[᭔᭑ 41 B]
᭔᭑᭟
ᬮᬶᬢ᭄ᬳᬃᬣᬶ᭞ᬭᬾᬄᬢᬦ᭄ᬓᬲᬶᬤ᭄ᬥ᭞ᬧᬶᬦᬸᬦᬲ᭄ᬤᬾᬯᬦᬾᬦᬸᬗ᭄ᬕᬮ᭄᭞ᬲᬋᬂᬭᬶᬂᬳᬶᬩᬸᬮᬦ᭄ᬳᬚᬷ᭞ᬦᬄᬮᬯᬸᬢᬂᬳᬮᬧ᭄᭞ᬦᬧᬶᬦᬾᬢᬦ᭄ᬤᬸᬃᬤᬶᬕᬸᬫᬶ᭟᭐
᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬭᬭᬵᬫᬦ᭄ᬜᬯᬸᬲ᭄ᬫᬢᬾᬤᬄ᭞ᬧᬧᬓᬫᬮᬶᬄᬓᬢᬶᬕ᭄ᬢᬶᬕ᭄᭞ᬓᬧᬸᬗ᭄ᬲᬂᬧᬗ᭄ᬲᬶᬂᬓᬳᬸᬬᬓ᭄᭞ᬕᭂᬮᬃᬕᭂᬮᬸᬃᬫᬭᬓ᭄ᬫᬲᬶᬦᭀᬫ᭄᭟
ᬭᬶᬓ᭄᭞ᬓᬶᬗ᭄ᬓᬭᬦᬾᬓᬢᬄᬧ᭄ᬭᬧ᭄ᬢᬶ᭞ᬫᬸᬯᬢ᭄ᬓᬧᬓ᭄ᬫᬶᬯᬄᬘᬮᬸᬓ᭄᭞ᬳᬶᬧᬧᬓᬓᬶᬦᭂᬫ᭄ᬩᬸᬮᬦ᭄᭞ᬓᬘᬓ᭄ᬘᬓ᭄ᬮᬦ᭄ᬓᬲᭂᬫ᭄ᬧᬮᬶᬦ᭄᭞ᬤᬳᬄᬤᬸᬳᬸᬄ᭞ᬦᬗ᭄ᬳᬶᬬ
ᬢᬢᬦ᭄ᬧᭂᬚᬄ᭟᭐᭟ᬲᬵᬫ᭄ᬧᬸᬦ᭄ᬮᬫᬶᬧᬸᬦ᭄ᬓᬘᬓ᭄ᬘᬓ᭄᭞ᬤᬸᬮᬶᬫᬗ᭄ᬓᬶᬦ᭄ᬓᬢᬮᬶᬦᬶᬦ᭄᭞ᬭᬭᬶᬲ᭄ᬓᬤᬕᬶᬗᬶᬦ᭄ᬧᬩᬳᬢ᭄᭞ᬩᬢᬸᬳᬕᬸᬂᬓᬕᬦ᭄ᬢᬸᬗᬶᬦ᭄᭞
[᭔᭒ 42 A]
ᬓᬍᬩᭀᬓᬂᬭᬶᬂᬓᬯᬄᬯᬾᬘᬶ᭞ᬤᬤᬶᬳᭂᬦ᭄ᬢᬶᬧ᭄ᬓᬯᬄᬤᬶᬢᬸ᭞ᬲᬶᬬᬸᬯᬃᬱᬳᭂᬗ᭄ᬓᬓ᭄ᬳᭂᬗ᭄ᬓᬓ᭄᭞ᬯᬯᬸᬋᬓᬾᬧᬸᬓ᭄ᬓᬳᬗ᭄ᬓᬶᬤ᭄᭞ᬤᬶᬢᬸᬫᬸᬧᬸ᭞ᬨᬮᬦᬶᬂᬓᬃᬫ᭄ᬫ᭠
ᬘᭀᬭᬄ᭟᭐᭟ᬢᬦ᭄ᬦᬳᭂᬦ᭄ᬦᬶᬃᬫᬮᬫᬦᬄ᭞ᬲᬢᬢᬍᬢᭂᬳᬶᬂᬳᬢᬶ᭞ᬭᬶᬂᬧᬲᬶᬄᬳᭂᬦ᭄ᬤᬢ᭄ᬫᬕᭂᬦᬄ᭞ᬤᬶᬢᬸᬳᬶᬧᬸᬦ᭄ᬫᬫᬸᬧᭀᬦᬶᬦ᭄᭞ᬲᬶᬬᬸᬢᬶᬩ
ᬦ᭄ᬳᬦᬾᬂᬧᬲᬶᬃ᭞ᬯᬯᬸᬳᬶᬧᬸᬦ᭄ᬓᬵᬗ᭄ᬓᬢ᭄ᬮᬯᬸᬢ᭄᭞ᬓᬢᭂᬓ᭄ᬢᭂᬓ᭄ᬬᬗ᭠ᬦ᭄ᬢᭀᬲ᭄ᬩᭂᬜᬄ᭞ᬓᬲᬫ᭄ᬩᭂᬳᬂᬫᬭᬶᬂᬪᬹᬫᬶ᭞ᬳᭂᬦ᭄ᬤᭂᬧ᭄ᬦᬫᬸ᭞ᬳᬸᬮᬤᬮᬶᬤ᭄ᬧᬦ᭄ᬭᬾᬱ᭄ᬝᬶ᭠
ᬦ᭄ᬜ᭟᭐᭟ᬲᬧᬸᬦᬶᬓᬓᬢᬢ᭄ᬯᬦ᭄ᬜ᭞ᬢᬢ᭄ᬯᬦ᭄ᬲᬂᬍᬢᭂᬳᬶᬂᬩᬸᬤ᭄ᬥᬶ᭞ᬳᬤᭀᬄᬩᬩᭂᬢ᭄ᬫᬪᬷᬦᬬᬦ᭄᭞ᬭᬶᬂᬢᬢ᭄ᬯᬦ᭄ᬲᬂᬫᬶᬥᭂᬧ᭄ᬰᬸᬘᬶ᭞ᬦᬶᬓᬶᬲᭂᬥᭂᬂ
Kaca:Bali-lontar-gaguritan-papaka-350ppi.pdf/42
Kaca puniki sampun kauji-wacén
