[᭒᭙ 29B]
᭒᭙
ᬦ᭄ᬳᬦᬧ᭄ᬭᬲᬗ᭄ᬕ᭞ᬯᬢᭂᬓ᭄ᬦᬵᬣᬓᬸᬮᬅᬚᬶ᭞ᬦᬸᬭᬸᬦ᭄ᬦᬸᬭᬸᬦ᭄᭞ᬧᬵᬡ᭄ᬟᬸᬓᬸᬮᬫᬢ᭄ᬬᬾᬂᬭᬡᬵ᭟᭑᭕᭟ᬲᬯᬸᬭᬶᬭᬢᬦᬧᬜ᭄ᬚᬂ᭞ᬲᬯᬢᭂᬓᬶᬓᬂᬪᬹᬧᬢᬶ᭞ᬲᬶᬗ᭄ᬕᬶᬄᬰᬩ᭄ᬤᬫᬸᬦᬶᬯᬭ᭞ᬲᬂᬳ᭄ᬬᬂᬲᬹᬃᬬ᭄ᬬᬫᬓᬲᬵᬓ᭄ᬱᬶ᭞ᬲᬂᬧᬵᬡ᭄ᬟᬸᬲᬶᬭ
ᬦᬳᬸᬭᬶᬦ᭄᭞ᬲᬶᬗ᭄ᬕᬶᬄᬤᬾᬯᬲᬫ᭄ᬬᬦ᭄ᬧ᭄ᬭᬪᬹ᭞ᬳᬬ᭄ᬯᬳᬶᬦᬸᬘᬧᬾᬂᬲᬸᬩ᭞ᬳᬸᬤᬦ᭄ᬬᬫᬗ᭄ᬓᬾᬭᬲᬦᬶᬦ᭄᭞ᬧᬫᬦᬶᬧᬸᬦ᭄᭞ᬓᬾᬗ᭄ᬓᬩᬶᬂᬳᬵᬃᬣᬲᬯᬶᬮᬄ᭟᭑᭖᭟ᬲᬸᬓᬤᬸᬦᬸᬗᬾᬗᬵᬲ᭄ᬢᬶᬦᬵ᭞ᬘᬶᬳ᭄ᬦᬦ᭄ᬬᬲᬾᬓᬦᬶᬂᬓᬵᬧ᭄ᬢᬶ᭞ᬲᬯᬸᬃᬧᬓ᭄ᬱ᭄ᬬ
ᬢᬸᬃᬲᬂᬓᬢᭀᬂ᭞ᬳᬸᬮᬸᬦ᭄ᬢᬸᬭᬸᬢ᭄ᬲᬵᬚ᭄ᬜᬳᬚᬶ᭞ᬧᬵᬡ᭄ᬟᬸᬓᭀᬦ᭄ᬯᬶᬥᬸᬭᬫᬸᬮᬶᬄ᭞ᬭᬜ᭄ᬘᬗᭂᬦ᭄ᬫᬜᬫ᭄ᬩ᭄ᬭᬫᬾᬓᬸ᭞ᬰᬷᬖ᭄ᬭᬲᬶᬭᬵᬃᬬ᭄ᬬᬯᬶᬥᬸᬭ᭞ᬳᬫ᭄ᬯᬶᬢᬶᬂᬧᬤᬵᬲᬂᬋᬱᬶ᭞ᬤᬦ᭄ᬳᬸᬫᬦ᭄ᬢᬸᬓ᭄᭞ᬲᬾᬭᬶᬂᬮᬵᬯᬦ᭄ᬯᬦ᭄ᬢᬶᬭᬵᬚ᭟᭑᭗᭟ᬫᬤ᭄ᬭ
ᬧᬵᬜ᭄ᬘᬮᬯᬶᬭᬵᬝ᭞ᬢᬸᬫᬹᬢ᭄ᬲᬶᬭᬵᬃᬬ᭄ᬬᬧᬫᬸᬮᬶᬄ᭞ᬢᬦ᭄ᬯᬃᬡ᭄ᬦᬦ᭄ᬧ᭄ᬭᬵᬧ᭄ᬢᬾᬂᬓᬤᬢᭀᬦ᭄᭞ᬲᬂᬋᬱᬶᬲᬶᬭᬕᬸᬫᬦ᭄ᬢᬶ᭞ᬲᬮᬸᬦᬶᬂᬭᬣᬧᬵᬡ᭄ᬟᬶᬸᬓᬶ᭞ᬳᬶᬦᬶᬭᬶᬗᬶᬂᬲᬂᬧ᭄ᬭᬭᬢᬸ᭞ᬲᬫᬶᬧᬤᬭᬣᬭᬣᬵᬦ᭄᭞ᬳᬦᬦᬸᬗ᭄ᬕᬂᬓᬸᬤᬳᬲ᭄ᬢᬶ᭞ᬬ
[᭓᭐ 30A]
ᬕᬸᬫᬸᬭᬸᬄ᭞ᬤᬾᬦᬶᬂᬩᬮᬧᬜ᭄ᬘᬢᬡ᭄ᬟᬵ᭟᭑᭘᭟ᬲᬫᬵᬢᬢᬵᬢᬹᬢ᭄ᬓ᭄ᬭᬫ᭞ᬲᬸᬓᬢᬵᬫ᭄ᬩᭂᬓ᭄ᬲᬂᬫᬗᬶᬭᬶᬂ᭞ᬢᬗᬾᬄᬓᬂᬯᭀᬂᬫᭂᬢ᭄ᬯᬵᬦᭀᬦ᭄ᬢᭀᬦ᭄᭞ᬲ᭄ᬢ᭄ᬭᬷᬚᬮᬸᬳᬕᬸᬂᬳᬤ᭄ᬫᬶᬢ᭄᭞ᬳᬾᬩᭂᬓ᭄ᬭᬶᬂᬲᬦ᭄ᬤᬶᬗᬶᬂᬫᬵᬃᬕ᭄ᬕᬶ᭞ᬧᬥᬳᬰ᭄ᬘᬃᬬ᭄ᬬᬵ
ᬦᭀᬦ᭄ᬤᬸᬮᬸ᭞ᬲ᭄ᬯᬪᬵᬯᬦᬶᬓᬂᬧ᭄ᬭᬦᬵᬣ᭞ᬮᬸᬫ᭄ᬭᬵᬪᬹᬱᬡᬦ᭄ᬬᬗᭂᬦ᭄ᬤᬶᬄ᭞ᬳᬪ᭄ᬭᬵᬫᬸᬭᬸᬩ᭄᭞ᬗ᭄ᬭᬜᬩ᭄ᬓᬶᬦᭂᬜᬭᬶᬗᬵᬃᬓ᭄ᬓ᭟᭑᭙᭟ᬳᬦᬧ᭄ᬯᬾᬓᬂᬳᬯᬲ᭄ᬫᬸᬮᬢ᭄᭞ᬲᬃᬯ᭄ᬯᬶᬤᬾᬦ᭄ᬬᬯᬶᬲᬶᬓ᭄ᬯᬶᬲᬶᬓ᭄᭞ᬮᬄᬧᬶᬡ᭄ᬟᬧᬶᬡ᭄ᬟᬦᬫᬗ᭄ᬓᭀ᭞ᬮ
ᬫ᭄ᬧᬳᬶᬭᬲᬂᬫᬳᬵᬬᬢᬷ᭞ᬳᬦᬯ᭄ᬯᬂᬧ᭄ᬭᬘᬘᬄᬦᬾᬯᬸᬭᬶᬦ᭄᭞ᬲᬶᬗ᭄ᬕᬶᬄᬧᬫᭀᬲᬂᬳ᭄ᬬᬂᬕᬸᬭᬸ᭞ᬮᬸᬗ᭄ᬳᬵᬫᬶᬦ᭄ᬢᬃᬫᬭᬶᬂᬲ᭄ᬯᬃᬕ᭄ᬕᬦ᭄᭞ᬤᬾᬯᬥᬢᬦᬾᬫᬗᬶᬭᬶᬂ᭞ᬢᬦ᭄ᬓᬳᬾᬢᬸᬂ᭞ᬰᬷᬖ᭄ᬭᬧ᭄ᬭᬵᬧ᭄ᬢᬭᬶᬂᬳᬲ᭄ᬢᬶᬦᬵ᭟᭒᭐᭟ᬲᬂᬋᬱᬶᬢᬸᬭᬸᬦ᭄ᬭᬶᬂ
ᬣ᭞ᬓᬢ᭄ᬓᬾᬂᬯᬢᭂᬓ᭄ᬪᬹᬧᬢᬶ᭞ᬭᬂᬰᬮ᭄ᬯᬵᬲ᭄ᬢᬶᬚᬸᬫᭀᬚᭀᬕ᭄᭞ᬲᬂᬋᬱᬶᬲᬵᬫ᭄ᬧᬸᬦᬮᬶᬗ᭄ᬕᬶᬄ᭞ᬲᬶᬦ᭄ᬤᬶᬂᬧᬵᬡ᭄ᬟᬸᬦᬺᬧᬢᬶ᭞ᬧᬶᬦᬋᬓ᭄ᬤᬾᬦᬶᬂᬧ᭄ᬭᬭᬢᬸ᭞ᬫᬗ᭄ᬕᬮᬰ᭄ᬭᬷᬰᬵᬮ᭄ᬯᬭᬵᬚ᭞ᬲᬦ᭄ᬤᬶᬗᬶᬦ᭄ᬲᬗᬦ᭄ᬳᭂᬦ᭄ᬓᬵᬮᬶᬄ᭞ᬫᬕᬥ
Kaca:Bali-lontar-gaguritan-pandawa-dasa-01-300ppi.pdf/30
Kaca puniki sampun kauji-wacén
