Kaca puniki sampun kauji-wacén
[᭘᭐ 80B]
᭘᭐
ᬫᬸᬦ᭄ᬳᬲᬧᬸᬦᬶᬓ᭞ᬳᬶᬦ᭄ᬤᬶᬓ᭄ᬚᬕᬢᬾᬭᬶᬂᬩᬮᬶ᭞ᬦᭀᬭᬯᬾᬦ᭄ᬢᭂᬦ᭄ᬦᬸᬜ᭄ᬚᭂᬮ᭄ᬲᬯ᭞ᬓᬧᭂᬡ᭄ᬥᭂᬫ᭄ᬳᬲᬶᬂᬗ᭄ᬫᬲᬶᬦ᭄᭞ᬳᬶᬤᬰᬶᬯᬫ
ᬓᬲᬫᬶ᭞ᬤ᭄ᬯᬦᬶᬂᬳᬶᬤᬫᬳᬕᬸᬭᬸ᭞ᬢᬦ᭄ᬯᬾᬦ᭄ᬢᭂᬦ᭄ᬭᬯᬸᬄᬫ᭄ᬮᬚᬄ᭞ᬲᬶᬭᬓᬾᬧᬘᬂᬳᬚᬳᬶᬦ᭄᭞ᬦᬸᬮ᭄ᬬᬳᬤᬸᬂ᭞ᬲᬫᬶᬭᬯᬸᬄ
ᬫᬧᬭᬹᬫᬦ᭄᭟ᬗᬯᬶᬮᬗᬶᬦ᭄ᬳᬗ᭄ᬕᬦ᭄ᬳᬶᬤ᭞ᬲᬶᬭᬧᬵᬢᬹᬢ᭄ᬗᬫᭂᬃᬣᬦᬶᬦ᭄᭞ᬲᬂᬧᬡ᭄ᬥᬶᬢᬢᬦ᭄ᬧᬰᬶᬱ᭄ᬬ᭞ᬧᬡ᭄ᬥᬶᬢᬯ᭄ᬦᬂᬫᬸᬗ᭄ᬕᭂᬮᬶ
ᬦ᭄᭞ᬓᬜ᭄ᬘᬦ᭄ᬢᬢ᭄ᬯᬦᬾᬉᬢ᭄ᬢᬫᬶ᭞ᬫᬶᬯᬄᬲᬂᬳ᭄ᬬᬂᬯᬾᬤᬘᬢᬸᬃ᭞ᬳᬶᬤᬲᬸᬲᬸᬂᬍᬯᬶᬄᬲᬶᬗᬶᬤᬂ᭞ᬢᬸᬦᬲᬶᬦ᭄ᬫᬺᬢ᭄ᬢᬲ᭄ᬬᬂᬭ
[᭘᭑ 81A]
ᬢ᭄ᬭᬶ᭞ᬭᬕᬧᬵᬢᬹᬢ᭄᭞ᬓᬸᬚᬂᬦᬬᬦᬾᬫᬓᬡ᭄ᬥ᭟ᬫᬗ᭄ᬕᭂᬳᬶᬂᬰᬶᬯᬰᬲᬦ᭞ᬫᬶᬯᬄᬰᬲᬦᬦᬶᬂᬋᬱᬶ᭞ᬦᭀᬭᬓᬾᬗᬶᬦ᭄ᬫᬤᬤᬕᬂ᭞
ᬦ᭄ᬕᭂᬦ᭄ᬜᬸᬳᬸᬦ᭄ᬦᬾᬭᬓᬾᬗᬶᬦ᭄᭞ᬬᬤᬶᬦ᭄ᬫᬕᬯᬾᬭᬶᬂᬘᬭᬶᬓ᭄᭞ᬧᬢ᭄ᬢᬧ᭄ᬫᬗ᭄ᬕᭀᬦ᭄ᬮᭂᬫ᭄ᬩᬸ᭞ᬳᬤᬸᬂᬩᬩᬯᭀᬲᬾᬓᭀᬘᬧ᭄᭞᭠
ᬫ᭄ᬧᬸᬮᬸᬢᬸᬓ᭄ᬫᬜᬗ᭄ᬕᬸᬧᬶᬦ᭄᭞ᬓᭀᬘᬧ᭄ᬦᬾᬓᬸ᭞ᬫᬸᬮᬶᬢᬶᬓᬶᬦ᭄ᬳᬸᬧᬓᬭ᭟ᬲᭀᬮᬲ᭄ᬲᭀᬭᭀᬄᬉᬧᬓᬭ᭞ᬓ᭄ᬭᬓᬶᬢ᭄ᬤᬤᭀ
ᬲ᭄ᬓᬓᬮᬶᬄ᭞ᬭᬶᬂᬩᬩᬦ᭄ᬢᭂᬦ᭄ᬫᬶᬯᬄᬘᬘᬭᭀᬦ᭄᭞ᬫᬗ᭄ᬤᬳᬥᬸᬂᬲᬫᬶᬫᬲᬳᬶᬄ᭞ᬳᬸᬧᬓᬭᬫ᭄ᬯᬂᬗᬘᬶ᭞ᬭᬶᬂᬧᬸᬭᬧ᭄ᬭᬬᬗᬦ᭄ᬫ
