[᭖᭕ 65B]
᭖᭕
ᬦ᭄᭞ᬳᭂᬗ᭄ᬓᬾᬦ᭄ᬧᬵᬢᬹᬢᬂ᭞ᬫᬳᬦ᭄ᬧᬤᬸᬫ᭄ᬓᬓᬮᬶᬄ᭟ᬧᬢᬶᬄᬫᬤ᭄ᬭᬶᬫᬵᬢᬹᬃᬭᬢᬸᬫᬦᬄᬢᬶᬢ᭄ᬬᬂ᭞ᬳᬶᬧᬦ᭄ᬤᬸᬂᬲᬦᬾᬓᬦᬶᬦ᭄᭞ᬫᬗᬫ᭄ᬩᬶᬮ᭄ᬮᬶᬦ᭄ᬢᬗᬦ᭄᭞ᬲᬂᬧ᭄ᬭᬪᬸᬭᬭᬶᬲ᭄ᬦᬶᬫ᭄ᬩᬮ᭄᭞ᬲᬶᬂᬚ᭠
ᬩ᭄ᬦᭂᬄᬳᭂᬦ᭄ᬢᭀᬧ᭄ᬮᬶᬄ᭞ᬫᬮᬶᬂᬫᬕᬸᬡ᭞ᬳᭂᬦ᭄ᬢᭀᬚᬧᬵᬢᬹᬢ᭄ᬧᭀᬮᬶᬄ᭟ᬳᬧᬦ᭄ᬳᬶᬧᬸᬦ᭄ᬫᬮᬓ᭄ᬱᬡᬫᬫᬓᬢᬂ᭞ᬭᬵᬤᬾᬦ᭄ᬕᬮᬸᬄᬜᬯᬸᬭᬶᬦ᭄᭞ᬧᬵᬢᬹᬢ᭄ᬜᬦᬾᬧᬶᬲᬦ᭄᭞ᬫᬳᬦ᭄ᬧᬤᬸ
ᬫ᭄ᬮᭂᬩᬶᬳᬦ᭄᭞ᬦᬾᬦᬾᬦ᭄ᬧᬸᬓᬶᬦ᭄ᬤᬶᬫᬃᬕ᭄ᬕᬶ᭞ᬢ᭄ᬓᬾᬦ᭄ᬦᬾᬗᬸᬢᬂ᭞ᬲᬯᬮᬯᬸᬢ᭄ᬫᬗᬦ᭄ᬢᬶ᭟᭠ᬳᭂᬦ᭄ᬢᭀᬧᬵᬢᬹᬢ᭄ᬳᭂᬤᬸᬫᬶᬦ᭄ᬫᬲᬶᬄᬍᬩᬶᬳᬦ᭄᭞ᬲᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬦᬶᬓᬧᬵᬢᬹᬢ᭄ᬧᬶᬲ᭠
ᬦ᭄᭞ᬧᬫ᭄ᬕᬢ᭄ᬭᬵᬤᬾᬦ᭄ᬤᬾᬯ᭄ᬬ᭞ᬧᬶᬦ᭄ᬤᭀᬲᬸᬩᬭᬵᬤᬾᬦ᭄ᬤᬾᬯᬷ᭞ᬫᬭᬗᬦ᭄ᬤᬶᬓ᭞᭠ᬩᬩᬸᬳᬶᬜᬧ᭄ᬤᬲᬶᬦ᭄᭟ᬦᬄᬦᬾᬚᬦᬶᬧᬤᬫᬦ᭄ᬧ᭄ᬲᬸᬲᬢ᭄ᬯ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬫᬗᬶᬭᬶᬂ᭞
[᭖᭖ 66A]
ᬭᬭᬶᬲ᭄ᬳᬶᬧᬸᬦ᭄ᬫᬲᬢ᭄ᬯ᭞ᬯᬾᬦ᭄ᬢᭂᬦ᭄ᬳᬶᬩᬸᬭᬸᬄᬓᭂᬫ᭄ᬩᬃ᭞ᬯᬵᬱ᭄ᬝᬦ᭄ᬳᬶᬧᬸᬦ᭄ᬲᬓᬶᬂᬳᬮᬶᬢ᭄᭞ᬤᬺᬩᬾᬓᬕᬾᬮᬦ᭄᭞ᬢᬢᬶᬕᬩ᭄ᬘᬶᬓ᭄ᬩ᭄ᬘᬶᬓ᭄᭟ᬭᬸᬄᬓᭂᬫ᭄ᬩᬃᬚᬦ᭄ᬫᬩᬕᬸᬲ᭄ᬫᬮᬶᬄᬩᭀᬢᬓ᭄᭞
ᬚᬚᬫ᭄ᬩᬸᬮᬦᬾᬮᬢᬶᬕ᭄᭞ᬫᬧᬭᬲ᭄ᬫᬩᭂᬗᬦ᭄᭞ᬳᬢᭂᬦᬢᭂᬦ᭄ᬫᬍᬜᬤ᭄᭞ᬫᬧᬳ᭄ᬬᬲ᭄ᬫᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄᭞ᬫᭀᬭᬗ᭄ᬓᬥᬡ᭄ᬝ᭞ᬤᬗᬦᬦ᭄ᬧᬾᬮᬾᬢ᭄ᬩ᭄ᬘᬶᬓ᭄᭟ᬮᬯᬸᬢ᭄
ᬧ᭄ᬲᬸᬫᬚᬮᬦ᭄ᬫᬗᭀᬮᬄᬢᬦ᭄ᬤᬂ᭞ᬲᬲᬧᬸᬢᬦᬾᬧᬲ᭄ᬢᬶ᭞ᬫᬩᬸᬗ᭄ᬳᬮᬜ᭄ᬚᬭᬦ᭄᭞ᬤᬶᬫᬃᬕ᭄ᬕᬦᬾᬫᬚᬮᬦ᭄᭞ᬓᬧᬲᬃᬕ᭄ᬦᬳᬾᬫ᭄ᬮᬮᬶ᭞ᬫᬦᬳᬾᬢᬫ᭞ᬦᬵᬗ᭄ᬳᬶᬂᬩᬩ᭄ᬕᬾᬃᬢᬦᬶ᭟ᬩᬸᬭᬸᬄ
ᬓᭂᬫ᭄ᬩᬃᬭᬭᬶᬲ᭄ᬫᬗ᭄ᬕᬶᬳᬶᬦ᭄ᬭᬶᬂᬧᬲᬃ᭞ᬓᬕᬾᬮᬦᬾᬦᬾᬫᬗ᭄ᬓᬶᬦ᭄᭞ᬥᬧ᭄ᬲᬸᬲᬶᬧ᭄ᬢ᭞ᬳᬤᬜᬶᬗ᭄ᬘᬶᬗᬶᬦ᭄ᬯᬵᬲ᭄ᬢ᭄ᬭ᭞ᬳᬤᬫᬜᬶᬗ᭄ᬘᬶᬗᬶᬦ᭄ᬢᬧᬶᬄ᭞ᬳᬤᬫᬗ᭄ᬮᬾᬲᬂ᭞ᬧᬸᬲᬸᬂᬲᬫ᭄ᬩᬶᬮ᭄ᬫᬫᬃᬕ᭄ᬕᬶ᭟ᬩᬸᬭᬸᬄ
Kaca:Bali-lontar-gaguritan-prabu-aji-dharma-350ppi.pdf/66
Kaca puniki sampun kauji-wacén
