[᭔᭗ 47B]
᭔᭗
ᬢᬗ᭄ᬕᬧᬧᬫᬮᬓ᭄ᬯᬾᬗ᭄ᬲᬸᬦ᭄᭞ᬲᬶᬫ᭄ᬲᬶᬫᬢᬸᬭᬦᬶᬭᬶᬗ᭄ᬯᬂ᭞ᬲᬂᬓᬶᬦᭀᬦ᭄ᬓᭀᬦ᭄᭞ᬫᬢᬸᬃᬲᬶᬗ᭄ᬕᬶᬄᬰ᭄ᬭᬸᬳᬜᬸᬫ᭄ᬧᬸᬢ᭄᭞ᬩᬸᬗ᭄ᬓᬸᬂᬢᬶᬦᬭᬶᬫᬾᬂᬢᬗᬦ᭄᭞ᬫᬢᬢ᭄ᬭᬶᬐᬃᬚᬫ᭄ᬭᬸᬢ᭄ᬧ᭄ᬭᬩᬶ᭟᭒᭗᭟ᬯᬃᬡ᭄ᬦᬦᬤ᭄ᬬᬄᬧᬸᬱ᭄ᬧᬯᬦ᭞ᬳᬲ᭄ᬫᬸᬫᬗᬸ᭠
ᬍᬂᬍᬂᬓ᭄ᬦᬳᬲ᭄ᬫᬭᬦᬾᬂᬳᬢᬶ᭞ᬳᭂᬗ᭄ᬲᭂᬓ᭄ᬭᬲᬢᬦ᭄ᬧᬩᬵᬬᬸ᭞ᬕᬾᬜ᭄ᬚᬄᬲᬶᬭᬮ᭄ᬯᬶᬃᬢᬦᬶᬂᬭᬵᬢ᭄᭞ᬤᬤᬶᬧ᭄ᬭᬵᬧ᭄ᬢ᭞ᬘᬾᬢᬶᬯᬶᬲᬶᬓ᭄ᬯᬶᬲᬶᬓ᭄ᬫᬢᬸᬃ᭞ᬲᬮᬶᬗᬶᬭᬲᬂᬚᬮ᭄ᬯᬗ᭄ᬰ᭞ᬯᬸᬲ᭄ᬢᬶᬦᬢᬤᬸᬮᬸᬃᬲᬶᬫ᭄ᬲᬶᬫ᭄᭟᭒᭘᭟ᬓᬧᬺᬧᭂᬓᬦ᭄ᬫᬦᬄᬩᬸ
ᬗ᭄ᬲᬂ᭞ᬲ᭄ᬯᬾᬢᬦ᭄ᬲᬳᬸᬃᬧᬦ᭄ᬓᬭᬶᬫ᭄ᬭᬲᬾᬂᬳᬢᬶ᭞ᬓᬂᬘᬾᬢᬶᬓᭀᬯᬯᬂᬫᬢᬸᬃ᭞ᬲᬶᬗ᭄ᬕᬶᬄᬤᬾᬯᬲᬸᬲᬸᬳᬸ᭠ᬦᬦ᭄᭞ᬧᬭᬦ᭄ᬲᬚ᭄ᬜᬵ᭞ᬬᬦ᭄ᬳᬲᬶᬄᬮᬯᬦ᭄ᬢᬦ᭄ᬳᬳ᭄ᬬᬸᬦ᭄᭞ᬯᬸᬯᬸᬲᬦᬚᬸᬕᬤᬾᬯ᭞ᬳᬲ᭄ᬯᬾᬲᬂᬳᬗᬧ᭄ᬢᬶᬗᬦ᭄ᬢᬶ᭟᭒᭙᭟ᬲ᭄ᬬᬸᬄ
ᬋᬫ᭄ᬧᬸᬄᬳᬺᬤᬬᬦ᭄ᬬ᭞ᬓᬫᬕᬦ᭄ᬢᬸᬂᬮᬮᬶᬢ᭄ᬬᬾᬂᬬᬬᬄᬮᬦ᭄ᬩᬶᬩᬶ᭞ᬩᬶᬦᬢᭂᬓ᭄ᬧᬜ᭄ᬘᬾᬦ᭄ᬤ᭄ᬭᬶᬬᬾᬂᬳ᭄ᬬᬸᬦ᭄᭞ᬗᬶᬂᬯᬶᬤᬕ᭄ᬟᬗᬸᬩ᭄ᬤᬲ᭄ᬫᬶᬢ᭞ᬤᬤᬶᬗᬸᬘᬧ᭄᭞ᬫᬗ᭄ᬓᬾᬕᬦ᭄ᬢ᭄ᬬᬦᬶᬗ᭄ᬲᬸᬦ᭄ᬳᬦ᭄ᬢᬸ᭞ᬓᬶᬢᬭᬭᬧᬦᬶᬭᬶᬗ᭄ᬯᬂ᭞ᬲᬸᬓ᭄ᬲᬸᬓᬳᬲᬢ᭄ᬬᬾᬂ
[᭔᭘ 48A]
ᬲᬶᬫ᭄ᬲᬶᬫ᭄᭟᭓᭐᭟ᬲᬶᬫ᭄ᬲᬶᬫ᭄ᬭᬶᬦᬗ᭄ᬲᬸᬓᬶᬂᬢᬗᬦ᭄᭞ᬗᬯᬾᬮᬸᬮᬸᬢ᭄ᬭᭀᬲ᭄ᬦᬶᬂᬳᬲ᭄ᬢᬕᬮᬶᬂᬕᬮᬶᬂ᭞ᬚ᭄ᬭᬶᬚᬶᬭᬸᬭᬸᬲ᭄ᬳᬦ᭄ᬭᬂᬩᬓᬸᬂ᭞ᬦᬓᬦ᭄ᬬᬮ᭄ᬯᬶᬃᬫᬡᬶᬓ᭄ᬢᭀᬬ᭞ᬳᬗ᭄ᬕᬗ᭄ᬮᬸᬗ᭄ᬕᬂ᭞ᬭᬸᬧᬶᬢᬶᬂᬦᬸᬭᭀᬚᬕ᭄ᬫᬸᬄ᭞ᬳᬗ᭄ᬤᬾᬭᬹᬫ᭄ᬦᬶᬂᬓ᭄ᬮᬧᬤᬦ᭄ᬢ᭞ᬯ᭄ᬢᬶᬲᬾᬳᬦ᭄ᬭᬂ
ᬓᬾᬢᬓᬶ᭟᭓᭑᭟ᬲᬬᬦ᭄ᬫᬯᭂᬯᭂᬄᬓᬲ᭄ᬫᬭᬦ᭄᭞ᬳᬶᬓᬂᬢᬦᬸᬯᬯᬂᬲᬶᬭᬳᬦᬦ᭄ᬢ᭄ᬯᬾᬓᬶ᭞ᬲ᭄ᬬᬧᬵᬭᬦ᭄ᬲᬗᬩᬕᬸᬲ᭄᭞ᬲᬂᬳᬶᬦᬸᬚᬭᬦ᭄ᬫᬢᬸᬃᬲᭂᬫ᭄ᬩᬄ᭞ᬧᬭᬩ᭄ᬳᬶᬤ᭞ᬲᬂᬚᬮ᭄ᬯᬗ᭄ᬰᬯ᭄ᬮᬤ᭄ᬭᬶᬧ᭄ᬭᬪᬸ᭞ᬳᬭᬶᬦᬶᬭᬫᬦᬭᬦᬵᬣ᭞ᬧ᭄ᬭᬬᬳᬗᬢᬸ
ᬭᬂᬳᬸᬭᬶᬧ᭄᭟᭓᭒᭟ᬫ᭄ᬦᭂᬂᬲᬶᬭᬭᬵᬚᬚ᭄ᬯᬶᬢ᭞ᬫᬭᬲ᭄ᬮᬸᬮᬸᬢ᭄ᬘᬶᬢ᭄ᬢᬦᬶᬭᬳᬲ᭄ᬫᬸᬳᬶᬲᬶᬦ᭄᭞ᬓᬜ᭄ᬘᬶᬢ᭄ᬚᬮ᭄ᬯ᭠ᬗ᭄ᬰᬚᬸᬫᬸᬚᬕ᭄᭞ᬲᬂᬤ᭄ᬬᬄᬯᬯᬂᬫᬦᬵᬦ᭄ᬢ᭄ᬯ᭞ᬥᬸᬄᬲᬧᬳ᭞ᬓᬸᬭᬂᬲᬶᬧ᭄ᬢᬢᬦ᭄ᬧᬲᬵᬥᬸ᭞ᬦᬯ᭄ᬬᬯ᭄ᬯᬂᬯ᭄ᬭᬓᬧᬫᬮᬶᬗᬦ᭄᭞ᬓᭀᬦ᭄ᬳ᭠
ᬢᬶᬗ᭄ᬕᬮ᭄ᬚ᭄ᬯᬓᬭᬾᬓᬶ᭟᭓᭓᭟ᬤᬤᬶᬮᬗ᭄ᬖ᭄ᬬᬧᬭᬾᬂᬓᬂᬯ᭄ᬯᬂ᭞ᬩᬸᬤ᭄ᬟᬶᬦᬦ᭄ᬢᬸᬳᬕᬸᬂᬤᭀᬱᬓᬸᬭᬂᬳᬸᬭᬶᬧ᭄᭞ᬫᬲᬕᭀᬜ᭄ᬚᬄᬲᬸᬦ᭄ᬤᬾᬫᬸ᭞ᬬᬓᬾᬭᬹᬧᬦᬭᬳᬶᬦ᭞ᬯᬶᬤ᭄ᬬᬧ᭄ᬭᬵᬧ᭄ᬢ᭞ᬳᬫ᭄ᬭᬶᬄᬓᬲᬦ᭄ᬢᬦᬶᬭᬾᬗ᭄ᬲᬸᬦ᭄᭞ᬲᬫ᭄ᬪᬢᬓᬲᬶᬤ᭄ᬟᬾᬂ᭠
Kaca:Bali-lontar-gaguritan-pandawa-dasa-01-300ppi.pdf/48
Kaca puniki sampun kauji-wacén
