[᭔᭑ 41B]
᭔᭑
ᬗᬓ᭄ᬱᬫ᭞ᬤᬶᬦᬸᬮᬸᬭᬦ᭄ᬋᬱᬶᬂᬮᬗᬶᬢ᭄᭞ᬧᬥᬳᬗᬬ᭄ᬯᬦ᭞ᬫᬗ᭄ᬓ᭄ᬬᬧᬹᬃᬡ᭄ᬦᬲᬂᬳᬶᬦᬚ᭄ᬜᬦ᭄᭞ᬭᬸᬫᭂᬗ᭄ᬯᬵᬢᬸᬃᬧᬭᬫᬋᬱᬶ᭞ᬳᬸᬯᬸᬲ᭄ᬳᬸᬬᬸᬂᬦ᭄ᬬ᭞ᬳᬶᬮᬂᬯᬶᬱ᭄ᬡᬸᬩ᭄ᬭᬵᬳ᭄ᬫᬫᬹᬃᬢ᭄ᬢᬶ᭟᭔᭗᭟ᬯᬯᬂᬲᬶᬭᬵᬭᬹᬧᬓᬺᬱ᭄ᬡᬓᬓᬃᬱᬡ᭞ᬧ᭠
ᬥᬸᬲᬓᬦᬶᬓᬗ᭄ᬳᬢᬶ᭞ᬧᬋᬂᬭᬲᬭᬲᬵᬦ᭄᭞ᬲᬶᬮᬶᬄᬳᬸᬭᬸᬧ᭄ᬓᬯ᭄ᬬᬚ᭄ᬜᬦᬦ᭄᭞ᬮᬶᬗᬶᬭᬲᬂᬋᬱᬶᬓᬵᬮᬶᬄ᭞ᬤᬸᬄᬤᬾᬯᬓᬭᭀ᭞ᬳᬦ᭄ᬢ᭄ᬬᬦ᭄ᬧᬭᬫᬲᬸᬓᬾᬗ᭄ᬳᬢᬶ᭟᭔᭘᭟ᬤᬺᬓᬾᬂᬳᬸᬮᬄᬓᬶᬢᬫᬗ᭄ᬓᬾᬭᬵᬓ᭄ᬱ᭄ᬬᬂᬚᬕᬢ᭄᭞ᬓᬶ
ᬢᬲᬵᬓ᭄ᬱ᭄ᬬᬦᬶᬓᬂᬬᬸᬓ᭄ᬢᬶ᭞ᬭᬶᬓᬸᬂᬚᬕᬢ᭄ᬲᬤᬬ᭞ᬓᬶᬢᬢᬗ᭄ᬕᬸᬳᬦᬶᬂᬥᬃᬫ᭄ᬫ᭞ᬓᬶᬢᬧ᭄ᬭᬗᬶᬂᬫᬹᬃᬓ᭄ᬓᬚᬸᬢᬶ᭞ᬮᭀᬪᬤ᭄ᬭᬾᬳᬓ᭞ᬓᬶᬢᬓᬶᬦᭀᬦ᭄ᬳᬫᬢ᭄ᬬᬦᬶᬦ᭄᭟᭔᭙᭟ᬗᬹᬦᬶᬧᬹᬃᬯ᭄ᬯᬓᬶᬢᬧ᭄ᬭᬕᬦᬭᬬᬵᬡᬵ᭞ᬫᬓ
ᬤᬶᬲᬂᬳ᭄ᬬᬂᬩᬲᬸᬓᬶᬄ᭞ᬤᬤᬶᬓᬶᬢᬓᬭᭀ᭞ᬓᬫᬶᬓᬮᬶᬄᬢᬸᬭ᭄ᬯᬾᬂᬓᬶᬢ᭞ᬫᬗ᭄ᬓᬾᬲᬵᬫ᭄ᬧᬸᬦ᭄ᬓᬶᬢᬓᬵᬮᬶᬄ᭞ᬫᬰᬭᬷᬭᬚᬦ᭄ᬫ᭞ᬓᬶᬢᬤᬤᬶᬢᬦᬬᬫᬫᬶ᭟᭕᭐᭟ᬬᬾᬓᬶᬓᬸᬝᬦᬶᬭᬲᬂᬳ᭄ᬬᬂᬧᬤ᭄ᬫᬦᬪᬵ᭞ᬫ᭄ᬯᬂᬓᬸᬝ
[᭔᭒ 42A]
ᬳ᭄ᬬᬂᬧᬤ᭄ᬫᬬᭀᬡᬶ᭞ᬓᬫᬶᬭᬸᬫᬵᬓ᭄ᬱᬓ᭞ᬓᬢ᭄ᬓᬾᬂᬲᬪᬹᬱᬡᬦᬶᬭ᭞ᬓᬵᬮᬦ᭄ᬬᬢᬸᬭᬸᬦ᭄ᬭᬶᬂᬪᬹᬫᬶ᭞ᬫᬗ᭄ᬓᬾᬯᬸᬲ᭄ᬓᬢᭀᬦ᭄᭞ᬓᬶᬢᬬᭀᬕ᭄ᬬᬦᬫ᭄ᬧᬦᬶᬦ᭄᭟᭕᭑᭟ᬳᬦᬓ᭄ᬢᬚ᭄ᬬᬾᬱ᭄ᬝᬓᬭᬶᬂᬲ᭄ᬯᬃᬕ᭄ᬕᬦ᭄᭞ᬲᬂᬳ᭄ᬬᬂᬦᬭᬬᬦ᭄ᬧᬧᬲᬶᬄ᭞
ᬧ᭄ᬭᬬᬢᬹᬢᬾᬂᬓᬶᬢ᭞ᬫᬶᬯᬄᬳ᭄ᬬᬂᬩᬵᬬᬸᬳ᭄ᬬᬂᬥᬃᬫ᭄ᬫ᭞ᬫᬓᬢ᭄ᬭᬶᬧ᭄ᬭᬬᬳᬜ᭄ᬚᬦ᭄ᬫᬶ᭞ᬭᬶᬂᬧᬵᬡ᭄ᬥᬸᬧᬢᬄ᭞ᬅᬃᬚ᭄ᬚᬸᬦᬳ᭄ᬬᬦᬭᬤᬤᬶ᭟᭕᭒᭟ᬯᬓ᭄ᬳ᭄ᬬᬂᬥᬃᬫ᭄ᬫᬫ᭄ᬢᬸᬭᬵᬦ᭄ᬲᬂᬓᬯᬥᬦ᭞ᬯᬓ᭄ᬩᬵᬬᬸᬲᬂᬲᬾᬦᬦᬵᬫᬶ᭞ᬳᬦᬳ᭄ᬬᬂ
ᬚᬗ᭄ᬓᭂᬧᬦ᭄᭞ᬳ᭄ᬬᬂᬯᬶᬡ᭄ᬟᬸᬤᬾᬯᬵᬭᬦ᭄ᬬ᭞ᬯᬶᬱ᭄ᬡ᭄ᬯᬚ᭄ᬜᬦᬵᬭᬦ᭄ᬲᬂᬳᬓᬭᬶ᭞ᬭ᭄ᬯᬯᬶᬱ᭄ᬡᬸᬓᬸᬮ᭞ᬢᬹᬢ᭄ᬓᬶᬢᬵᬜ᭄ᬚᬦ᭄ᬫᬶᬭᬶᬂᬫᬤ᭄ᬭᬶ᭟᭕᭓᭟ᬫᬓᬤᬤᬶᬦᬓᬸᬮᬵᬮᬦ᭄ᬲᬳᬫᬭ᭞ᬧᬜ᭄ᬘᬲᬦᬓ᭄ᬬᬦ᭄ᬯᬸᬲᬤᬶ᭞ᬭᬦ᭄ᬧᬜ᭄ᬘᬧᬡ᭄ᬟᬯ᭞ᬬᬾᬓᬸ
ᬓᬯ᭄ᬭᬸᬳᬦᬩᬧ᭞ᬲᬢᬪᬹᬢᬧ᭄ᬭᬬᬦᬤᬶ᭞ᬯᬗ᭄ᬰᬵᬓᭀᬭᬯ᭞ᬤᬺᬱ᭄ᬝᬭᬵᬱ᭄ᬝ᭄ᬭᬯᬗ᭄ᬰᬕᬡ᭄ᬟᬭᬷ᭟᭕᭔᭟ᬳᬦᬤᬾᬯᬢᬸᬗ᭄ᬕᬮ᭄ᬫ᭄ᬢᬸᬳᬯᭀᬃᬪᬹᬢ᭞ᬬᬸᬬᬸᬢ᭄ᬲᬸᬭᬦ᭄ᬬᬯᬸᬲ᭄ᬤᬤᬶ᭞ᬬᭀᬩᬳᬵᬃᬱ᭄ᬭᬦᬵᬫ᭞ᬬᬾᬓᬸᬕᬦ᭄ᬟᬃᬯ᭄ᬯ
Kaca:Bali-lontar-gaguritan-pandawa-dasa-01-300ppi.pdf/42
Kaca puniki sampun kauji-wacén
