Kaca puniki sampun kauji-wacén
[᭓᭖ 36B]
᭓᭖
᭞ᬚᬲᬦ᭄ᬜᬦᬾᬪᬶᬦᬲᬫᬶ᭟ᬦᭀᬭᬳᬦᬭᬯᬶᬓᬦ᭄᭞ᬫᬗᬃᬥᬶᬦᬶᬦ᭄᭞ᬦᬶᬭᬸᬦᬶᬭᬸᬓᬜ᭄ᬘᬦ᭄ᬫᭂᬦ᭄ᬢᬶᬓ᭄᭞ᬢᬢᬦ᭄ᬤᬸᬭᬦ᭄ᬲᬗ᭄ᬬᬂ
ᬳᬬᬸ᭞ᬳᬦ᭄ᬢᬸᬓ᭄ᬭᬱᬫᬶᬯᬄᬭᬹᬧ᭞ᬬᬤᬶᬦ᭄ᬲ᭄ᬯᬭ᭞ᬫᬓᬫᬶᬯᬄᬳᬫ᭄ᬩᬸᬦ᭄ᬦᬶᬧᬸᬦ᭄᭞ᬬᬳᬶᬓᬸᬳᬯᬶᬦᬦ᭄ᬭᬦᬓ᭄᭞ᬥᬺᬤ᭄ᬥᬪᬓ᭄ᬢᬶᬭᬶᬂᬲᬂ
ᬗ᭄ᬳ᭄ᬬᬂᬯᬶᬥᬶ᭟ᬓ᭄ᬢᬸᬢ᭄ᬩᬗᬸᬦ᭄ᬫᬧᬶᬦᬸᬦᬲ᭄᭞ᬲᬧᬸᬦᬧᬶᬢᬶᬗ᭄ᬓᬳᬶᬂᬭᬦᬓ᭄ᬫᬪᬓ᭄ᬢᬶ᭞ᬫᬗᬦᬹᬢᬶᬦᬺᬱᬶᬧᬸᬢᬸᬲ᭄᭞ᬫᬇᬲᬶᬤ᭄ᬥᬓᬢ᭄ᬭᬶ
ᬫ᭞ᬫ᭄ᬧᬸᬥᬗ᭄ᬳ᭄ᬬᬂᬫᬗᬦ᭄ᬤᬶᬓ᭞ᬫ᭄ᬮᬚᬄᬤᬸᬫᬸᬦ᭄᭞ᬓᬓᬸᬧᬲᬦ᭄ᬘᬢᬹᬃᬯᬾᬥ᭞ᬲᬲᬭᬶᬗᬦ᭄ᬯᬢᭂᬓᬺᬱᬶ᭟ᬲᬗ᭄ᬳᬮᬶᬓᬸᬃ
[᭓᭗ 37A]
ᬓ᭄ᬯᬾᬄᬧᬦ᭄ᬤᬶᬢ᭞ᬳᬤᬸᬂᬲᬫᬶ᭞ᬫᬯᭀᬲᬶᬦ᭄ᬓᬶᬢᬗ᭄ᬲᬸᬘᬶ᭞ᬫᬦᬤᭀᬲ᭄ᬳ᭄ᬬᬂᬯᬾᬥᬘᬢᬹᬃ᭞ᬯᬭᬶᬲᬦᬤᬾᬩ᭄ᬬᬲ᭞ᬦᬾᬗᬭᬶᬧ᭄ᬢ᭞
ᬳᭀᬮᬶᬄᬥᬶᬓ᭄ᬱᬦ᭄ᬳᬶᬤᬘᬢᬹᬃ᭞ᬲᬤᬸᬓ᭄ᬳᬩᬤ᭄ᬲᬢᬸᬲ᭄ᬳᬫ᭄ᬧ᭠ᬢ᭄᭞ᬓᬮᬶᬄᬳᬩᬤ᭄ᬓᬓᬃᬥᬶᬦᬶᬦ᭄᭟ᬪᬕᬯᬦ᭄ᬚᬫᬶᬦᬶᬗᬭᬶᬧ᭄ᬢ᭞
ᬫᬓᬤᬕᬶᬂᬓ᭄ᬱᬫᬯᬾᬥᬚᬵᬢᬶ᭞ᬧᬗᬲ᭄ᬢᬯᬫᭀᬦᬢᬸᬳᬸ᭞ᬪᬕᬯᬦ᭄ᬧᬸᬮᬳᬗᬭᬦ᭄᭞ᬦᬾᬗᬭᬶᬧ᭄ᬢ᭞ᬋᬕ᭄ᬯᬾᬥᬭᬶᬂ
ᬧᬫᬲ᭄ᬢᬸ᭞ᬫ᭄ᬯᬂᬪᬕᬯᬦ᭄ᬯᬾᬲᬫ᭄ᬧᬾᬬᬦ᭞ᬬᬚᬹᬃᬯᬾᬥᬦᬾᬓ᭄ᬭᬓᬶᬢ᭄᭟ᬤᬕᬶᬂᬜᬦᬾᬫᬗᬢᬹᬭᬂ᭞ᬭᬶᬂᬳ᭄ᬬᬂᬯᬶᬥᬶ᭞ᬲᬹᬦ᭄ᬬ
