[᭗ 7B]
᭗
᭞ᬳᬓ᭄ᬚᭂᬧ᭄ᬳᬦᬓᬾᬩᬕᬸᬲ᭄᭞ᬢᭀᬂᬤᬤᬶᬮᬾᬦᬂᬢ᭄ᬬᬂ᭞ᬓ᭄ᬦᭂᬄᬢ᭄ᬬᬂᬤᭂᬓᭂᬓ᭄ᬧᬮᬶᬂ᭞ᬢᬹᬃᬫᬲᬯᬸᬃ᭞ᬮᬯᬸᬢᬂᬓ᭄ᬫᭂᬚᬳᬚᬓ᭄᭟ᬦᬵᬳᬶᬸᬗ᭄ᬳᬶᬂᬤᬫᬓ᭄ᬮᭀᬗᬚᬓ᭄᭞ᬤᬿᬯᬶᬤᬵᬢᬶᬜ᭠
ᬳᬭᬭᬶᬲ᭄᭞ᬤᬾᬯᬲᬂᬓᬤᬶᬳ᭄ᬬᬂᬲ᭄ᬫᬭ᭞ᬦᬸᬦᬲ᭄ᬓᬾᬢᬶᬢ᭄ᬬᬂᬲᬶᬫ᭄ᬧᬗᬶᬦ᭄᭞ᬲᬂᬧ᭄ᬭᬪᬸᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬭᬢᬸᬳᬬᬸ᭞ᬲᬵᬫ᭄ᬧᬸᬦ᭄ᬳᬶᬭᬓᬮᬸᬕᬺ᭞ᬢᬶᬢ᭄ᬬᬂᬳᬗ᭄ᬕᬾ᭠
ᬜ᭄ᬚᬸᬭᬸᬓ᭄ᬫᬶᬢ᭄᭞ᬲᭀᬓ᭄ᬗᬮᬦ᭄ᬢᬸᬃ᭞ᬚᬸᬭᬸᬗᬫᭀᬂᬭᬶᬂᬧᬫᬺᬫᬦ᭄᭟ᬤᬿᬯᬷᬤᬵ᭠ᬢᬶᬭᬭᬶᬲ᭄ᬦᬦ᭄ᬤᬦ᭄᭞ᬗᭀᬚᬵᬕ᭄ᬓᬧᬫᬺᬫᬦ᭄ᬓᬮᬶᬄ᭞ᬲᬂᬧ᭄ᬭᬪᬸᬫᬗ᭄ᬮᬸᬢ᭄ᬫᬥ᭄ᬬ᭞ᬤᬿᬯᬷᬤᬵ
ᬢᬶᬫᬧᬶᬦᬗᬶᬲ᭄᭞ᬳᬤᬾᬗᬂᬓ᭄ᬚᭂᬚᬦᬶ᭞ᬫᬳᬶᬭᬶᬩ᭄ᬳᬶᬮᬂᬫᬦᬫ᭄ᬩᬸᬂ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬮᭀᬦ᭄᭞ᬳᬶᬗ᭄ᬕᬶᬄᬤᬾᬯᬲᬂᬮ᭄ᬯᬶᬃᬭᬢᬶᬄ᭞ᬩᬬᬭᬢᬸ᭞ᬫᬓᬵᬤᬢᬶᬢ᭄ᬬᬂᬩ᭄ᬬᬧᬭ᭟
[᭘ 8A]
ᬩᭀᬬᬤᬤᭀᬲ᭄ᬧᬶᬲᬦ᭄ᬢᬶᬢ᭄ᬬᬂ᭞ᬦᬗ᭄ᬕᭂᬦᬶᬦ᭄ᬫᬦᬳᬾᬧᬮᬶᬂ᭞ᬳᬲᬶᬂᬳᬸᬲᬸᬤ᭄ᬲᬸ᭠ᬩᬫ᭄ᬮᬄ᭞ᬳᬲᬶᬂᬳᬤᭂᬓ᭄ᬲᬸᬩᬫᬶᬬᬶᬓ᭄᭞ᬲᬶᬂᬮᬶᬬᬢᬶᬦ᭄ᬗᬃᬤ᭄ᬟᬶᬦᬶᬦ᭄᭞ᬓ᭄ᬦᭂᬳᬾᬦᬾᬦᬾᬳᬮ᭠
ᬗᬸᬦ᭄᭞ᬳᬫ᭄ᬩᬸᬮ᭄ᬫᬲᬶᬲᬶᬕ᭄ᬮᬸᬦᬓ᭄᭞ᬗᬶᬮᬸᬢᭀᬂᬤᬤᬶᬢᬳᭂᬦᬶᬦ᭄᭞ᬳᬶᬗ᭄ᬕᬶᬄ᭠ᬭᬢᬸ᭞ᬳᬭᬸᬄᬢᬸᬮᬸᬲᬂᬧᬶᬲᬜ᭟ᬧᬮᬶᬂᬩᬦᬾᬓᬢᬸᬫ᭄ᬩᬾᬦᬦ᭄᭞ᬤᬿᬯᬶᬤᬵᬢᬶᬫ
ᬦᬢᬓᬶᬦ᭄᭞ᬲᬂᬧ᭄ᬭᬪᬸᬢ᭄ᬯᬭᬚᬗ᭄ᬓᬬᬦ᭄᭞ᬧᬥᬸᬦᬶᬂᬲᬶᬜ᭄ᬚᬂᬳᬸᬲ᭄ᬯᬮᬶ᭞ᬢᬶᬦᬶᬦ᭄ᬤᬶᬳᬦ᭄ᬲᬭᬲ᭄ᬫᬶ᭞ᬓᬕ᭄ᬬᬢ᭄ᬤᬿᬯᬶᬤᬵᬢᬶᬗᬤᬸᬄ᭞ᬤᬸᬓᬢᬶᬩᬜ᭄ᬘᬸᬫ᭄ᬩᬦ᭞ᬓᬍᬗᭂᬃᬲᬂᬧ᭄ᬭ᭠
ᬪᬸᬭᬭᬶᬲ᭄᭞ᬩᬸᬓᬸᬢᬸᬓᬸᬢ᭄᭞ᬗᬶᬦ᭄ᬫᬗ᭄ᬭᬸᬫ᭄ᬭᬸᬫᬗᬭᬲ᭄᭟ᬤᬾᬯᬭᬢᬸᬳᬢ᭄ᬫᬚᬶᬯ᭞ᬲᬵᬫ᭄ᬧᬸᬦ᭄ᬮᬲ᭄ᬭᬢᬸᬦᬶᬗ᭄ᬕᬮᬶᬦ᭄᭞ᬦᬸᬦᬲ᭄ᬦᬾᬫᬗ᭄ᬓᬶᬦ᭄ᬫᬲᬶᬭᬫ᭄᭞ᬢᬶᬢ᭄ᬬᬂᬫ
Kaca:Bali-lontar-gaguritan-prabu-aji-dharma-350ppi.pdf/8
Kaca puniki sampun kauji-wacén
