[᭓᭖ 36B]
᭓᭖
ᬢ᭄ᬯᬬᬢᬺᬓᬫᬯᬵ᭞ᬲᬬᬶᬢ᭄ᬯᬵᬅᬱ᭄ᬝᬫᬸᬢᬸᬲᬶ᭞ᬢᬸᬚ᭄ᬯᬾᬂᬲᬂᬫᬄᬬᭀᬕᬶᬰ᭄ᬯᬭᬵ᭞ᬯ᭄ᬭᬸᬳᬶᬂᬯᬸᬝᬧ᭄ᬭᭀᬓ᭄ᬢᬫᬡ᭄ᬦᬶ᭞ᬲᬸᬢ᭄ᬭᬯᬵᬢ᭄ᬳᬦᬕ᭄ᬦᬶ᭞ᬲᬚ᭄ᬭᭀᬦᬶᬂᬢᬳᭂᬦᬹᬫᬸᬭᬸᬩ᭄᭞ᬫᬶᬜᬓ᭄ᬚ᭄ᬭᭀᬦᬶᬂᬫ᭄ᬧᭂᬳᬦ᭄᭞ᬫᬯᬵᬲ᭄ᬤᬾᬬᬂᬚᬶᬯᬵ
ᬢ᭄ᬫᬦᬶᬂ᭞ᬲᬫ᭄ᬬᬕ᭄ᬜᬡᬢᬸᬮ᭄ᬬᬦᬶᬂᬦ᭄ᬥᬸᬭᬥᬃᬰᬡ᭟ᬤᬾᬦᬶᬂᬓᬳᬦᬦ᭄ᬧᬺᬯᬺᬣ᭄ᬬ᭞ᬘᬢᬹᬃᬐᬰ᭄ᬯᬃᬬ᭄ᬬᬳᬭᬶᬦᬶ᭞ᬥᬃᬫ᭄ᬫᬵᬫᬵᬚ᭄ᬜᬡᬯᬾᬭᬕ᭄ᬬ᭞ᬥᬾᬃᬬ᭄ᬬᬵᬐᬰ᭄ᬯᬃᬬ᭄ᬬᬳᬾᬂᬗᬢᬶ᭞ᬫᬦᬸᬦ᭄ᬢᬸᬦ᭄ᬢᬹᬲ᭄ᬫᬯᭀᬮᬶᬄ᭞ᬫᬦᬸᬚᬸᬫᭀᬓ᭄ᬱ
ᬓᬂᬳ᭄ᬦᬸ᭞ᬲᬶᬭᬵᬫᭀᬮᬶᬄᬚᬸᬮᬸᬓᬦ᭄᭞ᬐᬰ᭄ᬯᬃᬬ᭄ᬬᬧᬭᬫᬵᬬᭀᬕᬶ᭞ᬳᬧᬦ᭄ᬯ᭄ᬭᬸᬄᬧᬺᬢ᭄ᬬᬵᬓ᭄ᬱᬵᬦᬸᬫᬦᬵᬕᬫ᭟ᬧᬸᬦᬶᬓᬶᬲᭀᬗᬦᬶᬂᬩᬵᬕ᭄ᬬ᭞ᬫᬡ᭄ᬝᬲᬸᬓᬵᬢᬦ᭄ᬧᬯᬮᬶ᭞ᬥᬹᬄᬓᬫᬭᬶᬂᬫᬬᬧᬤ᭞ᬧᬦ᭄ᬯᬸᬲ᭄ᬮᬶᬫ᭄ᬧᬤᬶᬂᬲᬹ᭠
ᬡ᭄ᬬᬣᬶ᭞ᬫᭂᬦ᭄ᬢᬲᬾᬂᬰ᭄ᬯᬃᬕ᭄ᬕᬲᬫᬶ᭞ᬮᬗ᭄ᬕᭂᬦᬶᬂᬮᬸᬧᬸᬢ᭄ᬯᬶᬦᬸᬯᬸᬲ᭄᭞ᬉᬫᬶᬰ᭄ᬭᬾᬂᬢᬬᬲᬹᬡ᭄ᬬ᭟ᬫᬉᬃᬥᬄᬦᬶᬃᬪ᭠ᬦᬵᬘᬶᬡ᭄ᬝᬶ᭞ᬦᬶᬰ᭄ᬭᬾᬬᬰᬉᬫᭀᬮᬶᬳᬶᬂᬲᬗ᭄ᬓᬦ᭄ᬧᬭᬦ᭄᭟ᬲᬗ᭄ᬓᬦᬶᬂᬧᬸᬦᬶᬓᬶᬲᬶᬤ᭄ᬥᬵ᭞ᬫᬤᬲᬃᬓᬬᭀᬕᬶᬰ᭄ᬯᬭᬶ᭞ᬓ
[᭓᭗ 37A]
ᬧᬦ᭄ᬥᬶᬣᬦᬾᬦᬶᬃᬫ᭄ᬫᬮᬵ᭞ᬦᭂᬢᭂᬧᬂᬰᬲᬡᬬᭀᬕᬶ᭞ᬢᬢ᭄ᬯᬯᬾᬥᬵᬳᬶᬦᬚᬶ᭞ᬬᬫᬦ᭄ᬬᬵᬫᬵᬩ᭄ᬭᬢ᭄ᬢᬾᬓᬹ᭞ᬫ᭄ᬯᬂᬰᭀᬤ᭄ᬥᬰᬥᬃᬫ᭄ᬫ᭞ᬢᬧᬫᭀᬦᬵᬬᬚ᭄ᬜᬤᬵᬬᬶ᭞ᬓ᭄ᬱᬫᬵᬮᭀᬪᬤᬫᬲᬫᬢᬚᬶᬢᬵᬢ᭄ᬫ᭟ᬤᬦᬵᬅᬦᬪᬶᬅ
ᬲ᭄ᬯᬾᬱ᭞ᬅᬭᬕᬯᬶᬭᬓ᭄ᬢᬢ᭄ᬬᬕᬶ᭞ᬪᬾᬤᬵᬚ᭄ᬜᬡᬦᬾᬫᬸᬢᬸᬲᬂ᭞ᬧᬾᬢᬂᬧᬶᬢᬸᬂᬦᭂᬫ᭄ᬩᭂᬮᬲᬵᬫᬶ᭞ᬫᬮᬶᬄᬧᬫᬸᬕᭂᬄᬫᬵᬯ᭄ᬯᬶᬢ᭄᭞ᬢ᭄ᬭᬶᬓᬬᬉᬢ᭄ᬢᬫᬦ᭄ᬳᬶᬧᬸᬦ᭄᭞ᬓᬬᬶᬓᬵᬯᬘᬶᬓᬵᬫᬦ᭞ᬘᬶᬓᬵᬧᬹᬦᬶᬓᬧᬂᬏᬮᬶᬂ᭞ᬫᬭᬶᬲᬸᬤ᭄ᬥᬦᬶ
ᬢ᭄ᬬᬳ᭄ᬬᬲᬶᬲᬩ᭄ᬭᬦ᭄ᬤᬶᬦ᭟ᬲᬫ᭄ᬧᬹᬦ᭄ᬧᬺᬫᬥᬵᬗᬫ᭄ᬧᬳᬂ᭞ᬧᬯ᭄ᬦᬗᬦᬾᬲᬂᬳ᭄ᬬᬣᬶ᭞ᬯᬭᬦᬾᬲᬫ᭄ᬧᬸᬦ᭄ᬓᬶ᭠ᬦᬹᬘᬧ᭄᭞ᬭᬶᬂᬳᬚᭂᬂᬧᬸᬦᬶᬓᬵᬲᬫᬶ᭞ᬬᬦ᭄ᬳᬸᬲ᭄ᬓᬲᬶᬤᬦ᭄ᬗ᭄ᬕᬶᬮᬶᬲ᭄᭞ᬧᬗᬃᬘ᭄ᬮᬡᬾᬂᬚ᭄ᬭᭀᬦᬶᬂᬰ᭄ᬳᬶᬡ᭄ᬥᬸ᭞ᬯᬮᬶᬓ᭄ᬭᬫᬦᬾᬂ
ᬖᬝ᭞ᬕᬗ᭄ᬖᬵᬲᬮᬜ᭄ᬘᬫᬳᬾᬱᬶ᭞ᬯᬶᬫ᭄ᬩᬦ᭄ᬰᬰᬶᬄᬲᬸᬫᬸᬥᬂᬢᬂᬮᬶᬗ᭄ᬕᭀᬤ᭄ᬪᬯᬵ᭟ᬜᬹᬓ᭄ᬱ᭄ᬫᬫᬺᬢ᭄ᬢᬲᬜ᭄ᬚᬶᬯᬵ᭞ᬢᬸᬮ᭄ᬬᬵᬢᬶᬃᬢ᭄ᬣᬩᬜᬸᬉᬭᬶᬧ᭄᭞ᬗᬹᬭᬶᬧᬶᬦ᭄ᬧᬸᬦᬂᬅᬕᬫ᭞ᬅᬕᬫᬰ᭄ᬳᬶᬡ᭄ᬥᬸᬯᬶᬥ᭄ᬬᬥᬶ᭞ᬲᬸᬤ᭄ᬥᬦᬶᬂᬧᬜ᭄ᬘᬬᬚ᭄ᬜᬶ᭞
Kaca:Bali-lontar-gaguritan-pura-dalem-abyantubuh-300ppi.pdf/37
Kaca puniki sampun kauji-wacén
