[᭖᭓ 63B]
᭖᭓
ᬫᬮᬶᬄᬳᬶᬤᬗᬦ᭄ᬤᬶᬓ᭞ᬧᬯᬵᬳᬦ᭄ᬫᬲᬢ᭄ᬯᬚᬦᬶ᭞ᬧᬯᬵᬳᬦ᭄ᬦᬶᬫ᭄ᬩᬮ᭄᭞ᬲᬵᬦ᭄ᬤᬶᬓᬢᬶ᭠ᬢ᭄ᬬᬂᬗᬶᬭᬶᬂ᭟ᬯᬾᬦ᭄ᬢᭂᬜ᭄ᬚᬦ᭄ᬫᬯᬵᬱ᭄ᬝᬫᬮᬶᬂᬫᬕᬸᬡ᭞ᬳᬶᬧᬸᬦ᭄ᬧᭀᬮᬶᬄᬫᬫᬮᬶᬂ᭞ᬮᬮᬜ᭄ᬘᬂᬓᬪ
ᬓ᭄ᬢ᭞ᬲᬶᬤ᭄ᬟᬫᬯᬤᬄᬢᬩ᭄ᬮᭂ᭞ᬯᬾᬦ᭄ᬢᭂᬦ᭄ᬫᬮᬶᬄᬧᬦ᭄ᬤᬸᬂᬳᬸᬦᬶᬂ᭞ᬜᬋᬗᬶᬦ᭄ᬫᬓ᭄ᬢ᭞ᬳᬸᬦᬶᬂᬳᬶᬧᬸᬦ᭄ᬭᬶᬂᬫᬃᬕ᭄ᬕᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬧᬦ᭄ᬤᬸᬂᬳᬸᬦᬶᬂᬭᬶᬂᬤᬩ᭄ᬤᬩᬦ᭄᭞ᬫᬗᬺᬋᬄᬤᬬᬕ᭄ᬮᬶᬲ᭄᭞ᬫᬧᬶᬗᬸᬢᬂᬲᬯ᭞ᬤᬶᬓ᭄ᬱᬾᬢ᭄ᬭᬫᬕ᭄ᬦᬄ᭞ᬯᬾᬦ᭄ᬢᭂᬦ᭄ᬫᬮᬶᬄᬧᬦ᭄ᬤᬸᬂᬭᬶᬭᬶᬄ᭞ᬗᭂᬗ᭄ᬓᭂᬩᬗᬯᬓ᭄᭞ᬤᬶᬩᬗ᭄ᬓᬾᬦᬾ᭠ᬜᬭᬸᬳᬶᬦ᭄᭟ᬫᬮᬶᬂᬫᭀᬃᬫᭀᬃᬯᬵᬱ᭄ᬝᬦ᭄ᬦᬾᬫᭂᬗ᭄ᬓᭂᬩ᭄ᬭᬶᬂᬲᬯ᭞ᬫᬮᬶᬄᬳᬫᬮᬶᬂᬲᬚᬶ᭞ᬦᬾᬳᬸᬦᬶᬂ᭠
ᬭᬶᬂᬤᬮᬦ᭄᭞ᬳᬶᬩᬺᬢᬾᬄᬓᬯᭀᬢ᭄ᬳᬶᬓ᭞ᬦᬾᬫᬗᬸᬢᬂᬩᬗ᭄ᬓᬾᬗᬦ᭄ᬢᬶ᭞ᬤᬶᬲ᭄ᬫᬵᬧᬲᬄ᭞ᬍᬕᬦᬾᬢᬦ᭄ᬲᬶᬦᬶᬧᬶ᭟ᬲᬕᬾᬢ᭄ᬭᬯᬸᬄᬫᬮᬶᬗᬾᬫ᭄ᬩᬓ᭄ᬢᬮᬮᬜ᭄ᬘᬂ᭞ᬦᭂᬫ᭄ᬦᭂᬫ᭄ᬫᬯᬤᬄᬧ᭄ᬢᬶ᭞ᬧ᭄ᬭ᭠
[᭖᭔ 64A]
ᬬᬦᬾᬗᭂᬗ᭄ᬓᭂᬩᬂ᭞ᬤᬶᬓ᭄ᬱᬾᬢ᭄ᬭᬦᬾᬕ᭄ᬦᬳᬂ᭞ᬲᬕᬾᬢ᭄ᬚᬦ᭄ᬫᬯᬾᬦ᭄ᬢᭂᬦ᭄ᬳᬸᬦᬶᬂ᭞ᬭᬭᬶᬲ᭄ᬓᬳ᭠ᬚᬓ᭄᭞ᬲᬋᬂᬦ᭄ᬤᬸᬯᬾᬬᬂᬲᬫᬶ᭟ᬭᬭᬶᬲ᭄ᬳᬶᬫᬮᬶᬂᬫᬕᬸᬡᬵᬗᬸᬘᬧ᭄᭞ᬦᬾᬤᬶᬦᬶᬢᬦᭂᬫ᭄ᬚᬦᬶ᭞ᬢ
ᬩ᭄ᬮᬦᬾᬳᬮᬶᬤᬂ᭞ᬩ᭄ᬮᬶᬢ᭄ᬩᬶᬢᬶᬦ᭄ᬫᬗ᭄ᬤᬾᬲᬃᬯ᭄ᬯᬦ᭄᭞ᬲᬵᬫ᭄ᬧᬸᬦ᭄ᬫᬢᬦᭂᬫ᭄ᬫᬩ᭄ᬮᬶᬢ᭄ᬩᬶᬢ᭄᭞ᬫ᭠ᬮᬶᬂᬫᬕᬸᬡ᭞ᬫᬫᬸᬜᬶᬚᬮᬦ᭄ᬫᬸᬮᬶᬄ᭟ᬫᬦᬶᬲ᭄ᬫᭂᬂᬫᬳᬶᬳᬮᬶᬄᬳᬧᬶᬲᬦᬦ᭄᭞ᬫᬲᬶᬄᬢᬗᬭᬶᬜ᭄ᬚ
ᬦᬶ᭞ᬳᬶᬦ᭄ᬤᬬᬂᬫᬮᬶᬬᬢ᭄᭞ᬤᬶᬩᬗ᭄ᬓᬾᬦᬾᬧ᭄ᬤᬲᬂ᭞ᬲᬶᬂᬜᬳᬤᬫᬜᬭᬸᬳᬶᬦ᭄᭞᭠ᬮᬯᬸᬢ᭄ᬓᬢᬸᬤᬕ᭄᭞ᬩᬲᬂᬩᬗ᭄ᬓᬾᬦᬾᬲᬫᬶ᭟ᬲᬵᬫ᭄ᬧᬸᬦ᭄ᬩᬸᬤᬮ᭄ᬫᬮᬶᬗᬾᬫᬓᬢᬢᬶᬕ᭞ᬳᬶᬫ᭠
ᬮᬶᬂᬫᭀᬃᬫᭀᬃᬭᬭᬶᬲ᭄᭞ᬩᬗᬸᬦ᭄ᬫᬫᬸᬭᬾᬗᬂ᭞ᬮᬶᬬᬢᬾᬫᬜ᭄ᬘᬤᬾᬰ᭞ᬲᬸᬯᬸᬂ᭠ᬦᬾᬢᬶᬸᬦ᭄ᬢᭂᬦ᭄ᬯᬾᬦ᭄ᬢᭂᬦ᭄ᬳ᭄ᬲᬶᬂ᭞ᬭᬭᬶᬲ᭄ᬓᬚ᭄ᬫᬓ᭄᭞ᬮᬮᬜ᭄ᬘᬗᬾᬓᬳᬫ᭄ᬩᬶᬮ᭄᭟ᬗ᭄ᬭᬭᬶᬲ᭄ᬩᬸᬤᬮ᭄ᬭᬯᬸᬄ᭠
Kaca:Bali-lontar-gaguritan-prabu-aji-dharma-350ppi.pdf/64
Kaca puniki sampun kauji-wacén
