[᭖᭑ 61B]
᭖᭑
ᬫᬧᬧᬶᬦ᭄ᬟᬦ᭄᭞ᬳᬦᬓ᭄ᬮᬸᬄᬭᬲ᭄ᬧᬢᬶ᭞ᬚ᭄ᬕᬾᬕᬾᬓᬮᬶᬦ᭄ᬢᬂ᭞ᬫᬶᬭᬶᬩ᭄ᬳᬤᬸᬧ᭄ᬧᬲᬚ᭞᭠ᬢᬸᬯᬶᬫᬫᬗᬾᬤ᭄ᬟᬦᬶᬦ᭄ᬳᬢᬶ᭞ᬳᬲᬶᬂᬫᬗ᭄ᬮᬶᬯᬢ᭄᭞ᬲᬸᬤᬕᬃᬗᬮᬶᬦ᭄ᬢᬂᬫᬗ᭄ᬓᬶᬦ᭄᭟ᬕ᭄ᬮᬸᬳᬶᬧᬸᬦ᭄ᬗᭂᬢᭀ᭠
ᬦ᭄ᬢᭀᬕᭀᬕ᭄ᬚ᭄ᬕᬾᬕ᭄ᬧᬶᬲᬦ᭄᭞ᬭᬭᬶᬲ᭄ᬳᬶᬧᬸᬦ᭄ᬫᬳ᭄ᬬᬲᬶᬦ᭄᭞ᬩᬵᬦ᭄ᬧ᭄ᬭᬜ᭄ᬘᬶᬲ᭄ᬮᬦ᭄ᬲᬸᬢᬺ᭞ᬲᭀᬗ᭄ᬓᬾᬢ᭄ᬯᬸᬲ᭄ᬓᬭᬗ᭄ᬲᬸᬓᬂ᭞ᬤᬤᬶᬓᬫ᭄ᬩᭂᬦ᭄ᬓᬮᬸᬂᬢᬧᬶᬄ᭞ᬫᬲᬩᬸᬓ᭄ᬲᬸᬢᬺ᭞ᬫᬢᭀᬭᭀᬲ᭄ᬩᬗ᭄ᬓ᭄ᬬᬂ
ᬭᬫ᭄ᬧᬶᬂ᭟ᬲᬸᬫᬶᬗ᭄ᬓᬶᬦ᭄ᬜᬢᭀᬕᭀᬕᬾᬫᬕᭀᬫ᭄ᬮᬄ᭞ᬳᬤᬩᬸᬯᬶᬦ᭄ᬫᬫᬃᬕ᭄ᬕᬶ᭞ᬚᬦ᭄ᬫᬧᬦ᭄ᬟᬾᬳ᭄ᬫᬲ᭄᭞ᬕ᭄ᬮᬸᬍᬃᬗᬦ᭄ᬢᭂᬦᬂ᭞ᬢᭀᬕᭀᬕᬾᬓᬮᬶᬦ᭄ᬢᬂᬩ᭄ᬘᬶᬓ᭄᭞ᬩᬸᬯᬶᬦ᭄ᬫᬧᬳ᭄ᬬᬦᬲ᭄᭞ᬳᬶᬧ᭠
ᬦ᭄ᬟᬾᬗᬯᬸᬯᬸᬳᬶᬦ᭟ᬓᬲᬸᬩᭂᬗᬶᬦ᭄ᬳᬦ᭄ᬢᬸᬓ᭄ᬳᬫᬲ᭄ᬫᬲᬲᭀᬘᬦ᭄᭞ᬮᬶᬄᬓᬢ᭄ᬭᬗ᭄ᬕᬦᬳᬶᬦ᭄᭞ᬳᬦ᭄ᬢᬸᬓ᭄ᬲ᭄ᬓᬃᬳ᭄ᬫᬲ᭄᭞ᬧᭂᬧᭂᬓ᭄ᬫᬕ᭄ᬮᬗ᭄ᬓᬦ᭞ᬢᬮᬶᬩᬜ᭄ᬘᬂᬩᬧᬂᬭᬸᬫ᭄ᬩᬶᬂ᭞ᬫᬗ᭄ᬓᬶᬦ᭄ᬓᬮᬶᬦ᭄ᬢᬂ᭞ᬚ᭄ᬕᬾ᭠
[᭖᭒ 62A]
ᬕ᭄ᬲᬸᬢᬾᬚᬳᬲᬶᬦ᭄᭟ᬭᬭᬶᬲ᭄ᬯᬾᬦ᭄ᬢᭂᬦ᭄ᬩ᭄ᬭᬵᬳ᭄ᬫᬡᬧᬡ᭄ᬟᬶᬢᬗᬮᬶᬦ᭄ᬢᬂ᭞ᬭᬭᬶᬲ᭄ᬳᬶᬤᬫᬗ᭠ᬓ᭄ᬱᬶ᭞ᬘᬦᭂᬕ᭄ᬯᬯᬸᬜᬶᬗᬓ᭄᭞ᬫᬶᬦᭂᬄᬭᬶᬂᬧᬓᬳ᭄ᬬᬸᬦᬦ᭄᭞ᬜᬾᬦ᭄ᬫᬗ᭄ᬚᬂᬢᭀᬕᭀᬕ᭄ᬤᬶᬦᬶᬚ᭄ᬕᬾ᭠
ᬕᬾᬮᬶᬯᬢ᭄᭞ᬤᬸᬯᭂᬕ᭄ᬲᬗ᭄ᬕᬶᬗᬾᬗᬸᬓᬶᬃ᭟ᬩᬶᬦ᭄ᬫᬩᬶᬓᬲ᭄ᬓᬜᭂᬫᬾᬫᬦᬶᬲ᭄ᬫᬍᬜᬤ᭄᭞ᬩᬸᬯᬶᬦ᭄ᬳᬤᬫᬳ᭄ᬬᬲᬶᬦ᭄᭞ᬫᬪᬹᬱᬡᬳ᭄ᬫᬲ᭄᭞ᬲᬬᬂᬢ᭄ᬯᬭᬳᬶᬤᬸᬧᬂ᭞ᬫᬗ᭄ᬤᬾᬦᬾᬩᬶᬱᬫᬫᬸᬜᬶ᭞ᬫᬶ
ᬯᬄᬫᬚᬮᬦ᭄᭞ᬘᬭᬚᬮ᭄ᬫᬚᬢᬶ᭟ᬭᬭᬶᬲ᭄ᬳᬶᬤᬫᬢᬶᬗ᭄ᬓᬄᬗ᭄ᬕᬶᬦᭂᬗᬂᬬᭀᬕ᭞ᬧᬕᭂᬄᬳᬸᬢ᭄ᬧ᭄ᬝᬶᬲ᭄ᬢᬶᬢᬶ᭞ᬲᬵᬫ᭄ᬧᬸᬦ᭄ᬓᬲᬶᬫ᭄ᬧᭂᬦᬂ᭞ᬩᬬᬸᬘᬶᬢ᭄ᬢᬲᬶᬦᬹᬓ᭄ᬱ᭄ᬫ᭞ᬲ᭄ᬯᬭᬓᬲᬶᬤ᭄ᬟᬦ᭄ᬫᬳᬸᬭᬶᬧ᭄᭞
ᬳᬶᬢᭀᬕᭀᬕ᭄ᬗᬸᬘᬧ᭄᭞ᬲᬧᬲᬶᬭᬫᬗᬸᬭᬶᬧ᭄᭟ᬫᬗ᭄ᬓᬶᬦ᭄ᬤᬶᬚᬮᬓᬸᬦ᭄ᬢᬶᬢ᭄ᬬᬂᬦ᭠ᬯᬸᬃᬳᬸᬢᬂ᭞ᬳᬶᬕᬸᬦ᭄ᬟᬕᬶᬜᬯᬸᬭᬶᬦ᭄᭞ᬫᬳᬶᬮᬓᬸᬤᬾᬯᬷ᭞ᬩᬧᬗᬸᬓᬶᬃᬳᬶᬤᬾᬯ᭞ᬫᬶᬦ᭄ᬟᬬᬂ᭠
Kaca:Bali-lontar-gaguritan-prabu-aji-dharma-350ppi.pdf/62
Kaca puniki sampun kauji-wacén
