄᭞ᬳᬸᬢ᭄ᬢᬫᬦᬶᬂᬲᬂᬧᬡ᭄ᬟᬶᬢ᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬦᬧᬓ᭄᭞ᬫᬰᬶᬱ᭄ᬬᬦ᭄ᬤ᭄ᬯᬂᬤᬰᬤᬶᬭᬶ᭞ᬫᬗ᭄ᬯᬾᬤᬳᬶᬦ᭄ᬦᬕᬩᬦ᭄ᬟ᭞ᬫᬜᬯᬭᬯᬸᬳᬶᬂᬗᬱ᭄ᬝᬶ᭞ᬲᬂᬰ᭄ᬭᬷᬪᬕᬯᬵᬦ᭄ᬓᭂᬜᬶᬃ᭞ᬓ
ᬧᭀᬘᬳᬶᬲᬸᬩᬧᬸᬢᬸᬲ᭄᭞ᬮᬳᬶᬲ᭄ᬫᬰᬶᬱ᭄ᬬᬰᬱ᭄ᬬᬦ᭄᭟ᬗᬸᬤᬧᬮᬶᬂᬩᬸᬓᬚᬦᬶ᭞ᬧᬢᬶᬳᭂᬦ᭄ᬢᬸᬮ᭄᭞ᬢᭀᬂᬦᬯᬂᬲ᭄ᬯᬃᬕ᭄ᬕᬳᬸᬢ᭄ᬢᬫ᭟ᬓᬸᬤ᭄ᬬᬂᬚᬦᬶᬦᬕᬶᬄᬦᬯᬂ᭞ᬲ᭄ᬯᬃᬕ᭄ᬕᬦᬾᬯᭂᬓᬲᬶᬂᬍᬯᬶᬄ᭞ᬢᬶ
ᬤᭀᬂᬩᬳᬦ᭄ᬗᭂᬮᬄᬰᬶᬱ᭄ᬬ᭞ᬲ᭄ᬯᬃᬕ᭄ᬕᬦᬾᬢᭂᬧᬸᬓᬶᬦ᭄ᬘᬳᬶ᭞ᬚᬦᬶᬓᬓᬶᬗᬯᬶᬮᬗᬶᬦ᭄᭞ᬤᬶᬧᬶᬧᬶᬮ᭄ᬘᬳᬶᬦᬾᬫᬸᬗ᭄ᬕᬸᬄ᭞ᬳᬶᬭᬶᬧᬶᬤᬶᬓ᭄ᬧᭂᬗ᭄ᬓᬸᬂᬮᭀᬪ᭞ᬩᬸᬢᬢ᭄ᬯᬭᬦᬯᬂᬳᬚᬶ᭞ᬲᬸᬓ᭄ᬱ᭄ᬫᬢᭂ
ᬮᬸ᭞ᬚᬮᬶᬦᬾᬢ᭄ᬯᬭᬢᬯᬂ᭟ᬦᬾᬘᬳᬶᬯᬶᬓᬸᬤᬤᬓᬦ᭄᭞ᬫᬲᬾᬧᬦ᭄ᬲᬾᬧ᭄ᬫᬩᬺᬲᬶᬄ᭞ᬫᬫᬸᬢᬾᬦ᭄ᬚᬸᬢᬾᬦᬶᬦ᭄ᬳᬦᬓ᭄᭞ᬢ᭄ᬯᬭᬦᬯᬂᬳᬸᬢ᭄ᬧᬢᬶ᭞ᬦᬸᬗ᭄ᬕᬮᬂᬧᬢᬶᬳᬸ
Kaca:Bali-lontar-gaguritan-purwa-karma-300ppi.pdf/13
Kaca puniki sampun kauji-wacén
