[᭓᭑ 31B]
᭓᭑
ᬱ᭄ᬝᬶᬦᬵᬧᬜ᭄ᬘᬮᬦᬾᬲᬢᬦ᭄ᬤᬶᬂ᭞ᬓᬯᬶᬃᬬ᭄ᬬᬯᬶᬩ᭄ᬯᬶᬂᬦᬕᬦ᭄ᬢᬸᬦ᭄᭞ᬓᭀᬘᬧ᭄ᬭᬪᬸᬤ᭄ᬭᬸᬧᬥᬫᬍᬃᬲᭂᬗᬸᬢ᭄ᬧᬓᬬᬸᬦᬦᬾᬢᬦ᭄ᬮᬸᬢᬸᬃ᭞ᬫᬦ᭄ᬢᬸᬓᬵᬭᬶᬂᬤᬗ᭄ᬳ᭄ᬬᬂᬤ᭄ᬭᭀᬡᬵ᭞ᬫᬗ᭄ᬤᬾᬓᬲᬶᬤᬦ᭄ᬫᬧᬸᬮᬶᬄ᭟ᬢ᭄ᬯᬭᬲᬸᬳᬸᬤ᭄ᬫᬦᬲ᭄ᬢᬧᬵ᭞ᬫᬦᬸᬦᬲᬂ
ᬩᬶᬮᬂᬩ᭄ᬭᬳ᭄ᬫᬵᬡᬵᬰᬓ᭄ᬢᬶ᭞ᬫᬗ᭄ᬤᬾᬫᬤ᭄ᬯᬾᬧᬸᬢ᭄ᬭᬓᬲᬸᬩ᭄᭞ᬰᬓ᭄ᬢᬶᬧᬘᬂᬜᬾᬤᬬᬂ᭞ᬤᬗ᭄ᬳ᭄ᬬᬂᬤ᭄ᬭᭀᬡᬵᬫᬾᬮᬶᬂᬲᬤᬸᬓᬾᬓᬳ᭄ᬢᬸᬓ᭄᭞ᬫᬍᬃᬢ᭄ᬯᬭᬤᬓᬲᬶᬤᬦ᭄᭞ᬫᬧᬸᬢᬺᬍᬯᬶᬳᬶᬂᬰᬓ᭄ᬢᬶ᭟ᬓᭀᬘᬧᬵᬯᬾᬦ᭄ᬢᭂᬦ᭄ᬩ᭄ᬭᬳ᭄ᬫᬵᬡᬵ᭞ᬭᬶᬂᬧᬢ
ᬧᬦ᭄ᬓᬯᬸᬯᬸᬲ᭄ᬍᬯᬶᬄᬰᬓ᭄ᬢᬶ᭞ᬧᬕᭂᬳᬶᬂᬩ᭄ᬭᬢᬭᬶᬂᬕᬸᬦᬸᬂ᭞ᬓᬮᬸᬫ᭄ᬩ᭄ᬭᬄᬫᬧᬲᬾᬗᬦ᭄᭞ᬪᬕᬯᬦ᭄ᬦᬜᬶᬸᬚ᭄ᬜᬵᬳᬸᬧᬬᬚ᭄ᬜᬵᬲᬂᬧᬸᬢᬸᬲ᭄᭞ᬓᭀᬘᬧᬧ᭄ᬭᬪᬸᬤ᭄ᬭᬸᬧᬥ᭞ᬓᬧᬢᬧᬦ᭄ᬫᬫᬭᬦᬶᬦ᭄᭟ᬲᬥ᭄ᬬᬯᬦ᭄ᬢᬄᬫ
ᬦᬸᬦ᭄ᬧᬥ᭞ᬫᬗᬶᬦ᭄ᬓᬶᬦᬂᬫᬧᬸᬢᬺᬍᬯᬶᬄᬰᬓ᭄ᬢᬸ᭞ᬧᬘᬂᬫᬜᬶᬤᬬᬂᬓᬳ᭄ᬬᬸᬦ᭄᭞ᬳᬦ᭄ᬢᬸᬓᬾᬲ᭄ᬗᬶ᭠ᬢ᭄ᬧᬶᬲᬦ᭄᭞ᬫᬦ᭄ᬤᬾᬲᬶᬤ᭄ᬥᬳᬦ᭄ᬢᬸᬓ᭄ᬧᬸᬢ᭄ᬭᬦᬾᬓᬧᬸᬗ᭄ᬓᬸᬃ᭞ᬜᬾᬤᬬᬂᬥᬗ᭄ᬳ᭄ᬬᬂᬤ᭄ᬭᭀᬡᬵ᭞ᬢᬦ᭄ᬓᬘᬭᬶᬢᬤᬶ
[᭓᭒ 32A]
ᬫᬵᬃᬕ᭄ᬕᬶ᭟ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬢᬧᬦ᭄᭞ᬲᬂᬬᬚ᭄ᬜᭀᬧᬬᬚ᭄ᬜᬵᬲ᭄ᬥᭂᬓ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬤ᭄ᬭᬸᬧᬥᬭᬯᬸᬄ᭞ᬫᬺᬤᬬᬶᬸᬢᬬᬂᬗᬢᬸᬭᬂ᭞ᬳᬦ᭄ᬢᬸᬓ᭄ᬧᬓᬳ᭄ᬬᬸᬦᬦᬾᬫᬧᬸᬢᬺᬓᬲᬸᬩ᭄᭞ᬰᬓ᭄ᬢᬸᬧᬘᬂᬫᬜᬶᬤᬬᬂ᭞ᬩ᭄ᬯᬢ᭄ᬧᬓᬬᬸᬦᬦᬾ
ᬲ᭄ᬗᬶᬢ᭄᭟ᬪᬕᬯᬦ᭄ᬬᬚ᭄ᬜᭀᬬᬚ᭄ᬜᬵ᭞ᬫᬜᬶᬤᬬᬂᬓᬤᬶᬓᬬᬸᬦ᭄ᬲᬗ᭄ᬳᬚ᭄ᬮ?ᬲ᭄ᬲᬂᬧ᭄ᬭᬪᬸ᭞ᬫᬗ᭄ᬯᬗᬸᬦᬂᬧᬳᭀᬫᬦ᭄᭞ᬭᬶᬂᬧᬰ᭄ᬭᬫᬦ᭄ᬢᬦ᭄ᬘᬭᬶᬢᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬲᬧᬺᬢᬾᬓᬦᬶᬂᬧᬳᭀᬫᬦ᭄᭞ᬪᬕ
ᬯᬦ᭄ᬭᬭᬶᬲ᭄ᬗᬚᭂᬗᬶᬦ᭄᭟ᬲᬧᬕ᭄ᬮᬭᬶᬫᬾᬤᬚ᭄ᬜᬵᬡᬵ᭞ᬲᬫ᭄ᬧᬸᬦ᭄ᬢᭂᬮᬲ᭄ᬓᬯ᭄ᬢᬸᬯᬂᬧᬗ᭄ᬭᬶᬢᬶᬦ᭄᭞ᬯᬢᬭᬯᬾᬦ᭄ᬢᭂᬦ᭄ᬧᬶᬂᬧᬶᬢᬸ᭞ᬳᬧᬶᬦᬾᬫᬧᬗᬸᬫ᭄ᬧᬦ᭄᭞ᬭᬭᬶᬲ᭄ᬲᬺᬕ᭄ᬯᬾᬤ᭄ᬥᬵᬯ᭄ᬬᬚᬸᬃᬯᬾᬤᬦᬾᬯᬸᬫᬸᬂ᭞ᬧᬸᬦᬶᬓᬓᬯ᭄ᬢᬸᬯᬂ᭞ᬳᬦ᭄ᬢᬸ
ᬓ᭄ᬱᬂᬧᬸᬢᬸᬲᬶᬗ᭄ᬳᬚᬶ᭟ᬢᬦ᭄ᬤᬸᬫᬥᬾᬯᬾᬦ᭄ᬢᭂᬦ᭄ᬘᬶᬕ᭄ᬦᬵ᭞ᬤᬤᬶᬫ᭄ᬢᬸᬳᬸᬮᬶᬢ᭄ᬗᬳᬶᬂᬳᬧᬶ᭞ᬩᬸᬓᬳᬦ᭄ᬤᬸᬲᬾᬫᬚᬸᬚᬸᬓ᭄᭞ᬫᬤᬸᬮᬸᬭᬭᬾᬤᬤ᭄ᬯ᭞ᬮᬦᬂᬯᬤᭀᬦ᭄ᬦᬾᬮᬦᬂᬭᬶᬳᬶᬦᬦ᭄ᬫ᭄ᬢᬸ᭞ᬫᬳᬭᬶᬳᬭᬶᬧᬯᬓᬵ᭞ᬘᬶᬭᬶᬦ᭄ᬓᬫᬢ᭄ᬬᬦ᭄
Kaca:Bali-lontar-gaguritan-pandawa-rare-300ppi.pdf/32
Kaca puniki sampun kauji-wacén
