[᭗᭒ 72B]
᭗᭒
ᬗᬋᬗ᭄ᬕᭂᬂᬧᬤᬶᬤᬶᬬᬦ᭄᭞ᬦᬄᬦᬾᬮᬘᬸᬃᬢ᭄ᬯᬭᬓ᭄ᬦᬶ᭞ᬚᬦᬶᬧᬶᬲᬦ᭄᭞ᬫᬗ᭄ᬮᬯᬸᬢ᭄ᬓᬪᭀᬚᬧᬸᬭ᭟ᬤᬾᬯᬶᬘᬓᬺᬯᬢᬶᬚᬸᬯᬂ᭞ᬯᬃᬡ᭄ᬦᬦ᭄ᬲᬂᬧ᭄ᬭᬪᬸᬧᬸᬳᬶᬦ᭄᭞ᬫᬲᬳᬶᬤᬢ᭄ᬯᬭᬳ᭄ᬜᬓ᭄᭞ᬫᬗ᭄ᬭᬭᬶ᭠
ᬲ᭄ᬳᬶᬧᬸᬦ᭄ᬫᬃᬕ᭄ᬕᬶ᭞ᬲᬂᬧ᭄ᬭᬪᬸᬥᬃᬫ᭄ᬫᬫᬗ᭄ᬓᬾᬦ᭄᭞ᬤᬤᭀᬲ᭄ᬓᭂᬤᬶᬲ᭄ᬘᬸᬭᬶᬓ᭄ᬦᬸᬢᬸᬕ᭄᭞ᬫᬓ᭄ᬩᭂᬃᬫᬗ᭄ᬕᬕᬦ᭞ᬳᬕ᭄ᬮᬶᬲ᭄ᬭᬯᬸᬄᬫᬗᬭᬜ᭄ᬚᬶᬂ᭞ᬢᬹᬃᬫᬜᬸᬚᬸᬃ᭞ᬪᭀᬚᬦᬵᬕᬭᬫᬦ᭄ᬢᬸᬓᬦ᭄᭟ᬲ᭄ᬟᭂᬓ᭄ᬢ᭄ᬯᬦ᭄ᬤᬾᬯᬶᬫᬧ᭠
ᬳ᭄ᬬᬲ᭄᭞ᬚ᭄ᬕᬾᬕᬾᬗᬾᬤ᭄ᬟᬦᬶᬦ᭄ᬳᬢᬶ᭞ᬓᬢᬗ᭄ᬓᬶᬮ᭄ᬩᬦ᭄ᬓᬓᬓᬓ᭞ᬭᬭᬶᬲ᭄ᬭᬯᬸᬄᬓ᭄ᬤᬶᬲ᭄ᬘᬸᬭᬶᬓ᭄᭞ᬤᬶᬧᬩᬶᬦᬦᬾᬗᬸᬗ᭄ᬲᬶ᭞ᬤᬤᬶᬕ᭄ᬮᬸᬭᬵᬤᬾᬦ᭄ᬕᬮᬸᬄ᭞ᬦᬾᬓ᭄ᬤᬶᬲ᭄ᬫᬳᬶᬗᬸᬤ᭄ᬬᬂ᭞ᬕᭀᬩᬦᬾᬗᬾ
ᬦ᭄ᬟᬦᬶᬦ᭄ᬳᬢᬶ᭞ᬦᬸᬮ᭄ᬬᬲᬯᬸᬃ᭞ᬢᬶᬢ᭄ᬬᬂᬭᬢᬸᬳᬚᬶᬥᬃᬫ᭄ᬫ᭟ᬭᬯᬸᬄᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬶᬭᬄ᭞ᬳᬾᬮᬶᬗᬂᬭᬢᬢᬸᬦᬾᬭᬶᬳᬶᬦ᭄᭞ᬳᬢᬹᬃᬢᬶᬢ᭄ᬬᬗᬾᬢᬦ᭄ᬮᬶᬜᭀᬓ᭄᭞ᬦᬾᬫᬗ᭄ᬓᬶᬦ᭄ᬳᬶᬧᬢᬶᬄᬫᬤ᭄ᬭᬶ᭞
[᭗᭓ 73A]
ᬳᬶᬧᬸᬦ᭄ᬭᬯᬸᬄᬫᬭᬶᬓᬶ᭞ᬫᬫᬦᬄᬗ᭄ᬕᭀᬤᬳᬶᬭᬢᬸ᭞ᬦᬵᬗ᭄ᬳᬶᬂᬫᬭᬹᬧᬢᬶᬢ᭄ᬬᬂ᭞ᬳᬶᬭᬢᬸᬳᬾᬮᬶᬗᬂᬳᬸᬕᬶ᭞ᬲᬵᬫ᭄ᬧᬸᬦ᭄ᬓᬳ᭄ᬬᬸᬦ᭄᭞ᬩ᭄ᬘᬶᬓᬦ᭄ᬳᬶᬧᬸᬦ᭄ᬦ᭄ᬤᬶᬓᬬᬂ᭟ᬤᬤᭀᬲ᭄ᬓᬫ᭄ᬩᬶᬂᬮᬮᬶᬗ᭄ᬲᬾᬦᬦ᭄᭞
ᬓᬓᬮᬶᬄᬳᬕᭃᬂᬭᬶᬗᬮᬶᬢ᭄᭞ᬳᬶᬭᬶᬓᬳᬶᬤᬾᬯᬦᭀᬦ᭄ᬢᬾᬦ᭄᭞ᬧᬧᬮᬸᬦ᭄ᬳᬶᬧᬸᬦᬾᬩ᭄ᬘᬶᬓ᭄᭞ᬕᬕᬾᬢ᭄ᬭᬯᬸᬄᬳᬶᬫᬤ᭄ᬭᬶ᭞ᬢᬸᬮᬾᬦ᭄ᬫᬯᬃᬡ᭄ᬦᬲᬂᬧ᭄ᬭᬪᬸ᭞ᬳᬶᬧᬓ᭄ᬱᬶᬘᬸᬭᬶᬓ᭄ᬩ᭄ᬘᬢ᭄᭞ᬫ
ᬢᬶᬜ᭄ᬘᬧ᭄ᬭᬶᬂᬳᬗ᭄ᬲᭀᬓᬵᬱ᭄ᬝᬶ᭞ᬢ᭄ᬓᬜᬦ᭄ᬤᬶᬂ᭞ᬳᬶᬧᬢᬶᬄᬮᬯᬸᬢ᭄ᬫᬦ᭄ᬕᬓ᭄᭟ᬲᬳᬫᬸᬜᬶᬳᬮᬸᬲ᭄ᬩᬦ᭄ᬩᬦ᭄᭞ᬫᬵᬲ᭄ᬫᬶᬭᬄᬢᬶᬢ᭄ᬬᬗᬾᬫᬡ᭄ᬦᬶᬓ᭄᭞ᬢᬶᬢ᭄ᬬᬂᬦᬾᬦ᭄ᬢᭂᬦ᭄ᬭᬢᬸᬮᬶᬜᭀᬓ᭄᭞ᬭᬶᬂᬲᬫ
ᬬᬭᬯᬸᬄᬫᬗ᭄ᬓᬶᬦ᭄᭞ᬧᬜ᭄ᬚᬓᬂᬢᬶᬢ᭄ᬬᬂᬫᬡ᭄ᬦᬶᬓ᭄᭞ᬦᬸᬦᬲ᭄ᬓᬾᬫᬺᬫ᭄ᬳᬦᬓᬕᬸᬂ᭞ᬤ᭄ᬬᬧᬶᬦ᭄ᬢᬶᬢ᭄ᬬᬂᬫᬗ᭄ᬮᬄ᭞ᬲᭀᬫᬄᬧᬸᬢ᭄ᬭᬶᬓᬺᬢ᭄ᬢᬧᬸᬭᬶ᭞ᬫᬲᬓᬬ᭞ᬳᬶᬤᬾᬯᬦᬾᬲᬸᬗ᭄ᬲᬸᬂᬢᬶᬢ᭄ᬬᬂ᭟ᬭᬵ
Kaca:Bali-lontar-gaguritan-prabu-aji-dharma-350ppi.pdf/73
Kaca puniki sampun kauji-wacén
