Kaca:Bali-lontar-gaguritan-pancayoga-01-300ppi.pdf/56

Saking Wikisource
Kaca puniki sampun kauji-wacén

[ ᭕᭕ 55B]
᭕᭕᭞
᭞ᬧᬢᬶᬄᬲᬯᬦ᭄ᬤᬩᭀᬬᬓᬭᬶᬗᬶᬭᬶᬂᬲᬂᬧ᭄ᬭᬪᬸ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬥᬧᬮᬲ᭄᭞ᬳᬶᬘᬮ᭄ᬦᬫᬦᬶᬂᬧᬧᬢᬶᬄ᭟᭐᭟ᬲᬧᬸᬦᬶᬓᬯᬦ᭄ᬢᬄᬭᬵᬦᬓ᭄᭞ᬲᬓᬶᬂᬏᬜ᭄ᬚᬶᬂᬫᬦᬫ᭄ᬧᬾᬦᬶᬦ᭄ᬢᬸᬢᬸᬃᬚᬵᬢᬶ᭞ᬲ
ᬭᬶᬦᬶᬂᬆᬕᬫᬧᬸᬢᬸᬲ᭄᭞ᬦᬶᬓᬲᬫᬶᬯᬸᬲ᭄ᬓᬳᬸᬚᬂ᭞ᬦᬄᬧᬸᬧᬸᬢᬂᬩᬩᬯᭀᬲᬾᬫᬗ᭄ᬓᬶᬦ᭄ᬢᬸᬢᬸᬧ᭄᭞ᬭᬵᬦᬓ᭄ᬩᬕᬸᬲ᭄ᬩᬗᬸᬦᬼᬫᬄ᭞ᬩᬾᬜ᭄ᬚᬂᬲᭂᬫᭂᬂᬫᬮᬶᬄᬢᬗ᭄ᬓᬶᬮ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭟᭐᭟ᬕᭂ
ᬥᬾᬢᬸᬮᬸᬲ᭄ᬫᬦᬸᬦᬲᬂ᭞ᬲᬶᬗ᭄ᬕᬶᬄᬭᬢᬸᬫᬳᬵᬫᬹᬦᬶ᭞ᬇᬡ᭄ᬥᬶᬓ᭄ᬲᬶᬫᬫᬶᬯᬄᬅᬤᬢ᭄᭞ᬧᬸᬦᬶᬓᬫᬮᬶᬄᬳᬶᬘᬾᬦᬶᬦ᭄᭞ᬲᬂᬧᬡ᭄ᬥᬶᬢᬜᬯᬶᬲ᭄ᬳᬭᬶᬲ᭄᭞ᬯᬘᬦᬦᬾᬫᬦᬶᬲ᭄ᬳᬭᬹᬫ᭄᭞ᬗᬯᬶᬢ᭄ᬩᬧᬫᬦᬢ᭄ᬯᬬᬂ
ᬲᬵᬫ᭄ᬧᬸᬦ᭄ᬓᬸᬫ᭄ᬧᬸᬮ᭄ᬦᬭᬶᬂᬩᬮᬶ᭞ᬓᬕᬾᬢ᭄ᬭᬯᬸᬄ᭞ᬳᬶᬦ᭄ᬤᬸᬘᬶᬦᬓᬂᬧᬫᬸᬦ᭄ᬢᬢ᭄᭟᭐᭟ᬳᬶᬧᬸᬦ᭄ᬫᬓ᭄ᬢᬉᬧᬓᬵᬭ᭞ᬲᬃᬯᬶᬳᬕᭂᬂᬮᬶᬦ᭄ᬢᬂᬳᬲ᭄ᬭᬶ᭞ᬯᬯᬗᬸᬦᬦ᭄ᬧᬬᬲ᭄ᬯᬥᬄ᭞ᬓᬤᬶᬢᬢᬸᬃᬧᬓᬸᬜᬶᬢ᭄ᬜ
[ ᭕᭖ 56A]
ᬢ᭄᭞ᬧ᭄ᬭᬲ᭄ᬩᬳᬦ᭄ᬳᬭᬦᬾᬓᬶ᭞ᬫᬶᬯᬄᬫᭂᬓᬫᬓᬲᬸᬮᬸᬄ᭞ᬤᬮ᭄ᬯᬂᬢᬧᬶᬲᬺᬘᬥᬦ᭞ᬚᬶᬦᬄᬩᭀᬮᭀᬂᬳᬭᬦᬾᬓᬶ᭞ᬳᬍᬂᬳᬶᬧᬸᬦ᭄᭞ᬢᬍᬃᬯᬦ᭄ᬢᬄᬗᬗ᭄ᬕᬾᬦ᭄ᬚᬶᬦᬄ᭟᭐᭟ᬲᬬᬦ᭄ᬮᬫᬶᬲᬬᬦ᭄ᬓᭂᬢᬄ
᭞ᬚᬶᬦᬄᬩᭀᬮᭀᬂᬦᬭᬶᬂᬩᬮᬶ᭞ᬬᬤᬶᬦ᭄ᬫᬗ᭄ᬕᭀᬉᬧᬓᬵᬭ᭞ᬩᬩᬦ᭄ᬢᭂᬦᬾᬓᬓᬺᬘᬾᬦᬶᬦ᭄᭞ᬫᬓᬫᬶᬯᬄᬚᬶᬦᬄᬓᭀᬘᬶ᭞ᬲᬢᬓ᭄ᬲᬾᬓᭂᬢ᭄ᬭᬶᬂᬲᬲᬦ᭄ᬢᬸᬦ᭄᭞ᬯᬾᬦ᭄ᬢᭂᬦ᭄ᬦᬗᬸᬦᬃᬘ᭄ᬙᬚᬶᬦᬄ᭞ᬚᬶᬦᬄᬓᭀ
ᬘᬶᬫᬓᬲᬫᬶ᭞ᬮᬦᬂᬯᬥᬸ᭞ᬰ᭄ᬭᬷᬲᬥᬦᬓᬕᬫ᭄ᬩᬭᬂ᭟᭐᭟ᬲᭀᬮᬄᬆᬤᬢᬾᬫᬵᬕᬫ᭞ᬲᬬᬦᬓ᭄ᬯᬾᬄᬫᬜᬫ᭄ᬧᬸᬳᬶᬦ᭄᭞ᬭᬶᬂᬩᬮᬶᬓᬫᬸᬮᬦ᭄ᬳᬤ᭞ᬲᬓᬶᬳᬶᬦ᭄ᬤᬸᬲᬓᬶᬂᬗᬹᬦᬶ᭞ᬩᬮ᭄ᬬᬕ
ᬲᬓᬶᬂᬭᬶᬳᬶᬦ᭄᭞ᬲᬓᬶᬂᬚᬯᬶᬫᬮᬶᬄᬭᬯᬸᬄ᭞ᬲᬓᬶᬂᬘᬶᬦᬦᬾᬧᬫᬸᬦ᭄ᬢᬢ᭄᭞ᬘᬭᬩ᭄ᬭᬵᬳ᭄ᬫᬓᭂᬫ᭄ᬩᬂᬫᬮᬶᬄ᭞ᬲᭀᬮᬄᬩᬭᬸ᭞ᬫᬮᬦ᭄ᬢᬭᬦᬢᬃᬯᬯᬾᬤ᭟᭐᭟ᬲᬬᬦ᭄ᬮᬫᬶᬲᬬᬦᬺᬩᬄ᭞

Kapolihang saking "https://ban.wikisource.org/w/index.php?title=Kaca:Bali-lontar-gaguritan-pancayoga-01-300ppi.pdf/56&oldid=51617"