[᭙ 9B]
᭙
ᬓ᭄ᬢᬶᬢ᭄ᬬᬂᬫᬗᬢᬸᬭᬂ᭞ᬧᬕ᭄ᬦᬳᬦ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬫᬘᬶᬗᬓ᭄᭞ᬓᬢᭀᬦ᭄ᬲᬂᬤᬰᬩᬮᬵ᭞ᬲᬋᬂᬳᬦᬓ᭄ᬮᬸᬄᬳᬤᬶᬭᬶ᭞ᬳᬬᬸᬦᬾᬮᬶᬯᬢ᭄᭞ᬯᬮᬸᬬᬵᬩᭀᬦᬾᬫᬶᬳᬶᬓ᭄᭞ᬲᬂᬧ᭄ᬭᬪᬹᬫᬗ᭄ᬭᬯᭀᬲ᭄ᬭᬶᬂᬧᬓᬬᬸᬦᬦ᭄᭞ᬤᬬᬵ
ᬢ᭄ᬯᬄᬳ᭄ᬦᬾᬫᬶᬳᬶᬓ᭄᭞ᬢᬸᬃᬲᬸᬩᬲᬯᬯᬵ᭞ᬢ᭄ᬓᬾᬦ᭄ᬩᭀᬦᬾᬫ᭄ᬮᬄ᭞ᬤᬤᬶᬓᬭᬕᬦ᭄ᬲᬗ᭄ᬳᬚᬶ᭞ᬳᬮᭀᬦ᭄ᬗᬦ᭄ᬤᬶᬓᬵ᭞ᬳᬶᬭᬓᬤᬸᬂᬫᬮᬮᬶ᭟ᬓᬮᬸᬦ᭄ᬢᬮᬸᬦ᭄ᬢᬵᬫᬫᭂᬗ᭄ᬕᭂᬮ᭄ᬕᬸᬦᬸᬂᬳᬮᬲ᭄᭞ᬤᬤ᭄ᬬᬜᬢ᭄ᬓᬫᬳᬶ᭞ᬢᬦ᭄ᬤ᭄ᬭᬸᬄᬓᬧᭀᬳᬶ
ᬭᬵ᭞ᬢ᭄ᬓᬾᬦ᭄ᬢᬭᬄᬦᬕᬭᬵ᭞ᬯᬯᭂᬗ᭄ᬓᭀᬦ᭄ᬳᬱ᭄ᬝᬶᬦᬧᬶᬮᬶᬄ᭞ᬕᬸᬫᬶᬳᬬᭀᬤ᭄ᬬ᭞ᬢᬾᬫᭂᬂᬓᭀᬳᬶᬭᬦᬫ᭄ᬧᬶ᭟ᬲᬂᬤᬰᬩᬮᬵᬳᬲᬯᬸᬃᬲᭂᬫ᭄ᬩᬄ᭞ᬗᬢᬸᬭᬂᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶ᭞ᬯᬯᭂᬗ᭄ᬓᭀᬦ᭄ᬳᬬᭀᬤ᭄ᬬ᭞ᬦ᭄ᬧᬶᬄᬭᬶᬂᬮ᭄ᬯᬄᬬᬫᬸᬦ
᭞ᬲᬂᬧ᭄ᬭᬪᬹᬗᬦ᭄ᬤᬶᬓᬳᬭᬶᬲ᭄᭞ᬢᬦ᭄ᬤ᭄ᬭᬸᬄᬓᭀᬳᬶᬭ᭞ᬫᬫᬦ᭄ᬥᬵᬲᬮᬄᬢᬫ᭄ᬧᬶ᭟ᬳ᭄ᬦᬾᬢᬾᬜᬾᬦ᭄ᬩᬚᬂᬲ᭄ᬮᬾᬄᬳᬚᬓ᭄ᬫᬫᬦ᭄᭞ᬩᬸᬓᬢ᭄ᬯᬭᬦᬦ᭄ᬤᬶᬗᬶᬦ᭄᭞ᬳᬬᬸᬦᬾᬲᬯᬯᬵ᭞ᬢ᭄ᬓᬾᬦ᭄ᬕᭀᬩᬦᬾᬫ᭄ᬮᬄ᭞ᬫᬶᬳᬶᬓ᭄ᬫᬗᬾᬤ
[᭑᭐ 10A]
ᬦᬶᬦ᭄ᬳᬢᬶ᭞ᬲᬂᬤᬰᬩᬮᬵ᭞ᬫᬳᬢᬸᬃᬳᬯᭀᬢ᭄ᬲᬭᬶ᭟ᬳᬶᬗ᭄ᬕᬶᬄᬭᬢᬸᬧᬸᬦᬶᬓᬶᬓᬯᬸᬮᬦ᭄ᬲᬂᬦᬵᬣ᭞ᬧ᭄ᬬᬦᬓ᭄ᬢᬶᬢ᭄ᬬᬂᬯ᭄ᬬᬓ᭄ᬢᬶ᭞ᬳᬶᬧᬸᬦ᭄ᬓᬭᬶᬤ᭄ᬳᬵ᭞ᬢᬦ᭄ᬯᬾᬦ᭄ᬢᭂᬦ᭄ᬫᬤ᭄ᬯᬾᬜᬫ᭞ᬧᬘᬂᬢᬶᬢ᭄ᬬᬂᬲᬸᬫᬦ᭄ᬤᬶᬳᬶ᭞ᬯᬱ᭄ᬝᬦᬶᬦ᭄ᬢᬶᬢ᭄ᬬᬂ᭞ᬲᬂᬲᬬᭀ
ᬚᬦᬕᬡ᭄ᬥᬶ᭟ᬲᬂᬧ᭄ᬭᬪᬸᬲᬬᬦ᭄ᬫᭂᬢᬸᬓᬬᬸᬦᬾᬭᬕᬦ᭄᭞ᬭᬭᬶᬲ᭄ᬗᬦ᭄ᬤᬶᬓᬵᬳᬭᬶᬲ᭄᭞ᬢᬸᬮᬸᬲᬂᬯᬲᬸᬓᬦ᭄᭞ᬫᬫᬦᬾᬢ᭄ᬓᬾᬦ᭄ᬳᬶᬭ᭞ᬧ᭄ᬬᬦᬓ᭄ᬫᬫᬦᬾᬳᬶᬜᬳᬶ᭞ᬳᬶᬭᬳᬶᬤᬶᬳᬵ᭞ᬧᬘᬂᬳᬗ᭄ᬕᬾᬦ᭄ᬳᬶᬭᬰ᭄ᬯᬫᬶ᭟ᬲᬂᬤᬰᬩᬮᬵᬳᬢᬸᬭᬾᬢ᭄ᬯᬭ
ᬧᬜ᭄ᬚᬂ᭞ᬲᬦ᭄ᬤᬶᬓᬦ᭄ᬥᬲᬂᬳᬚᬶ᭞ᬢᬶᬢ᭄ᬬᬂᬫᬗᬢᬸᬭᬂ᭞ᬓᬾᬯᬦ᭄ᬢᭂᬦ᭄ᬧᬶᬳᬢᬸᬃᬢᬶᬢ᭄ᬬᬂ᭞ᬓᬤᬶᬫᬦᬸᬦᬲ᭄ᬫᬗ᭄ᬯᬶᬥᬶ᭞ᬭᬶᬂᬤᬵᬲᬂᬦᬵᬣ᭞ᬧᬶᬮᬶᬄᬢᬵᬳᬶᬘ᭄ᬙᬵᬯᬶᬤ᭄ᬥᬶ᭟ᬧᬶᬮᬶᬄᬲᬶᬤ᭄ᬥᬵᬘᭀᬓᭀᬃᬳᬶᬤᬾᬯᬵ᭞ᬳᬤᬺᬯᬾᬧᬸᬢᬺ᭞ᬫ᭄ᬢᬸᬳᭀᬮᬶᬄᬦᬾᬫᬗ᭄ᬓᬶ
ᬦ᭄᭞ᬫᬗ᭄ᬤᬾᬓᬚ᭄ᬦᭂᬗᬂ᭞ᬲᬸᬫᬶᬮᬶᬄᬗᬤᭂᬕ᭄ᬦᬵᬣ᭞ᬭᬶᬂᬳᬱ᭄ᬝᬶᬦᬵᬢᬶᬢ᭄ᬬᬂᬗᬶᬭᬶᬂ᭞ᬲᬧᬓᬬᬸᬦᬦ᭄᭞ᬢᬶᬢ᭄ᬬᬂᬗᬢᬸᬭᬂᬳᬸᬕᬶ᭞ᬬᬤᬶᬦ᭄ᬫᬗ᭄ᬓᬶᬦ᭄ᬯᬾᬦ᭄ᬢᭂᬦ᭄ᬧᬘᬂᬧᬓᬬᬸᬦᬦ᭄᭞ᬳᬶᬤᬾᬯᬧᬘᬂᬗᬫ᭄ᬩᬶᬮ᭄᭞ᬢᬶᬢ᭄ᬬᬂᬫᬗᬢᬸᬭᬂ᭞ᬤᬤᬶᬓ
Kaca:Bali-lontar-gaguritan-pandawa-rare-300ppi.pdf/10
Kaca puniki sampun kauji-wacén
