[᭑᭐᭗ 107B]
᭑᭐᭗
ᬮᬲᬶᬤ᭄ᬟᬶ᭞ᬢᭂᬫ᭄ᬧᬸᬳᬶᬲᬂᬓᬮᬮ᭄ᬯᬶᬢ᭞ᬢᬶᬩᬵᬓᬦ᭄ᬢᭂᬧ᭄ᬚᬚᬦ᭄ᬬᬢ᭄ᬭᬸᬲ᭄᭞ᬲᬓ᭄ᬱᬡᬵᬢ᭄ᬭᬶᬯᬶᬓ᭄ᬭᬫ᭞ᬮᬸᬤ᭄ᬭᬫᬹᬃᬢ᭄ᬢᬶᬕᬸᬂᬳᬳᬸᬬᬸᬂ᭞ᬓᬾᬯ᭄ᬭᬦ᭄ᬰ᭄ᬭᬷᬥᬃᬫ᭄ᬫᬯᬗ᭄ᬰ᭞ᬯᬤ᭄ᬯᬦ᭄ᬬᬵᬚ᭄ᬭᬶᬄᬗᬥᭂᬧᬾᬂᬢᬮ᭟᭖᭖᭟ᬬᬾᬓᬵᬦ᭄ᬢ᭄ᬮᬲ᭄ᬲᬓ᭄ᬯᬾᬳᬶᬂᬫ
ᬮᬕᬮᬭᬸᬢ᭄᭞ᬲᬶᬭᬂᬬᬸᬥᬶᬱ᭄ᬝᬶᬭᬾ᭞ᬬᬢ᭄ᬦᬢᬦ᭄ᬤᬂᬧ᭄ᬭᬬᬵᬢᬦ᭄ᬤᬶᬂ᭞ᬳ᭄ᬭᬹᬩᬚ᭄ᬭᬵᬕ᭄ᬦᬷᬦᬬᬢ᭄ᬫᬗ᭄ᬓᭀ᭞ᬮᬶᬦ᭄ᬧᬲᬦ᭄ᬳᬸᬯᬸᬲ᭄ᬢᬫᬦ᭄ᬤᬸᬓ᭄᭞ᬪᬱ᭄ᬫᬶᬓᬮᬢᬦ᭄ᬧᬰᬾᬱ᭞ᬯᬯᬂᬲᬶᬭᬵᬢ᭄ᬫᬳᬦ᭄ᬯᬶᬓᬸ᭞ᬯᬮᬸᬬᬳ᭄ᬬᬂᬦᬷᬮᬮ᭄ᬯᬶᬢ᭞ᬧ᭄ᬭᬬᬵᬦᬳᬸᬃᬧᬦ
ᬕ᭄ᬬ᭟᭖᭗᭟ᬳᬶᬄᬓᬶᬢᬲᬂᬬᬸᬥᬶᬱ᭄ᬝᬶᬭᬧ᭄ᬭᬪᬸ᭞ᬚᬵᬢᬶᬥᬃᬫ᭄ᬫᬲᬸᬢᬾ᭞ᬬᭀᬕ᭄ᬬᬲᬸᬗ᭄ᬲᬸᬗᬦᬶᬂᬪᬹᬫᬶ᭞ᬫᬓᬳᬶᬮᬗᬦᬶᬂᬲᬃᬯ᭄ᬯᬫᭀᬫᭀ᭞ᬓᬶᬢᬵᬫᬺᬢᬦᬶᬓᬂᬪᬹᬄ᭞ᬬᭀᬕ᭄ᬬᬲᭂᬫ᭄ᬩᬳᬦᬶᬂᬤᬾᬯ᭞ᬳᬸᬮᬸᬦ᭄ᬧ᭄ᬭᬬᬢᬳᬸᬃᬮᬸᬮᬸᬢ᭄᭞ᬧᬸᬧ᭄ᬯᬦᬲᭂᬫ᭄ᬩ
ᬳᬶᬭᬶᬗ᭄ᬯᬂ᭞ᬕᬜ᭄ᬚᬭᬦ᭄ᬢᬵᬦᬸᬧᬢᬶᬗ᭄ᬯᬂ᭟᭖᭘᭟ᬲᬂᬬᬸᬥᬶᬱ᭄ᬝᬶᬭᬓᬕ᭄ᬬᬢᬗ᭄ᬭᬸᬗᬸ᭞ᬮᬶᬂᬲᬂᬳᬗᬓ᭄ᬱᬫᬾ᭞ᬓᬢᭀᬜ᭄ᬘᬢᬸᬃᬪᬸᬚᬚᬵᬢᬶ᭞ᬲᬕᬢᬳᬢᬸᬃᬧᬢᬓᭀᬦ᭄᭞ᬲᬶᬗ᭄ᬕᬶᬄᬲᬧᬓᬶᬢᬳ᭄ᬬᬂᬫ᭄ᬧᬸ᭞ᬲᬸᬦ᭄ᬳ᭄ᬬᬂᬋᬱᬶᬦᬷᬮᬮ᭄ᬯᬶᬢ᭞ᬓ᭄ᬦᬾᬂᬲᭀ
[᭑᭐᭘ 108A]
ᬢ᭄ᬳ᭄ᬬᬂᬏᬓᬤᬗᬹ᭞ᬤᭀᬱᬦᬾᬲᬾᬯᬮᬾᬂᬲᬵᬦᬓ᭄᭞ᬤᬤᬶᬤᬿᬢ᭄ᬬᬫᬸᬗ᭄ᬕ᭄ᬯᬶᬂᬯᬦ᭟᭖᭙᭟ᬫᬗ᭄ᬓᬾᬓᬶᬢᬲᬵᬫ᭄ᬧᬸᬦᬗ᭄ᬮᬸᬓᬢ᭄ᬳᬸᬮᬸᬦ᭄᭞ᬫ᭄ᬯᬂᬲᬫᬲᬵᬦᬓᬾ᭞ᬳᬾᬋᬦᬭᬂᬯᬦᬢᬾᬓᬶ᭞ᬳᬸᬮᬸᬦ᭄ᬧ᭄ᬭᬬᬧᬾᬳᭂᬦ᭄ᬫᬗ᭄ᬓᭀ᭞ᬲᬂᬦᬯᬋᬱᬶᬧᬸ
ᬓᬸᬮᬸᬦ᭄᭞ᬳᬗ᭄ᬤᬾᬢᬢᬲ᭄ᬦᬵᬫᬭᬹᬧ᭞ᬢᬸᬭᬢᬸᬃᬭᬶᬂᬳ᭄ᬬᭂᬏᬓᬪᬹᬄ᭞ᬯ᭄ᬭᬸᬳᭂᬦ᭄ᬲᬵᬦᬓ᭄ᬲᬂᬧᬜ᭄ᬘᬵᬢ᭄ᬫ᭞ᬲᬫᬫᬤ᭄ᬭᬶᬧᬵᬡ᭄ᬟᬸᬲᬸᬢ᭟᭗᭐᭟ᬲᬂᬬᬸᬥᬶᬱ᭄ᬝᬶᬭᬯᬯᬗᬸᬫᬢᬸᬃ᭞ᬲᬶᬗ᭄ᬕᬶᬄᬢᬳ᭄ᬬᬂᬫᬗ᭄ᬓᬾ᭞ᬯᬘᬦᬗ᭄ᬕ᭄ᬯᬦ᭄ᬧᬵᬡ᭄ᬥᬸᬫᬤ᭄ᬭᬶ᭞ᬭᬶᬂᬳᬧᬫᭀᬮᬶᬄ
ᬧᬢᬶᬩᭀᬦ᭄᭞ᬳᬶᬩᬸᬧ᭄ᬭᬬᬳᬢᬸᬃᬢᬳᬸᬃ᭞ᬤ᭄ᬯᬶᬤᬰᬲᬂᬳ᭄ᬬᬂᬓᬯᬶᬢᬦ᭄᭞ᬳ᭄ᬬᬂᬦᬷᬮᬮ᭄ᬯᬶᬢᬳᬫᬸᬯᬸᬲ᭄᭞ᬢᬦ᭄ᬧᬗ᭄ᬕᬶᬄᬧᬦ᭄ᬲ᭄ᬯᬾᬭᬶᬂᬯᬦ᭞ᬲᬸᬦ᭄ᬫᬗ᭄ᬓᬾᬳᬯᬲᬾᬂᬲ᭄ᬯᬃᬕ᭄ᬕᬦ᭄᭟᭗᭑᭟ᬓ᭄ᬭᬫᬦᬶᬭᬲᬂᬤ᭄ᬭᬓᬭᬂᬯᬸᬯᬸᬲ᭄᭞ᬬᬤ᭄ᬬᬦ᭄ᬳᬦᬲᭀᬢᬾ᭞
ᬬᭀᬕ᭄ᬬᬢᬳᬸᬭᬦᬶᬓᬂᬮᬶᬂ᭞ᬢᬦ᭄ᬢᬳᬸᬃᬫᬺᬱᬾᬂᬤᬾᬯᬢ᭞ᬧᬢᬶᬳᬸᬭᬶᬧ᭄ᬳᬦ᭄ᬫᬸᬲᬸᬗ᭄ᬲᬸᬢ᭄᭞ᬳᬦ᭄ᬭᬸᬲ᭄ᬭᬶᬂᬧ᭄ᬭᬢᬶᬲᬦ᭄ᬢᬦ᭞ᬳᬸᬢᬂᬤᬤ᭄ᬬᬗᬭᬦᬶᬓᬸ᭞ᬬᬦ᭄ᬲᬶᬭᬳᬫᬹᬚᬵᬧᬶᬢ᭄ᬭ᭞ᬲᬸᬓᬤᬸᬄᬓᬦᬶᬂᬬᬚ᭄ᬜᬵ᭟᭗᭒᭟ᬯᬗᬸᬦᬦᬫᬥ᭄ᬬᬗ᭄ᬕᭀ
Kaca:Bali-lontar-gaguritan-pandawa-dasa-01-300ppi.pdf/108
Kaca puniki sampun kauji-wacén
