[᭕᭒ 52B]
᭕᭒
ᬕ᭄ᬚᬕ᭄᭞ᬫᬗ᭄ᬮᬸᬢ᭄ᬫᬧᬲᬶᬳᬶᬦ᭄᭞ᬦᬦᬓ᭄ᬳᬚᬶᬥᬃᬫ᭄ᬫ᭞ᬩᬕᬸᬲᬾᬢᬦ᭄ᬓᬲᬫᬦ᭄᭞ᬪᬝᬭᬲ᭄ᬫᬭᬳᬦ᭄ᬤᬤᬶ᭞ᬩᬸᬯᬶᬦ᭄ᬓᬳᬦᬦ᭄᭞ᬰᬓ᭄ᬢᬶᬲᬓ᭄ᬦᭂᬄᬤᬤᬶ᭟ᬳᬢᬹᬢ᭄ᬫᬳᬤ᭄ᬧᬢᬶᬄᬫᬲᬶᬄ
ᬩ᭄ᬯᬢ᭄ᬯᬶᬤᬕ᭄ᬟ᭞ᬧ᭄ᬭᬪᬸᬥᬃᬫ᭄ᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬢᬫ᭄ᬩᭂᬢ᭄ᬧᬶᬲᬦ᭄᭞ᬢᬶᬢ᭄ᬬᬂᬦᬸᬦᬲ᭄ᬲᬵᬫ᭄ᬧᬸᬭ᭞ᬲ᭄ᬯᬾᬘ᭄ᬙᬭᬢᬸᬳᬶᬘ᭄ᬙᬳᬸᬭᬶᬧ᭄᭞ᬓᬮᬶᬘ᭄ᬢᬂᬢᬶᬢ᭄ᬬᬂ᭞ᬗᬾᬭᬗᬶᬦ᭄ᬓᬤᬶᬫᬗ᭄ᬓᬶᬦ᭄᭟᭠
ᬳᬶᬤᬲᬂᬧ᭄ᬭᬪᬸᬫᬓᬫᬶᬯᬄᬧ᭄ᬭᬫᬶᬰ᭄ᬯᬃᬬ᭄ᬬ᭞ᬲᬯᬸᬭᬾᬳᬮᬸᬲ᭄ᬫᬦᬶᬲ᭄᭞ᬩᬧᬩ᭄ᬬᬂᬍ᭠ᬕ᭞ᬫᬫᬦ᭄ᬢᬸᬭᬶᬂᬳᬶᬤᬾᬯ᭞ᬦᬾᬚᬦᬶᬳᬶᬤᬾᬯᬤᬶᬦᬶᬗᭂᬦ᭄ᬢᬶᬦᬶᬦ᭄ᬩᬧ᭞ᬳᬕᬸᬂᬤᬶᬪᭀᬚᬦᬵ
ᬕᬭᬶ᭟ᬧᬩ᭄ᬬᬂᬲᬸᬩᬲ᭄ᬟᭂᬂᬜᬮᬸᬓ᭄ᬢ᭄ᬯ᭞ᬦᬶᬲ᭄ᬓᬵᬮᬦᬾᬚ᭄ᬯᬳᬮᬶᬄ᭞ᬧ᭄ᬭᬪᬸᬳᬚᬶᬥᬃᬫ᭄ᬫ᭞ᬫᬵᬢᬹᬃᬢᬶᬢ᭄ᬬᬂᬫᬫᬶᬦ᭄ᬤᬄ᭞ᬳᬫᬗ᭄ᬓᬶᬦᬦ᭄ᬢᬦ᭄ᬲᬳᬶᬭᬶᬂ᭞ᬢᬶᬢ᭄ᬬᬂᬫᬫᬦᬄ᭞ᬫᬦ᭄ᬢᬸᬓ᭄ᬳᬚᬳ᭠
[᭕᭓ 53A]
ᬦ᭄ᬳᬸᬕᬶ᭟ᬢᬸᬮᬓ᭄ᬢᬶᬢ᭄ᬬᬂᬢᬶᬢ᭄ᬬᬂᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸᬦᬦ᭄᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬭᬶᬲ᭄᭞ᬓ᭄ᬫᬓᬾᬳᬶᬤᬾᬯ᭞ᬳᬮᬶᬄᬭᬳᬶᬦ᭄ᬳᬶᬤᬾᬯ᭞ᬩᬧᬗᬦ᭄ᬢ᭄ᬬᬂᬫᬦ᭄ᬤᬸᬲ᭄ᬚᬦᬶ᭞ᬧ᭄ᬭᬪ᭄ᬯᬵᬚᬷᬥᬃᬫ᭄ᬫ᭞ᬜᬸᬫ᭄ᬩ
ᬗ᭄ᬭᬾᬭᬶᬲ᭄ᬫᬫᬃᬕ᭄ᬕᬶ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬳᬕᬮᬸᬳᬦ᭄ᬓᬤᬧ᭄ᬢᬂ᭞ᬭᬵᬤᬾᬦ᭄ᬕᬮᬸᬄᬫᬮᬶᬗ᭄ᬕᬶᬄ᭞ᬮ᭄ᬯᬶᬃᬧ᭄ᬭᬢᬶᬫᬭᬢ᭄ᬦ᭞ᬫᬋᬲ᭄ᬫᭂᬲ᭄ᬩᬵᬦᬾᬗᬶᬤᬫ᭄᭞ᬩᬸᬓᬳ᭄ᬫᬲᬾᬲᬶᬦᬗ᭄ᬮᬶᬂ᭞ᬩ᭄ᬗᭀᬂᬗᬳ᭄ᬬᬸᬦᬂ᭞ᬓᬾ
ᬦ᭄ᬓᬾᬤᬤᬶᬦ᭄ᬦᬾᬚᬦᬶ᭟ᬲᬭᬯᬸᬳᬾᬲᬂᬧ᭄ᬭᬪᬸᬲᬃᬯ᭄ᬯᬶᬫᬜ᭄ᬫᬓ᭄᭞ᬫᬗᬩᬶᬦ᭄ᬫᬧᬲᬶᬳᬶᬦ᭄᭞ᬳᬶᬗ᭄ᬕᬶᬄᬭᬢᬸᬩᬸᬮᬦ᭄᭞ᬳᬸᬭᬶᬧ᭄ᬦᬾᬫᬗ᭄ᬓᬶᬦ᭄ᬢᬶᬢ᭄ᬬᬂ᭞ᬲᬂᬧ᭄ᬭᬪᬸᬫ᭄ᬯᬂᬧ᭄ᬭᬫᬶᬰ᭄ᬯᬭᬷ᭞ᬓᬮᬶᬦ᭄ᬢᬂᬲ᭄ᬯᬾ᭠
ᬘ᭄ᬙ᭞ᬫᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬢᬸᬭᬶᬧ᭄᭟ᬭᬤᬾᬦ᭄ᬕᬮᬸᬄᬩᬸᬫᬭᬫᬭᬱᬓᬾᬦᬓ᭄᭞᭠ᬫᬲᬯᬸᬃᬲᬤᬳᬭᬶᬲ᭄᭞ᬢ᭄ᬬᬂᬤᬶᬦᬶᬫᬗᬦ᭄ᬢ᭄ᬬᬂ᭞ᬬᬾᬦ᭄ᬲᬚᬳᬶᬤᬲᬾᬤ᭄ᬟ᭞ᬢ᭄ᬬᬂᬳᬸᬮᬶᬤᬶᬦᬶᬫ
Kaca:Bali-lontar-gaguritan-prabu-aji-dharma-350ppi.pdf/53
Kaca puniki sampun kauji-wacén
