[᭙ 9B]
᭞᭙᭞
ᬬᭀᬕᬲᬫᬥᬶ᭞ᬓ᭄ᬭᬡᬧᬶᬢ᭄ᬭᬦᬾᬚᬦᬶ᭞ᬲᬂᬧᬡ᭄ᬟᬶᬢᬬᭀᬕ᭄ᬬᬦᬸᬤᬸᬄ᭞᭞ᬫ᭄ᬯᬂᬦᬸᬕ᭄ᬭᬳᬪᬝᬭ᭞ᬲᬗ᭄ᬓᬳᬶᬸᬦ᭄ᬳᬤᬩᬸᬓᬚᬦᬶ᭞ᬳᬧᬂᬧᬢᬸᬢ᭄᭞ᬧᭂᬤᬸᬫᬾᬫᬵᬦᬹᬢ᭄ᬤᬓ᭄ᬱᬶᬡ᭟ᬫᬮᬶᬄᬬᬦ᭄ᬭᬶᬂ
ᬯᬗ᭄ᬰᬰᬶᬸᬤᬶᬸᬲᬢ᭄ᬭ᭄ᬬ᭞ᬫᬫᬕᭂᬳᬂᬭᬶᬂᬓᬧᬢᬶᬦ᭄᭞ᬳᬸᬢ᭄ᬢᬦᬾᬭᬶᬂᬧᬬᬸᬤ᭄ᬟᬦ᭄᭞ᬭᬡᬬᬚ᭄ᬜᬦᬾᬧᬢᬶᬢᬶᬲ᭄᭞ᬧᬸᬭᬸᬱᬫᭂᬭᬶᬄᬧᬶᬓᭀᬮᬶᬄ᭞ᬚᬬᬫᬗᬮᬳᬂᬰᬢ᭄ᬭᬸ᭞ᬓᬯᬷᬃᬬ᭄ᬬᬦᬾᬢᭀ
ᬩᬓᬢᬂ᭞ᬓᬚᬬᬗᭂᬫᬲᬶᬦ᭄ᬫᬢᬶ᭞ᬤᬤ᭄ᬬᬧᬸᬧᬸᬮ᭄᭞ᬧᬮᬦ᭄ᬲ᭄ᬯᬃᬕ᭄ᬕᬦᬾᬧᬸᬭᬸᬱ᭟ᬫᬮᬶᬄᬬᬦ᭄ᬭᬶᬂᬯᬗ᭄ᬕᬯᬿᬱ᭄ᬬ᭞ᬫᬫᬕᭂᬳᬂᬗᬯᭂᬩᬸᬓ᭄ᬢᬶ᭞ᬓᬘᬭᬶᬓ᭄ᬮᬦ᭄ᬧᬵᬩ᭄ᬬᬦᬦ᭄᭞ᬫᬕᭂᬦ᭄ᬤᬶᬂ
ᬯᬶᬍᬢ᭄ᬲᬶᬮᬶᬄᬳᬲᬶᬄ᭞ᬚᬬᬾᬦ᭄ᬤ᭄ᬭ᭄ᬬᬦᬾᬢᬦ᭄ᬫᬭᬶ᭞ᬕᭂᬦ᭄ᬤᬶᬂᬲᬸᬭᬸᬓᬾᬢᬦ᭄ᬲᬸᬭᬸᬤ᭄᭞ᬫᬦᬫ᭄ᬧᭂᬓᬶᬂᬩᬜ᭄ᬘᬶᬗᬄ᭞ᬫᬗ᭄ᬤᬾᬋᬡᬭᬶᬂᬦᬵᬕᬭᬶ᭞ᬚᬸᬭᬸᬓᬶᬤᬸᬂ᭞ᬳᬸᬢ᭄ᬢᬫᬦ᭄ᬬᬭᬶᬂᬲᬂᬯᬿᬱ᭄ᬬ᭟
[᭑᭐ 10A]
ᬫᬮᬶᬄᬬᬦ᭄ᬭᬶᬂᬰᬸᬤ᭄ᬭᬚᬦ᭄ᬫ᭞ᬫᬲᬶᬄᬫᬕᬯᬾᬓᬘᬭᬶᬓ᭄᭞ᬫᬗᬸᬮᬓ᭄ᬫᬤᬤᬕᬗᬦ᭄᭞ᬫᬗ᭄ᬤᬾᬫᬫᬗ᭄ᬕᬸᬳᬂᬩᬸᬓ᭄ᬢᬶ᭞ᬳᬗ᭄ᬳᬶᬂᬓᬾᬳᬧᬂᬢᬶᬢᬶᬓ᭄᭞ᬢᬶᬗ᭄ᬓᬄᬳᬫᬕᬯᬾᬳᬬᬸ᭞ᬰᬵᬲ᭄ᬢ᭄ᬭᬦᬾᬚᬸᬯᬚᬮ
ᬦᬂ᭞ᬲᬳᬶᬗᬦ᭄ᬫᬲᬶᬄᬫᬓᬾᬃᬢ᭄ᬢᬶ᭞ᬩᬶᬮᬶᬄᬲᬸᬯᬸᬤ᭄᭞ᬦᬸᬫᬶᬢᬶᬲ᭄ᬤᬤᬶᬯᭀᬂᬰᬸᬤ᭄ᬭ᭟ᬲᬮ᭄ᬯᬶᬭᬶᬂᬕᬯᬾᬤᬶᬲᬗ᭄ᬕᬄ᭞ᬤᬶᬢᬸᬲᭂᬮᬂᬢ᭄ᬯᬄᬫᬗᬶᬭᬶᬂ᭞ᬫᬯᬶᬦ᭄ᬢᭂᬦ᭄ᬦᭂᬮᬳᬶᬦ᭄ᬳᬢᬓ᭄᭞ᬧᬹᬃᬡ᭄ᬦᬫᬢᬶᬍᬫ᭄ᬫᬩᬺᬲᬶᬄ᭞ᬫᬗ᭄ᬤᬾ
ᬓᬲᬶᬤ᭄ᬟᬦ᭄ᬤᬤᬶ᭞ᬫᬜᭂᬫᬓ᭄ᬫᬫᬘᬢᬸᬢᬸᬃ᭞ᬳᬢ᭄ᬫᬦᬾᬢᬸᬯᬶᬧᬂᬢᭂᬤᬲ᭄᭞ᬫᬸᬧᬵᬓᬭᬳᬸᬮᬶᬂᬚᬦᬶ᭞ᬫᬗ᭄ᬤᬾᬧᬸᬧᬸᬢ᭄᭞ᬧᬶᬢ᭄ᬭᬦᬾᬓᬬᬂᬓᬯᬓᬲ᭄᭟ᬦᬾᬢ᭄ᬯᬭᬫᬦᬸᬦᬲ᭄ᬓ᭄ᬭᬫ᭞ᬳᬶᬗ᭄ᬓᬳᬾᬢᭂ
ᬓᬦᬶᬂᬫᬢᬶ᭞ᬲᬂᬳ᭄ᬬᬂᬬᬫᬫᬫᬶᬤᬤ᭄ᬤ᭞ᬤᬹᬃᬕᬫᬧᬘᬂᬢᭂᬫᭀᬦᬶᬦ᭄᭞ᬦᬾᬦᬾᬲᬮᬄᬫᬫᬮᬶᬄ᭞ᬧᬓᬸᬃᬬ᭄ᬬᬓ᭄ᬳᬸᬮᬸᬂᬢᬸᬮᬸᬂ᭞ᬤᬶᬢᬸᬢᭂᬕᬮ᭄ᬫᬮᬓᬂ᭞ᬩᭂᬤᬓ᭄ᬮᬬᬄᬧᬤᬗᭂᬮᬶᬂ᭞ᬲᬹᬃᬬ᭄ᬬᬲᬶ
Kaca:Bali-lontar-gaguritan-purwa-karma-300ppi.pdf/10
Kaca puniki sampun kauji-wacén
