Kaca puniki sampun kauji-wacén
[᭑ 1B]
᭑
ᬱᬶᬭᬾᬶᬂᬢᬫᬓ᭄ᬲᬸᬘᬶ᭞ᬫ᭄ᬧᬸᬲᬵᬫ᭄ᬧᬹᬃᬡᬫᬗᬭᬦ᭄᭞ᬓᬢᬸᬤᬸᬄᬗᬗ᭄ᬕᬶᬢ᭄ᬕᬶᬢᬦᬾ᭞ᬳᭀᬮᬶᬄᬤᬾᬯᬦᬶᬂᬅᬕᬫ᭞ᬳᬕᬸᬂᬲᬶᬦᬵ
ᬫ᭄ᬧᬸᬭᬧᬶᬲᬦ᭄᭞ᬓᬶᬭᬂᬩᬲᬮᬶᬦ᭄ᬢᬂᬓᬸᬮᬸᬩ᭄᭞ᬢᬢᬕᬸᬦᬸᬂᬧᬲᭀᬚᭀᬮᬦ᭄᭟ᬧᬹᬯ᭄ᬯᬦᬶᬂᬫᬲᬂᬧᬗᬯᬶ᭞ᬅᬗ᭄ᬕᬭᬳᬸᬓᬸ
ᬦᬶᬂᬫᬢᬮ᭄᭞ᬰᬰᬶᬄᬓ᭄ᬦᭂᬫᬓᬯᬯᬸᬗᭂᬦ᭄ᬢᭀᬲ᭄᭞ᬥᬾᬰᬾᬫ᭄ᬩᭂᬃᬢᬗ᭄ᬕᬮ᭄ᬧᬶᬂᬮᬶᬫ᭞ᬭᬮᬾᬶᬫᬢᭂᬗ᭄ᬕᭂᬓ᭄ᬧᬜ᭄ᬘ᭞ᬇᬰᬓᬯᬃᬱᬦᬾᬓ
ᬯᬸᬯᬸᬲ᭄᭞ᬲᬗ᭄ᬳᬩᬗ᭄ᬲᬶᬢ᭄ᬮᬗ᭄ᬓᬸᬂᬲᬢ᭞ᬳᭀᬓᬦ᭄ᬤᬦᬾᬧᬸᬬᬸᬂᬲᬸᬕᬶᬄ᭞ᬧᬜ᭄ᬘᬬᭀᬕ᭄ᬕᬫᬓᬗᬭᬦ᭄᭞ᬲᬧᬶᬲᬦ᭄ᬫᬶᬚᬶᬮᬾ
[᭒ 2A]
ᬋᬓᬾ᭞ᬓᬲ᭄ᬯᬾᬦ᭄ᬓᬲᬸᬗᬦ᭄ᬳᬭᬦ᭄᭞ᬧᬶᬦᬶᬄᬮᬸᬳᬸᬃᬪᬹᬣᬲᬯ᭞ᬢᬦᬶᬓᬗᬶᬦ᭄ᬢᬦᬶᬓᬯᬸᬄ᭞ᬢᬦᬶᬮᭀᬃᬢᬓᬶᬓᬚ᭟ᬦᬾ
ᬳᬤᬶᬭᬶᬓᬲᬾᬧ᭄ᬫᬶᬚᬶᬮ᭄᭞ᬳᬶᬯᬬᬦ᭄ᬫᬶᬚᬶᬮ᭄ᬧᬫᬸᬦ᭄ᬢᬢ᭄᭞ᬤᬤᭀᬲ᭄ᬥᬮᬂᬲ᭄ᬦᬶᬥᬦ᭞ᬫᬓᬗᬭᬦ᭄ᬥᬮᬂᬚᬕᬢ᭄᭞ᬦᬵᬰ᭄ᬓᬭ
ᬲᬸᬮᬸᬄᬫᬗ᭄ᬯᬬᬂ᭞ᬫᬓ᭄ᬮᬶᬃᬮᬗᬶᬢᬾᬦᬶᬭᬸ᭞ᬍᬮᬫ᭄ᬧᬳᬦ᭄ᬲᬃᬯ᭄ᬯᬳᬾᬘ᭄ᬤᬄ᭟ᬲ᭄ᬯᬭᬦ᭄ᬕᭂᬤᭀᬕ᭄ᬓ᭄ᬭᬸᬕ᭄ᬢᬢᬶᬢ᭄᭞ᬯᬬᬗᬾᬢᬶᬩᬦ᭄ᬢᬶ
ᬩᬦᬦ᭄᭞ᬓᭀᬘᬧ᭄ᬥᬗ᭄ᬬᬂᬰ᭄ᬭᬶᬫ᭄ᬧᬸᬝ᭞ᬮᬶᬦ᭄ᬢᬂᬮᬗ᭄ᬩᭂᬂᬭᬶᬂᬧ᭠ᬢᬧᬦ᭄᭞ᬦᬭᬶᬂᬕᬸᬦᬸᬂᬲᬧ᭄ᬢᬭᬕ᭞ᬫ᭄ᬧᬸᬥᬮᬂᬥᬢᬸᬜᬸᬲᬸᬧ᭄
