[᭔᭕ 45B]
᭔᭕
᭞ᬳᬧᬗ᭄ᬓᬸᬃᬭᬯᬸᬄᬫᬭᬶᬓᬶ᭞ᬲᬂᬧ᭄ᬭᬪᬸᬳᬶᬤ᭞ᬗᬦ᭄ᬤᬶᬓᬬᬂᬫᬗᬫ᭄ᬩᬶᬮ᭄᭟ᬦᬵᬗ᭄ᬳᬶᬂᬭᬢᬸᬧᬶᬦᬸᬦᬲ᭄ᬢᬶᬢ᭄ᬬᬂᬧᬶᬋᬗᬂ᭞ᬳᬢᬹᬭᬂᬢᬶᬢ᭄ᬬᬂᬫᬗ᭄ᬓᬶᬦ᭄᭞ᬭᬶᬂᬳᬚᬶᬦ᭄ᬳᬶᬤᬾᬯ᭞ᬢᬶᬢ᭄ᬬᬂᬢ
ᬦ᭄ᬯᬾᬦ᭄ᬢᭂᬦ᭄ᬧᬲᬄ᭞ᬭᬶᬂᬳᬶᬭᬢᬸᬓᬬᬂᬫᬢᬶ᭞ᬢᬶᬢ᭄ᬬᬂᬫᬯᬃᬡ᭄ᬦ᭞ᬭᬶᬂᬩᬸᬗ᭄ᬳᬦ᭄ᬢᬸᬜ᭄ᬚᬸᬂᬫᬶᬬᬶᬓ᭄᭟ᬫᬗ᭄ᬤᬳᬶᬤᬳᬸᬦᬶᬂᬢᬶᬢ᭄ᬬᬂᬫᬗᬵᬢᬹᬭᬂ᭞ᬳᬶᬧᬸᬦ᭄ᬳᬶᬧᬢᬶᬄᬫᬤ᭄ᬭᬶ᭞ᬫᬸᬮᬧᬜ᭄ᬚᬓ᭄ᬢᬶᬢ᭄ᬬᬂ
᭞ᬫᬗ᭄ᬓᬶᬦ᭄ᬳᬶᬧᬸᬦ᭄ᬜᬗ᭄ᬕᬸᬧᬂ᭞ᬳᬢᬹᬃᬭᬶᬂᬳᬤᬳᬶᬳᬚᬶ᭞ᬳᬶᬧᬸᬦ᭄ᬫᬫᬦ᭞ᬗ᭄ᬮᬶᬦ᭄ᬢᬗᬶᬦ᭄ᬢᬶᬢ᭄ᬬᬂᬫᬗ᭄ᬓᬶᬦ᭄᭟ᬓᬕᬾᬢ᭄ᬭᬯᬸᬄᬧᬸᬦ᭄ᬧᬗ᭄ᬓᬸᬃᬜᭀᬗ᭄ᬓᭀᬓ᭄ᬫᬜᬸᬫ᭄ᬩᬄ᭞ᬭᬢᬸᬤᬾᬯᬵᬕᬸᬂᬳᬶᬲ᭄ᬢ᭄ᬭᬶ᭞
ᬢᬶᬢ᭄ᬬᬂᬓᬦ᭄ᬤᬶᬓᬬᬂ᭞ᬦᬸᬦᬲ᭄ᬩᬮᬶᬩᬶᬲ᭄ᬧᬸᬦᬶᬓ᭞ᬭᬵᬤᬾᬦ᭄ᬕᬮᬸᬄᬲᬯᬸᬭᬭᬶᬲ᭄᭞ᬓ᭄ᬫᬚᬳᬚᬓ᭄᭞ᬳᬢᬹᬭᬶᬂᬩᬧᬵᬚᬶ᭟ᬧᬸᬦ᭄ᬩᬮᬶᬩᬶᬲ᭄ᬫᬕ᭄ᬦᬄᬭᬶᬂᬩᭀᬓᭀᬃᬳ᭄ᬫᬲ᭄᭞ᬭᬭᬶ᭠
[᭔᭖ 46A]
ᬲ᭄ᬓᬢᬫ᭄ᬧᬯᬶᬚᬶᬮ᭄᭞ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬳᬶᬧᬗ᭄ᬓᬸᬃᬫᬗᬵᬢᬹᬭᬂ᭞ᬲᬂᬧ᭄ᬭᬪᬸᬯᬯᬸᬫᬓ᭄ᬱᬶ᭞ᬳᬶᬩ᭄ᬮᬩᬶᬲ᭄ᬧ᭄ᬝᬓ᭄᭞ᬚᬕ᭄ᬓᬕᬾᬢ᭄ᬳᬶᬧᬸᬦ᭄ᬫᬢᬶ᭟ᬫᬗ᭄ᬓᬶᬦ᭄ᬲᬂᬧ᭄ᬭᬪᬸᬓᬮᬶᬦ᭄ᬢᬂᬤᬸᬄᬓ᭞ᬳᬶ
ᬧᬗ᭄ᬓᬸᬃᬓᬭᬯᭀᬲ᭄ᬫᬗ᭄ᬓᬶᬦ᭄᭞ᬜ᭄ᬓᬸᬓ᭄ᬲᬗ᭄ᬓᬦ᭄ᬧ᭄ᬚᬄ᭞ᬳᬶᬧᬗ᭄ᬓᬸᬃᬜᬸᬫ᭄ᬩᬄᬜᬸᬫ᭄ᬩᬄ᭞ᬗ᭄ᬮᬸᬗ᭄ᬲᬸᬃᬦ᭄ᬤᬯᭂᬕ᭄ᬦᬸᬦᬲ᭄ᬳᬸᬭᬶᬧ᭄᭞ᬢᬦ᭄ᬯᬾᬦ᭄ᬢᭂᬦ᭄ᬧᬶᬲᬦ᭄᭞ᬢᬶᬢ᭄ᬬᬂᬧᭀᬮᬶᬄᬗᬸᬲᬸᬤᬶᬦ᭄᭟ᬲᬶᬭᬧᬢᬶᬄᬫ
ᬤ᭄ᬭᬶᬫᬵᬢᬹᬃᬫᬜᬶᬦᬳᬂ᭞ᬧᬸᬦᬶᬓᬶᬳᬶᬩᬮᬶᬩᬶᬲ᭄᭞ᬓᬸᬮᬶᬢ᭄ᬦᬾᬗᬭᬸᬲᬓ᭄᭞ᬳᬦᬓ᭄ᬘᭀᬓᭀᬃᬳᬶᬤᬾᬯ᭞ᬫᬗ᭄ᬓᬶᬦ᭄ᬲᬶᬚᭂᬦ᭄ᬓᬕ᭄ᬦᬳᬶᬦ᭄᭞ᬫᬗ᭄ᬓᬶᬦ᭄ᬢᬢᬲᬂ᭞ᬫᬮᬶᬄᬓᬚ᭄ᬭᭀᬧᬸᬭᬶ᭟ᬲᬂ
ᬧ᭄ᬭᬪᬸᬗᬦ᭄ᬤᬶᬓᬦᬄᬧᬗ᭄ᬓᬸᬃᬳᬾᬗ᭄ᬕᬮᬂ᭞ᬓᬧᬕᬮᬸᬳᬦ᭄ᬳᬶᬦ᭄ᬢᬶᬧ᭄᭞ᬬᬾᬦ᭄ᬳᬧᬕᬶᬲᬶᬦ᭄ᬜ᭞ᬦᬦᬓ᭄ᬕᬮᬸᬄᬧ᭄ᬤᬲᬂ᭞ᬳᬶᬧᬗ᭄ᬓᬸᬃᬗᬺᬗ᭄ᬕᭂᬂᬫᬫᬃᬕ᭄ᬕᬶ᭞ᬓᬾᬦᬾᬲᬚᬲᬦ᭄ ᬳᬸᬬᬂᬳᬶᬧᬢᬶᬄᬫᬤ᭄ᬭᬶ᭟ᬲ᭠
Kaca:Bali-lontar-gaguritan-prabu-aji-dharma-350ppi.pdf/46
Kaca puniki sampun kauji-wacén
