[ ᭑᭓ 13B]
᭑᭓᭞
ᬭᬶᬓ᭞ᬕᭂᬦᬄᬳᬬᬸᬕᭂᬦᬄᬯᬾᬘᬶ᭟᭐᭟ᬓᬤᬂᬤᬶᬦᬶᬢᬺᬱ᭄ᬝᬦᬶᬧᬸᬦ᭄᭞ᬰᬯᬦ᭄ᬜᬦᬾᬓᬳᭀᬧᬾᬦᬶᬦ᭄᭞ᬓᬬᬩᬶᬦ᭄ᬩᬦ᭄ᬢᭂᬦ᭄ᬧᬸᬜ᭄ᬚᬸᬗᬦ᭄᭞ᬓᬓᬧᬸᬢ᭄ᬓᬩᬺᬲᬶᬳᬶᬦ᭄᭞ᬓᬧᬬᬲᬶᬦ᭄ᬓᬶᬘᬾ
ᬦ᭄ᬢᬷᬃᬣ᭞ᬓᬳᬸᬲᬸᬂᬭᬶᬂᬢᬦᭀᬦ᭄ᬕᭂᬮᬶᬲ᭄᭟᭐᭟ᬭᬯᬸᬄᬜᬓᬧᭂᬦ᭄ᬥᭂᬫ᭄ᬤᬶᬢᬸ᭞ᬓᬤᬶᬩᬦ᭄ᬢᬂᬓᬳᬸᬭᬸᬕᬶᬦ᭄᭟ᬓᬤᬂᬩ᭄ᬭᬬᬩᬮᬶᬓ᭄ᬩᬸᬤᬮ᭄᭞ᬤᬦᬾ ᬧᬶᬢ᭄ᬭᬧᬤᬶᬤᬶᬬᬶᬦ᭄᭞ᬩᭂᬓᭂᬮᬾᬳᬮ
ᬗᬢᭂᬳᬂ᭞ᬓᬲᭀᬭᭀᬕᬂᬭᬶᬂᬅᬯᬾᬘᬶ᭟᭐᭟ᬬᬾᬦ᭄ᬳᬦᬓ᭄ᬫᬩᭂᬓᭂᬮ᭄ᬮᬸᬳᬸᬃᬲᭀᬭᭀᬕᬓᬕᭂᬦᬳᬾᬩᭂᬘᬶᬓ᭄᭞ᬦᬸᬕᭂᬲᬫ᭄ᬧᬾᬲᬢᬸᬳᬩᬤ᭄᭞ᬯᬯᬸᬢᭂᬤᬸᬦ᭄ᬫᬦᬸᬫᬤᬶ᭞ᬫᬦᭀ
ᬤ᭄ᬬᬚᬕᬢᬾᬳᬜᬃ᭞ᬤᬶᬦᬶᬫᬮᬶᬄᬦᬗᬸᬦ᭄ᬓᬃᬤᬶ᭟᭐᭟ᬬᬾᬦᬶᬂᬦᬭᬫᬸᬮᬶᬄᬍᬢᬸᬄ᭞ᬜᬩ᭄ᬭᬦᬶᬧᬸᬦ᭄ᬫᬦᬸᬫᬤᬶ᭞ᬘᭂᬘᭂᬄᬳᬶᬧᬸᬦ᭄ᬫᬬᬄᬳᬸᬢᬂ᭞ᬦᬤᭀᬲ᭄ᬢ᭄ᬭᬶᬬᬓ᭄ᬫᬶᬯᬄᬧ᭄ᬭᬡᬶ᭞ᬤᬷᬦᬦ᭄ᬳᬶᬧᬸ
[ ᭑᭔ 14A]
ᬦ᭄ᬭᬶᬂᬳᬶᬦ᭄ᬢᬶᬓᬦ᭄᭞ᬤᬶᬢᬸᬳᬶᬤᬸᬧ᭄ᬤᬶᬢᬸᬢᬸᬫᬵᬢᬶ᭟᭐᭟ᬜᭀᬫᬦ᭄ᬳᬲᬸᬂᬫᬮᬶᬄᬗᬮᬸᬗ᭄ᬲᬸᬃ᭞ᬧᬶᬭᬂᬭᬧᬫᬗᬶᬦᬹᬢᬶᬦ᭄᭞ᬦᬭᬦᬾᬢᭂᬤᬸᬦ᭄ᬫᬦᬸᬫᬤ᭄ᬬ᭞ᬥᬂᬳ᭄ᬬᬂᬕᬸᬭᬸᬗᬦ᭄ᬤᬶᬓᬳᬶᬦ᭄᭞ᬢ
ᬢᬶᬕᬧᬸᬦᬶᬓᬭᬵᬦᬓ᭄᭞ᬭᬚᬄᬢᬫᬄᬲᬢ᭄ᬬᬫ᭄ᬫᬮᬶᬄ᭟᭐᭟ᬫᬦᬄᬢᬫᬄᬓᬭᬶᬳᬶᬤᬸᬧ᭄᭞ᬧᬸᬦᬶᬓᬩᭂᬓᭂᬮᬂᬫᬵᬢᬶ᭟ᬫᬦᬸᬫᬤᬶᬢᭂᬤᬸᬦ᭄ᬓᭂᬮᬲ᭄᭞ᬓᬤᭀᬲ᭄ᬩᬸᬭᭀᬦ᭄ᬫᬶᬯᬄᬧᬓ᭄ᬱᬶ
᭞ᬬᬾᬦᬶᬂᬭᬚᬄᬲᬗ᭄ᬯᬂᬩᬸᬤᬮ᭄᭞ᬘᭂᬘᭂᬄᬫᬦᬸᬫᬤᬶᬫᬳᬶ᭟᭐᭟ᬦᬤᭀᬲ᭄ᬚᬦ᭄ᬫᬦᭂᬫᬸᬲᬸᬗ᭄ᬲᬸᬢ᭄᭞ᬲᬗ᭄ᬲᬭᬦᬾᬫᬦᬶᬦ᭄ᬤᬶᬳᬶᬦ᭄᭞ᬓᭂᬫᬫᬳᬶᬫᭀᬦ᭄ᬤᭀᬂᬳᬸᬢᬂ᭞ᬭᬕᬫᬬᬄᬲᬳᬶ
ᬜᬶᬘᬶᬮ᭄᭞ᬤ᭄ᬯᬦᬶᬂᬭᬕᬫᬗ᭄ᬯᬗᬸᬦᬂ᭞ᬭᬕᬦᬾᬫᬦᭀᬗᭀᬲᬶᬦ᭄᭟᭐᭟ᬲᬗᬸᬦᬾᬲᬢ᭄ᬯᬫ᭄ᬮᬸᬳᬸᬂ᭞ᬲ᭄ᬯᬃᬕ᭄ᬕᬦᬾᬫᬦᬢᬓᬶᬦ᭄᭞ᬬᬤᬶᬦ᭄ᬫ᭄ᬯᬄᬢᭂᬤᬸᬦ᭄ᬫᬚᬦ᭄ᬫ᭞ᬓᬲᬬᬗᬂᬭᬶᬂᬳᬶᬚᬦ᭄ᬫᬶ᭞
Kaca:Bali-lontar-gaguritan-pancayoga-01-300ppi.pdf/14
Kaca puniki sampun kauji-wacén
