[᭔᭓ 43B]
᭔᭓
ᬦ᭄ᬢ᭞ᬯᬗ᭄ᬰᬲ᭄ᬯᬫᬶᬦ᭄ᬢᬫᬓᬢ᭄ᬭᬶ᭟᭖᭓᭟ᬫᬗ᭄ᬓᬾᬓᬶᬢᬮᬸᬗ᭄ᬳᬵᬯᬦᬯᬲᬢᬶᬃᬣ᭞ᬩᬧᬤᬸᬮᬸᬭᬦᬮ᭠ᬓᬶ᭞ᬧᬭᬾᬗ᭄ᬕ᭄ᬯᬦᬶᬂᬢᬶᬃᬣ᭞ᬭᬶᬂᬳᬸᬃᬤ᭄ᬟᬦᬶᬓᬂᬧᬃᬯ᭄ᬯᬢ᭞ᬳᬦᬢᬶᬃᬣᬵᬢ᭄ᬬᬦᬰᬸᬘᬶ᭞ᬫᬶᬮᬶᬭᬶᬂᬰᬾᬮ᭞ᬭᬲᬦ᭄ᬬᬫᬭᬸᬫ᭄ᬳᬫᬦᬶ᭠
ᬲ᭄᭟᭖᭔᭟ᬢᬦ᭄ᬳᬤᬯᬯᬸᬯᬸᬲ᭄ᬩᬧᬓᭂᬢᬮᬸᬗ᭄ᬳᬵ᭞ᬲᬂᬓᬺᬱ᭄ᬡᬳᬲᬳᬸᬃᬲᬶᬗ᭄ᬕᬶᬄ᭞ᬳᬦ᭄ᬢ᭄ᬬᬦ᭄ᬲᬶᬄᬫᬸ᭠ᬦᬷᬦ᭄ᬤ᭄ᬭ᭞ᬬᬦ᭄ᬲᬯᬂᬳᬮᬸᬦ᭄ᬮ᭄ᬯᬶᬃᬓᬸᬫ᭄ᬩᬂ᭞ᬗᬸᬤ᭄ᬟᬶᬦ᭄ᬬᬳᬦᬯᬦ᭄ᬲᬭᬶ᭞ᬋᬱᬶᬧᬯᬦ᭞ᬢ᭄ᬓᬫᬯᬕᬢ᭄ᬭᬦᬶᬂᬲᬭᬶ᭟᭖᭕᭟ᬢ᭄ᬓᬵᬮ᭠
ᬫ᭄ᬧᬄᬧᬥᬓᬭᭀᬢᬦ᭄ᬯᬃᬡ᭄ᬦᬾᬗ᭄ᬳᬯᬦ᭄᭞ᬥᬢᭂᬗᬶᬂᬢᬢᬓᬰᬸᬘᬶ᭞ᬳᬸᬯᬸᬲ᭄ᬪᬶᬦᬹᬱᬡᬦ᭄᭞ᬫᬓᬸᬢᬭ᭄ᬯᬵᬘᬦ᭄ᬤᬶᬩᭂᬦ᭄ᬢᬃ᭞ᬮ᭄ᬯᬶᬃᬳ᭄ᬬᬂᬯᬶᬱ᭄ᬡᬸᬩ᭄ᬭᬵᬳ᭄ᬫᬵᬓᬮᬶᬄ᭞ᬚᬶᬦᬬᬚᬬᬦ᭄᭞ᬤᬾᬦᬶᬭᬲᬂᬋᬱᬶᬓᬮᬶᬄ᭟᭖᭖᭟ᬯᬸᬲ᭄ᬫᬬᭀᬕ᭠
ᬫᬸᬯᬄᬳᬯᬸᬯᬸᬲ᭄ᬋᬱᬶᬓᬭ᭄ᬯᬵ᭞ᬳᬳᬸᬫ᭄ᬳᬳᬸᬫ᭄ᬢᬦᬬᬫᬫᬶ᭞ᬫᬸᬮᬶᬳᬦᬩᬧ᭞ᬧᬳᬬ᭄ᬯᬦᬶᬓᬂᬚᬕᬢ᭄᭞ᬫᬗ᭄ᬓᬾᬩᬧᬧ᭄ᬭᬬᬫᬸᬮᬶᬄ᭞ᬳᬢᬶᬗ᭄ᬕᬮᬾᬂᬓᬶᬢ᭞ᬧᬸᬗ᭄ᬓᬸᬭᬦ᭄ᬫᬮᬶᬄᬓᬧᬗ᭄ᬕᬶᬄ᭛᭜᭛ᬧᬸᬄᬧᬗ᭄ᬓᬸᬃ᭟
[᭔᭔ 44A]
᭑᭟ᬦᬳᬦᬶᬓᬦᬮᬶᬂᬦᬶᬭ᭞ᬦᬺᬧᬓᬵᬭᭀᬯᬯᬂᬲᬶᬭᬳᬗᬜ᭄ᬚᬮᬶ᭞ᬲᬂᬋᬱᬶᬘᭂᬢ᭄ᬲᬹᬓ᭄ᬫᬾᬂᬕᬸᬦᬸᬂ᭞ᬓᬣᬵᬓ᭄ᬦᬲᬓ᭄ᬯᬾᬳᬶᬂᬫᬢ᭄ᬬ᭞ᬦᬶᬓᬲᬫᬶ᭞ᬧᬶᬢ᭄ᬭᬦ᭄ᬬᬵᬗᬶᬭᬶᬂᬲᬂᬫ᭄ᬧᬸ᭞ᬤᬤᬶᬕᬦ᭄ᬟᬃᬯ᭄ᬯᬧ᭄ᬭᬲᬫ᭞ᬫᬸᬮᬶᬄᬦᬸᬗ᭄ᬲ᭄ᬬᬾᬂ᭠
ᬕᬸᬦᬸᬂᬓᬯᬶ᭟᭒᭟ᬫᬗ᭄ᬓ᭄ᬬᬲᬶᬭᬂᬦᬺᬧᬓᬺᬱ᭄ᬡ᭞ᬓᬓᬃᬱᬡᬓᬤᬶᬲᬶᬦᬮᬶᬦᬦ᭄ᬓᬵᬧ᭄ᬢᬶ᭞ᬤᬰᬕᬸᬡᬦᬶᬓᬂᬢᬦᬸ᭞ᬢᬦ᭄ᬢᬦᬦᬬᬓᬮᬳᬮ᭞ᬯᬯᬂᬫᬤᭂᬕ᭄᭞ᬲᬂᬓᬺᬱ᭄ᬡᬓᬓᬃᬱ᭄ᬡᬵᬮᬓᬸ᭞ᬢᬢᬦ᭄ᬓᬯᬃᬡ᭄ᬦᬳᬾᬂᬳᬯᬦ᭄᭞
ᬧ᭄ᬭᬵᬧ᭄ᬢᬭᬶᬂᬧᬸᬓᬳᬶᬂᬯᬸᬓᬶᬭ᭄᭟᭓᭟ᬓᬢᭀᬦ᭄ᬲᬂᬯᬪ᭄ᬭᬸᬳᬸᬤ᭄ᬟᬯ᭞ᬓᬢ᭄ᬓᬾᬂᬩᬮᬵᬲᬫᬲᬶᬭᬵ᭠ᬲ᭄ᬫᬸᬓᬶᬗ᭄ᬓᬶᬂ᭞ᬧᬦ᭄ᬢᬸᬯᬦᬶᬭᬢᬦ᭄ᬢᭂᬫᬸ᭞ᬭᬶᬦᬲᬢᬶᬢᬶᬳᬦ᭄ᬰᬯᬦᬶᬓᬂᬧᬓ᭄ᬱᬶ᭞ᬲᬂᬯᬪ᭄ᬭᬸᬯᬯᬂᬳᬫᬸᬯᬸᬲ᭄᭞ᬳᬭᬄᬓᬶ
ᬢᬵᬃᬬ᭄ᬬᬳᬸᬤ᭄ᬟᬯ᭞ᬧᬭᬦ᭄ᬤᬾᬭᬳᬗ᭄ᬭᬱᬦᬶᬦ᭄᭟᭔᭟ᬬᬦ᭄ᬢᬦ᭄ᬧᬗ᭄ᬕᬶᬄᬳᬦᬓᬶᬗ᭄ᬯᬂ᭞ᬫᬓᬭᭀᬭᭀᬳᬸᬮᬸᬦ᭄ᬢᬦ᭄ᬳᬦ᭄ᬢᬸᬓᬫᬮᬶᬄ᭞ᬲᬂᬳᬸᬤ᭄ᬟᬯᬵᬦᭂᬫ᭄ᬩᬄᬫᬢᬸᬃ᭞ᬲᬶᬗ᭄ᬕᬶᬄᬤᬾᬯᬧ᭄ᬭᬫᬾᬰ᭄ᬯᬭ᭞ᬧᬶᬲᬦ᭄ᬬᬾᬓᬶ᭞ᬭᬪᬲᭂᬦ᭄ᬰᬯᬦᬶᬂ
Kaca:Bali-lontar-gaguritan-pandawa-dasa-01-300ppi.pdf/44
Kaca puniki sampun kauji-wacén
