[᭘ 8B]
᭘
᭛ᬧᬸᬄᬲ᭄ᬫᬭᬦ᭄ᬟᬦ᭟᭑᭟ᬢ᭄ᬯᬦ᭄ᬤᬾᬯ᭄ᬬᬓᬧ᭄ᬕᬦ᭄ᬭᬶᬂᬳᬢᬶ᭞ᬤᬶᬯ᭄ᬯᬂᬮᬸᬫᬓ᭄ᬯᬾᬂᬢᬶᬍᬫ᭄᭞ᬓᬧ᭄ᬕᬢᬦ᭄ᬧᬚ᭄ᬬᬢ᭄ᬋᬓᭀ᭞ᬲᬯᬂᬢᬶᬫᬄᬬᬦ᭄ᬢᬶᬦᬸᬦ᭄ᬯᬦ᭄᭞ᬩᬸᬬᬃᬢ᭄ᬯᬭᬓᬭ᭄ᬯᬦ᭄ᬳᭀᬓᬢ᭄᭞ᬮ᭄ᬯᬶᬃᬢᬫ᭄ᬩᬓ᭄ᬓᬵᬫ᭄ᬩᬳᬦ᭄ᬕᭂᬦᬄ᭞ᬓᬧ᭄ᬢᭂᬗ
ᬦ᭄ᬩᬸᬤ᭄ᬟᬶᬧᬸᬗ᭄ᬲᬂ᭟᭒᭟ᬫᬘ᭄ᬧᭀᬮ᭄ᬳᬶᬥᭂᬧᬾᬧᬮᬶᬂ᭞ᬮ᭄ᬯᬶᬃᬘᬸᬘᬸᬃᬓᬧ᭄ᬕᬢᬦ᭄ᬯᬸᬮᬦ᭄᭞ᬫᬓᬸᬦ᭄ᬤᬄᬲᬧ᭄ᬯᬦ᭄ᬲᬂᬓᬢᭀᬂ᭞ᬫᬢ᭄ᬬᬚᬸᬕᬳᬶᬥᭂᬧᬶᬭ᭞ᬤᬾᬦᬶᬂᬓᬶᬮᬗᬦᬶᬂᬳᬵᬃᬱ᭞ᬲᬸᬓᬬᬦ᭄ᬳᬗ᭄ᬫᬲᬶᬦ᭄ᬳᬦ᭄ᬢᬸ᭞ᬫ᭄ᬩᬾᬲᬸᬓ᭄ᬢᭂᬫ᭄ᬩ᭄ᬬᬦᬶᬗᬜ᭄ᬚᬦ᭄ᬫ᭟᭓᭟
ᬲ᭄ᬟᬶᬄᬓᬶᬗ᭄ᬓᬶᬂᬗᬲᬶᬳᬲᬶᬄ᭞ᬢᬦ᭄ᬓ᭄ᬦᬬᬦ᭄ᬮᬶᬦᬶᬧᬸᬭᬦ᭄᭞ᬲᬂᬧᬵᬡ᭄ᬥᬸᬳᬫᬸᬯᬸᬲ᭄ᬳᬮᭀᬦ᭄᭞ᬥᬸᬄᬭᬭᬶ᭠ᬫᬵᬲ᭄ᬳᬢ᭄ᬫᬚᬶᬯ᭞ᬲᬂᬓᬤᬶᬧᬯᬓᬶᬂᬘᬦ᭄ᬤ᭄ᬭ᭞ᬓᭂᬮᬓᭂᬦ᭄ᬢᬗᬶᬲ᭄ᬫᬵᬲ᭄ᬓ᭄ᬯᬶᬩᬸ᭞ᬩᬬᬧᬗᭂᬦ᭄ᬤᬦᬶᬂᬢᬶᬢᬄ᭟᭔᭟ᬤ᭄ᬬᬄᬫᬤ᭄ᬭᬶᬗ᭄ᬯ᭠
ᬭᬗᬶᬦ᭄ᬢᬗᬶᬲ᭄᭞ᬓᬗᭂᬦ᭄ᬭᬱᬢᬦ᭄ᬧᬚᬶᬯ᭞ᬗᬲᬶᬄᬳᬲᬶᬄᬗᬸᬘᬧ᭄ᬳᬮᭀᬦ᭄᭞ᬥᬸᬄᬓᬓᬲᬂᬰ᭄ᬭᬷᬦᬶᬂᬧᬸᬭ᭞ᬫᬗ᭄ᬓ᭄ᬬᬧᬋᬂᬦᭂᬫ᭄ᬯᬤᬸᬓ᭞ᬳᬕᬸᬂᬧᬗᭂᬦ᭄ᬤᬦᬶᬂᬢᬸᬤᬸᬄ᭞ᬢᬦ᭄ᬯᭂᬦᬂᬬᬦ᭄ᬮᬶᬦᬾᬲᬦᬦ᭄᭟᭕᭟ᬧᬮᬃᬧᬮᬃᬦᬶ᭠
[᭙ 9A]
ᬓᬂᬳᬢᬶ᭞ᬓ᭄ᬭᬫᬦᬶᬂᬤᬸᬫᬤᬶᬚᬦ᭄ᬫ᭞ᬓᬢᭂᬫ᭄ᬯᬦᬶᬂᬢᬸᬯᬶᬲᬭᭀᬭᭀ᭞ᬲᬸᬓᬤᬸᬄᬓᬚ᭄ᬮᬾᬫ᭄ᬮᬄ᭞ᬫᬸᬤᬧ᭄ᬭᬚ᭄ᬜᬦ᭄ᬲᬸᬕᬶᬄᬢᬶᬯᬲ᭄᭞ᬚ᭄ᬕᬾᬕ᭄ᬩᭀᬘᭀᬓ᭄ᬳᬾᬦ᭄ᬤᬾᬧ᭄ᬮᬦ᭄ᬤᬸᬂ᭞ᬲ᭄ᬯᬃᬕ᭄ᬕᬦᬾᬫᬦᬫ᭄ᬧᬶᬂᬓᬯᬄ᭟᭖᭟ᬘ᭄ᬭᬶᬓ᭄ᬢᬸᬯᬧᬢᬶᬳᬸᬭᬶᬧ᭄᭞ᬫᬦᬶ᭠
ᬲ᭄ᬧᬳᬶᬢ᭄ᬍᬩᭂᬂᬫᬢᬄ᭞ᬧᬓᭂᬓᭂᬄᬳ᭄ᬜᭂᬫ᭄ᬳ᭄ᬢᬶᬲ᭄ᬧᬦᭂᬲ᭄᭞ᬘ᭄ᬦᬶᬓ᭄ᬕ᭄ᬟᬾᬩ᭄ᬢᭂᬓ᭄ᬮᬬᬄ᭞ᬳᭂᬫ᭄ᬧᭂᬢ᭄ᬩᭀᬮᭀᬂᬘᬸᬧᭂᬓ᭄ᬮᬶᬗ᭄ᬕᬄ᭞ᬩᬯᬓ᭄ᬮᬦ᭄ᬢᬩ᭄ᬢᬾᬦ᭄ᬤᬶᬦᬸᬳᬸᬃ᭞ᬯᬶᬱ᭄ᬡᬸᬦᬾᬫᬜᬦ᭄ᬤᬶᬂᬩ᭄ᬭᬳ᭄ᬫᬵ᭟᭗᭟ᬩ᭄ᬭᬕ᭄ᬫᭀᬓᭀᬄᬲ᭄ᬕᭂᬃᬲᬓᬶᬢ᭄᭞ᬕ᭄ᬤᭂᬕ᭄ᬤᭂᬫᭂ
ᬦ᭄ᬲᭂᬗᬶᬢ᭄ᬩᬶᬭ᭞ᬧᬸᬦ᭄ᬢᬸᬮ᭄ᬫᬗᬦ᭄ᬮᬜᬶᬜᬶᬂᬧᭀᬤᭀᬮ᭄᭞ᬲᬚᬳᭀᬭᬩᬭᬾᬲ᭄ᬘᬸᬧᬃ᭞ᬬᬾᬄᬳᬧᬶᬳ᭄ᬦᬶᬂᬧᬸᬢᭂᬓ᭄᭞ᬤᬓᬾᬦ᭄ᬤᬍᬫ᭄ᬧᬬᬸᬩᬸᬯᬸᬂ᭞ᬳᬫᬺᬢ᭄ᬢᬯᬶᬱ᭄ᬬᬦᬾᬢᬦ᭄ᬲᬄ᭟᭘᭟ᬳᬦ᭄ᬤᬓᬭᭀᬢᬶᬭᬦ᭄ᬲᬫᬶ᭞ᬯᬶᬖ᭄ᬦᬫᬲ᭄ᬢᬸᬦᬵ
ᬫᬲᬶᬤ᭄ᬟᬀ᭞ᬫ᭄ᬭᬕᬆᬂᬅᬄᬦᬶᬓᬋᬓᭀ᭞ᬢᬾᬚᬵᬩᬵᬬᬸᬰᬩ᭄ᬤᬳᬶᬥᭂᬧ᭄᭞ᬢᬦᬄᬮᬗᬶᬢ᭄᭠ᬧ᭄ᬢᭂᬂᬮ᭄ᬫᬄ᭞ᬳᬸᬚᬦ᭄ᬢ᭄ᬭᬂᬳ᭄ᬩᭂᬓ᭄ᬲᬸᬯᬸᬂ᭞ᬥᬃᬫ᭄ᬫᬓ᭄ᬭᭀᬥᬦᬾᬢᬦ᭄ᬲᬶᬫ᭄ᬧᬂ᭟᭙᭟ᬲᬂᬓᬸᬦ᭄ᬢᬶᬗ᭄ᬭᬱᬭᬶᬂᬳᬢᬶ᭞ᬮ᭄ᬯᬶᬃᬢᬺᬡᬓᬢᬶ
Kaca:Bali-lontar-gaguritan-pandawa-dasa-01-300ppi.pdf/9
Kaca puniki sampun kauji-wacén
