[᭒᭕ 25B]
᭒᭕
ᬦᬦ᭄᭞ᬤᬤᭀᬲ᭄ᬲᬸᬗ᭄ᬲᬸᬢᬾᬮᬶᬦ᭄ᬢᬂ᭞ᬲᬶᬭᬤ᭄ᬫᬸᬂᬫᬗᭀᬃᬢ᭄ᬣᬳᬶᬦ᭄᭞ᬓᬾᬦᬾᬓᬯᬶᬢ᭄ᬜ᭞ᬯᬶᬓᬸᬫᬋᬩᬸᬢ᭄ᬳᬶᬲ᭄ᬢ᭄ᬭᬷ᭟ᬧᬥᬗᬓᬸᬫᬤ᭄ᬯᬾᬭᬩᬶᬦᬾᬳᬶᬤ᭞ᬦᬾᬳᬶᬲ᭄ᬢ᭄ᬭᬷᬢ᭄ᬯ
ᬭᬳᬸᬦᬶᬂ᭞ᬬᬾᬦ᭄ᬳᭂᬗ᭄ᬓᬾᬦ᭄ᬭᬓᬦ᭄ᬳᬶᬤ᭞ᬩᬵᬦ᭄ᬯᬃᬡ᭄ᬦᬦᬾᬯᬮᬸᬬ᭞ᬧᬢᬸᬄᬫᬳᬶᬭᬶᬩ᭄ᬳᬩ᭄ᬲᬶᬓ᭄᭞ᬳᭂᬦ᭄ᬢᭀᬳᬶᬢᬸᬦ᭄ᬬᬦ᭄᭞ᬦᬸᬦᬲ᭄ᬫᬗ᭄ᬤᬢ᭄ᬧᬲᬶᬦ᭄᭟ᬲᬂᬧ᭄ᬭᬪᬸᬦᬦᭂᬂᬢ᭄ᬯᬭᬧᬶᬲ᭠
ᬦ᭄ᬗᬳ᭄ᬬᬸᬦᬂ᭞ᬧᬗᬦ᭄ᬤᬶᬓᬦᬾᬢᬶᬤᬶᬂ᭞ᬢ᭄ᬓᬾᬦ᭄ᬫᬦ᭄ᬢ᭄ᬭᬶᬦ᭄ᬳᬶᬤ᭞ᬳᬲᬶᬂᬢ᭄ᬯᬭᬜᬶᬤ᭄ᬟᬬᬂ᭞ᬓᬲᬸᬯᬸᬤᬶᬗ᭄ᬕᬶᬲᬶᬕᬸᬫᬶ᭞ᬳᬲᬶᬂᬜᬶᬤ᭄ᬟᬬᬂ᭞ᬗ᭄ᬭᬯᭀᬲᬶᬦ᭄ᬫᬤᭂᬕ᭄ᬧᬢᬶᬄ᭟ᬲᬂᬩᬮᬶᬩᬶᬲ᭄᭠
ᬓ᭄ᬜᭂᬫᬦᬶᬲ᭄ᬮᬯᬸᬢ᭄ᬦᬶᬫ᭄ᬩᬮ᭄᭞ᬩᬧᬤ᭄ᬫᬸᬂᬦᬾᬫᬗ᭄ᬓᬶᬦ᭄᭞ᬫ᭄ᬭᬶᬓᬓᬩᬜ᭄ᬘᬶᬗᬄ᭞ᬢ᭄ᬧᬲᬶᬦ᭄ᬧ᭄ᬭᬕᬢ᭞ᬕᬮᬄᬜᬶᬧᬢᬶᬦ᭄ᬧᬸᬦᬶᬓᬶ᭞ᬕᬦ᭄ᬢᭀᬲᬦ᭄ᬩᬧ᭞ᬧᬘᬸᬂᬫᬗᬤᭂᬕ᭄ᬧᬢᬶᬄ᭟
[᭒᭖ 26A]
ᬦᬶᬓᬳᬶᬤᬲᬂᬯᬶᬓᬸᬦᬾᬧᬢᬸᬄᬧᬶᬲᬦ᭄᭞ᬳᬶᬧᬸᬦ᭄ᬪᬹᬢᬳᬲᬶᬓᬶ᭞ᬦᬶᬓᬶᬳᬗ᭄ᬕᬾᬦ᭄ᬫᭂᬕᬢ᭄᭞ᬧᬯᬶᬘᬭᬦᬾᬮᬲ᭄ᬬ᭞ᬳᬲᬶᬂᬜᬶᬤ᭄ᬟᬬᬂᬜ᭄ᬮᭂᬧᬶᬦ᭄᭞ᬳᭂᬲᭀᬂᬘᬭᬢᬦ᭄᭞ᬦᬶᬓᬲ
ᬗ᭄ᬕᬸᬧᬂᬧᭀᬮᬶᬄ᭟ᬓᬮᬶᬄᬫᬗ᭄ᬓᬶᬦ᭄ᬦ᭄ᬤᬶᬓᬬᬂᬦ᭄ᬤᬸᬕ᭄ᬤᬸᬕᬂᬲᬳᬂ᭞ᬢᬸᬜ᭄ᬚᭂᬮ᭄ᬫᬗ᭄ᬤᬾᬦ᭄ᬦᬾᬗᭂᬦ᭄ᬤᬶᬄ᭞ᬳᬲᬶᬂᬫᬜᬶᬤ᭄ᬟᬬᬂ᭞ᬜ᭄ᬮᭂᬧᬶᬦ᭄ᬲᭀᬂᬘᬭᬢᬦ᭄᭞ᬤᬕ᭄ᬮᬂᬤᬶᬳᬧᬶᬦᬾᬗᭂᬦ᭄ᬤᬶᬄ᭞᭠
ᬦᬾᬢᬦ᭄ᬜᬶᬤ᭄ᬟᬬᬂ᭞ᬳᬢᬹᬭᬶᬦ᭄ᬳᬶᬤᬳᬶᬲ᭄ᬢ᭄ᬭᬷ᭟ᬲᬶᬭᬤ᭄ᬫᬂᬍᬕᭂᬩᬳᬸᬫᬶᬭᬕ᭄ᬬᬂ᭞ᬭᬯᭀᬲ᭄ᬜᬲᬂᬩᬮᬶᬩᬶᬲ᭄᭞ᬧᬺᬫᬗ᭄ᬓᬶᬦ᭄ᬫᬚᬮᬦ᭄᭞ᬢᬦ᭄ᬤᬗᬾᬫᬕᬫ᭄ᬧᬭᬦ᭄᭞ᬢ᭄ᬓᭂᬤᬶᬩ
ᬜ᭄ᬘᬶᬗᬄᬕ᭄ᬮᬶᬲ᭄᭞ᬤᬧ᭄ᬢᬂᬳᬢᬧ᭄᭞ᬧᬭᬫᬦ᭄ᬢ᭄ᬭᬶᬦᬾᬫᬮᬶᬗ᭄ᬕᬶᬄ᭟ᬦᬵᬗ᭄ᬳᬶᬂᬳᬶᬤ᭠ᬲᬂᬧ᭄ᬭᬪᬸᬤᬸᬭᬸᬂᬓᬯ᭄ᬤᬮ᭄᭞ᬓᬶᬤ᭄ᬫᬸᬂᬫᬵᬢᬹᬭᬮᭀᬦ᭄᭞ᬲᬧᬸᬦᬧᬶᬧᬥ᭞ᬩ᭄ᬮᬶᬲᬋᬂᬲᬫ᭄ᬬᬦ᭄
Kaca:Bali-lontar-gaguritan-prabu-aji-dharma-350ppi.pdf/26
Kaca puniki sampun kauji-wacén
