[᭗᭔ 74B]
᭗᭔
ᬤᬜᬫ᭄ᬧᬸᬭᬚᬦ᭄ᬫᬮᬸᬘᬸ᭞ᬢ᭄ᬯᬭᬲᬾᬗᭂᬄᬓᬧᬜ᭄ᬚᬓ᭄᭞ᬩᬦ᭄ᬢᬲ᭄ᬳᬶᬘ᭄ᬙᬾᬦ᭄ᬳᬶᬧᬸᬦ᭄ᬳᬸᬭᬶᬧ᭄᭞ᬩ᭄ᬮᬶᬳᬕᬸᬂ᭞ᬤ᭄ᬧᬶᬦ᭄ᬬᬫᬕᭀᬩᬫᬾᬲ᭟ᬭᬵᬤᬾᬦ᭄ᬕᬮᬸᬄᬮᬶᬦ᭄ᬢᬂᬤᬸᬓᬵᬓᬫ᭄ᬩᬶᬗᬾᬭᬭᬶᬲ᭄ᬓᬢᬶᬕ᭄ᬢᬶᬕ᭄᭞
ᬤᬶᬓᭀᬭᬶᬳᬕᬸᬗᬾᬦᭀᬗᭀᬲ᭄᭞ᬯᬾᬦ᭄ᬢᭂᬦ᭄ᬓᬘᬭᬶᬢᬫᬮᬶᬄ᭞ᬧᬸᬢ᭄ᬭᬦᬾᬭᬵᬤᬾᬦ᭄ᬤᬾᬯᬷ᭞ᬢ᭄ᬯᬦ᭄ᬬᬸᬤ᭄ᬟᬲᬗ᭄ᬓᬭᬤᬸᬯᬸᬃ᭞ᬬᬸᬱᬧᬶᬢᬸᬮᬲ᭄ᬢᭂᬫ᭄ᬯ᭞ᬧᬸᬦᬶᬓᬳᬶᬤᬳᬗᬧᬶ᭞ᬓᬤᬶᬢᬶᬗ᭄ᬓᬄ᭞ᬓ
ᬫ᭄ᬩᬾᬗᬾᬦᬾᬲᬵᬫ᭄ᬧᬸᬦ᭄ᬮᬶᬦ᭄ᬢᬂ᭟ᬧᬗᬦ᭄ᬤᬶᬓᬦ᭄ᬩᬶᬩᬶᬦ᭄ᬳᬶᬤ᭞ᬢ᭄ᬯᬦ᭄ᬬᬸᬤ᭄ᬟᬲᬗ᭄ᬓᬭᬫᬗ᭄ᬓᬶᬦ᭄᭞ᬤᬸᬓᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬓᬫ᭄ᬩᬶᬗᬾᬫᬢ᭄ᬕᬸᬮ᭄ᬭᬭᬶᬲ᭄᭞ᬫᬲ᭄ᬳᭂᬢ᭄ᬮᬾᬦ᭄ᬫᬢᬶᬕ᭄ᬢᬶᬕ᭄᭞ᬫᬮᬭᬮᬭᬫᬢᬸᬲᬸᬓ᭄᭞
ᬲᬫ᭄ᬧᬶᬂᬓᭀᬭᬶᬦᬾᬦᭀᬗᭀᬲ᭄᭞ᬳᬶᬓᬫ᭄ᬩᬶᬂᬮᬶᬦ᭄ᬢᬗᬶᬂᬲᬓᬶᬢ᭄᭞ᬤᬾᬦᬶᬂᬫᬸᬮ᭞ᬢᬶᬢᬄᬳᬯᬓᬾᬓᬤᬸᬫᬦ᭄᭟᭜᭟᭚᭜᭚ᬧᬸᬄᬥᬹᬃᬫ᭄ᬫ᭚᭜᭚ᬲᬵᬫ᭄ᬧᬸᬦ᭄ᬲ᭄ᬯᬾᬫᬗ᭄ᬓᬶᬦ᭄ᬫᬮᬶᬄ
[᭗᭕ 75A]
ᬓᬘᬭᬶᬢ᭞ᬢᬦ᭄ᬮ᭄ᬬᬦ᭄ᬭᬳᬤᬾᬦ᭄ᬫᬦ᭄ᬢ᭄ᬭᬶ᭞ᬢ᭄ᬯᬦ᭄ᬬᬸᬤ᭄ᬟᬲᬗ᭄ᬓᬭ᭞ᬗ᭄ᬭᬭᬶᬲ᭄ᬓᬧᬕᬮᬸᬳᬦ᭄᭞ᬧᬋᬓ᭄ᬭᬶᬂᬳᬶᬤᬳᬶᬳᬚᬶ᭞ᬭᬯᬸᬄᬭᬶᬂᬧᬸᬭ᭞ᬦᬸᬦᬲ᭄ᬮᬸᬕᬺᬗᬪᬓ᭄ᬢᬶ᭟ᬤᬲᬂᬧ᭄ᬭᬪᬸᬓᬤᬧᭂᬢᬂᬧᬓᬮᬶᬳ᭠
ᬦ᭄᭞ᬤᬶᬳᬫ᭄ᬩᬾᬦᬾᬫᬮᬶᬗ᭄ᬕᬶᬄ᭞ᬢ᭄ᬯᬦ᭄ᬬᬸᬤ᭄ᬟᬲᬗ᭄ᬓᬭ᭞ᬗ᭄ᬭᬭᬶᬲ᭄ᬳᬶᬤᬫᬸᬗ᭄ᬕᬳᬦ᭄᭞ᬲᬂᬧ᭄ᬭᬪᬸᬮᬦ᭄ᬭᬵᬤᬾᬦ᭄ᬤᬾᬯᬷ᭞ᬭᬭᬶᬲ᭄ᬫᬜᬧ᭞ᬫᬳᬶᬳᬶᬤᬾᬯᬤᬶᬦᬶ᭟ᬤ᭄ᬲᭂᬓ᭄ᬩ᭄ᬬᬂᬳᬢ᭄ᬫᬦ᭄ᬩ᭄ᬬᬗᬾᬤᬾᬯ᭞᭠
ᬓᬾᬦᬾᬚᬳᬾᬗ᭄ᬕᬮ᭄ᬓ᭄ᬮᬶᬄ᭞ᬍᬕᬧᬶᬲᬦ᭄ᬩ᭄ᬬᬂ᭞ᬓᬤ᭄ᬲᭂᬓ᭄ᬩᬳᬦ᭄ᬧᬦᬓ᭄᭞ᬢᭀᬳᬧᬳᬶᬤᬾᬯᬢᬕᬶᬄ᭞ᬭᬳᬤᬾᬦ᭄ᬫᬦ᭄ᬢ᭄ᬭ᭄ᬬ᭞ᬫᭂᬧᭂᬲ᭄ᬫᬳᬢᬹᬃᬳᬭᬶᬲ᭄᭟ᬢᬶᬢ᭄ᬬᬂᬤᬯᭂᬕ᭄ᬫᬳᬢᬹᬃᬲᬶᬲᬶᬧ᭄ᬭᬶᬂ᭠
ᬩᬧ᭞ᬢᬶᬢ᭄ᬬᬂᬫᬧᬫᬶᬢ᭄ᬳᬸᬕᬶ᭞ᬗᬺᬋᬄᬭᬳᬶᬦ᭄ᬩᬧ᭞ᬲᬦᬾᬭᬶᬂᬓᬺᬢ᭄ᬢᬧᬸᬭ᭞ᬫᬶᬯᬄᬭᬶᬂᬫᬮᬬᬯᬢᬷ᭞ᬫᬗ᭄ᬤᬾᬫᬲᬶᬓ᭄ᬬᬦ᭄᭞ᬳᬶᬭᬶᬓᬶᬭᬶᬂᬳᬶᬩᬶᬩᬶ᭟ᬧ᭄ᬭᬪᬸᬳᬚᬶᬥᬃᬫ᭄ᬫᬳᬶᬘᬭᬭᬶᬲ᭄ᬦᬶᬫ᭄ᬩ᭠
Kaca:Bali-lontar-gaguritan-prabu-aji-dharma-350ppi.pdf/75
Kaca puniki sampun kauji-wacén
