[᭑᭕ 15B]
᭑᭕
ᬮᬶᬩᬶᬲᬾᬲᬫ᭄ᬬᬦ᭄᭞ᬳᬶᬭᬶᬓᬶᬚᬦᬾᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬂᬤᬾᬯ᭞ᬲᬮᬾᬤᬂ᭠ᬧᬓᬳ᭄ᬬᬸᬦᬦ᭄᭞ᬲᬂᬧ᭄ᬭᬪᬸᬥᬃᬫ᭄ᬫᬜᬯᬸᬭᬶᬦ᭄᭞ᬢᬶᬢ᭄ᬬᬂᬫᬫᬦᬄ᭞ᬓᬪᭀᬚᬦᬦᬵᬕᬭᬶ᭟ᬭ᭠
ᬭᬶᬲ᭄ᬫᬮᬶᬄᬫᬓ᭄ᬩᭂᬃᬫᬗᬸᬗ᭄ᬲᬶᬫᬸᬗ᭄ᬕᬄ᭞ᬤᬶᬳᬫ᭄ᬩᬭᬦᬾᬳᬶᬮᬶᬤ᭄᭞ᬫᬗ᭄ᬓᬶᬦ᭄ᬓᬘᬭᬶᬢ᭞ᬢ᭄ᬤᬸ᭠ᬦ᭄ᬭᬶᬂᬗᬮᬲ᭄ᬪᭀᬚᬦ᭞ᬦᬵᬕᬭᬮᬶᬦ᭄ᬢᬗᬶᬂᬩ᭄ᬘᬶᬓ᭄᭞ᬦ᭄ᬟᭂᬂᬯᭀᬄᬯᭀᬳᬦ᭄᭞ᬳᬓᬾᬄᬫᬗ᭄ᬰᬶᬳᬶᬦ᭄ᬓᭂ᭠
ᬤᬶᬲ᭄᭟ᬓᬘᬭᬶᬢᬲᬂᬧ᭄ᬭᬪᬸᬪᭀᬚᬦᬵᬕᬭ᭞ᬭᬢᬸᬥᬃᬫ᭄ᬫᬩ᭄ᬯᬶᬦ᭄ᬲᬸᬕᬶᬄ᭞ᬬᬾᬦ᭄ᬧ᭄ᬲᬾᬗᬦ᭄ᬳᬶᬤ᭞ᬲᬂᬧ᭄ᬭᬪᬸᬓᬺᬢ᭄ᬢᬯᬗ᭄ᬰ᭞ᬓᬵᬃᬬ᭄ᬬᬦ᭄ᬳᬶᬤᬦᬾᬫᬓᬶᬃᬢ᭄ᬢᬶ᭞ᬫᬶᬯᬄᬫᬩ᭄ᬭᬢ᭞ᬲᬶᬂᬤᬭᬶᬤᬺ
ᬓᬉᬭᬶᬧ᭄᭟ᬢ᭄ᬯᬭᬗᬶᬢᬸᬂᬦᬲᬶᬳᬲᬓ᭄ᬱᬦᬦ᭄᭞ᬧᬹᬚᬬᭀᬕᬲᬫᬥᬶ᭞ᬜᬩ᭄ᬭᬦ᭄ᬓᬮᬶᬗ᭄ᬕᬶᬂ᭞ᬬᬚ᭄ᬜᬲᬮ᭄ᬯᬶᬭᬶᬂᬬᬚ᭄ᬜ᭞ᬲᬵᬫ᭄ᬧᬸᬦ᭄ᬲᬫᬶᬓᬫᬃᬕ᭄ᬕᬦᬶᬦ᭄᭞ᬜᬩ᭄ᬭᬦ᭄ᬗ᭄ᬭᬯᭀᬲᬂ᭞ᬫᬗ᭄ᬤᬾ
[᭑᭖ 16A]
ᬦ᭄ᬭᬳᬬᬸᬦ᭄ᬕᬸᬫᬶ᭟ᬧᬭᬯᬶᬓᬸᬳᬱ᭄ᬝᬲᬾᬦᬶᬧ᭄ᬭᬚ᭄ᬜᬦ᭄ᬧ᭄ᬭᬚ᭄ᬜᬦ᭄᭞ᬫᬶᬯᬄᬭᬓ᭄ᬭ᭄ᬬᬦ᭄ᬧᬢᬢᬶᬄ᭞᭠ᬤ᭄ᬫᬸᬂᬓᬦᬸᬭᬸᬦ᭄᭞ᬢᬸᬫᭂᬗ᭄ᬕᬸᬂᬳᬃᬬ᭄ᬬᬥ᭄ᬬᬓ᭄ᬱ᭞ᬫᬗᬸᬭᬶᬜᬩ᭄ᬭᬦ᭄ᬫᬦᬗ᭄ᬓᬶᬮ᭄᭞ᬫᬗᬮᭀᬘᬶᬢ᭞ᬫᬶ
ᬥᬡ᭄ᬠᬦᬾᬦᬾᬲᬶᬲᬶᬧ᭄᭟ᬯᬾᬦ᭄ᬢᭂᬦ᭄ᬲᬂᬧ᭄ᬭᬪᬸᬫᬤ᭄ᬭᬸᬯᬾᬧᬸᬢᬺ᭞ᬳᬶᬲ᭄ᬢ᭄ᬭᬷᬯᬦ᭄ᬢᬄᬳᬲᬶᬓᬶ᭞᭠ᬚ᭄ᬕᬾᬕᬾᬓᬮᬶᬦ᭄ᬢᬂ᭞ᬭᬢᬶᬄᬳᬜᬮᬦ᭄ᬢᬭ᭞ᬗᬭᬦ᭄ᬤᬾᬯᬷᬘᬓᬺᬯᬢᬶ᭞ᬓᬮᬶᬦ᭄ᬢᬂᬲᬬᬂ᭞ᬳᭀᬮᬶᬄ
ᬩ᭄ᬬᬂᬫᬶᬯᬄᬳᬚᬶ᭟ᬳᬸᬮᬸᬭᬦ᭄ᬲᬓᬳ᭄ᬬᬸᬦᬾᬫᬳᬾᬦᬓᬦ᭄᭞ᬫᬕᬫ᭄ᬩᭂᬮ᭄ᬲᬳᬶᬲᬳᬶ᭞ᬲᬋᬂᬓᬓᬓᬓ᭞ᬧᬥᬗᬸᬮᬸᬭᬶᬦ᭄ᬧᬳ᭄ᬬᬲ᭄᭞ᬦᬩ᭄ᬤᬩ᭄ᬲᭀᬭᭀᬄᬍᬗᬶᬲ᭄ᬫᬶᬬᬶᬓ᭄᭞ᬢᬸ᭠
ᬯᬸᬳᬾᬜᬦ᭄ᬤᬂ᭞ᬧᬫᭂᬂᬧᭂᬂᬗᬯᬾᬭᬕᬶ᭟ᬢᬜ᭄ᬘᬭᬶᬢᬮᬾᬤᬗᬾᬤᬶᬚ᭄ᬭᭀᬧᬸᬭ᭞᭠ᬳᬸᬘᬧᭂᬦ᭄ᬲᬂᬩᬮᬶᬩᬶᬲ᭄᭞ᬧᬸᬢᬶᬄᬫᬲᬋᬗᬦ᭄᭞ᬧᬓ᭄ᬱᬶᬳᬓᬾᬄᬓᬳᬚᬓ᭄᭞ᬧᬥᬧᬥᬍ
Kaca:Bali-lontar-gaguritan-prabu-aji-dharma-350ppi.pdf/16
Kaca puniki sampun kauji-wacén
