Kaca puniki sampun kauji-wacén
᭑᭕᭖
[᭑᭕᭖ 156B]
ᬭᬸᬓ᭄ᬦᬶᬳᬸᬚᬃᬳᬮ᭟ᬲᬗᭂᬢ᭄ᬩᬧᬫᬓᬾᬮᬶᬗᬶ᭞ᬧᬜ᭄ᬘᬰᬶᬮᬳᬧᬂᬳᬾᬮᬶᬂ᭞ᬯᬾᬦ᭄ᬢᭂᬦ᭄ᬳᬢ᭄ᬫᬭᬓ᭄ᬱᬗᬭᬦ᭄᭞ᬢ᭄ᬭᬶᬓᬬᬯ
ᬦ᭄ᬢᬄᬧᬸᬦᬶᬓᬸ᭞ᬫᬗᬭᬦ᭄ᬓᬬᬯᬓ᭄ᬫᬦᬄ᭞ᬓᬢ᭄ᬕᭂᬲᬶᬦ᭄᭞ᬲᭀᬮᬄᬫᬸᬜᬶᬫᬶᬯᬄᬫᬦᬄ᭟ᬭᬶᬂᬧᬹᬃᬯ᭄ᬯᬪᬱᬶᬣᬢᬓ᭄ᬭᬫ᭞ᬳᬗ᭄ᬕᬄ
ᬳᬗ᭄ᬕᬸᬄᬪᬱᬫᬸᬜᬶ᭞ᬤ᭄ᬯᭂᬕ᭄ᬫᬗᬸᬮᬢ᭄ᬮᭂᬗ᭄ᬓᬭ᭞ᬲ᭄ᬓᭂᬦ᭄ᬕᬫ᭄ᬧᬶᬮ᭄ᬍᬫᬸᬄᬳᬮᬸᬲ᭄᭞ᬧᬦ᭄ᬢᭂᬲ᭄ᬧᬵᬢᬹᬢ᭄ᬦᬸᬤᬸᬢ᭄ᬫᬦᬄ᭞ᬲ᭄ᬫᬸᬫ
ᬦᬶᬲ᭄᭞ᬮ᭄ᬯᬶᬄᬲᬺᬗ᭄ᬕᬭᬧᬗᬸᬲ᭄ᬕ᭄ᬢᭂᬃ᭟ᬤ᭄ᬬᬱ᭄ᬝᬸᬭᬕᬦᬾᬓᬦ᭄ᬤᬧᬦ᭄᭞ᬬᬦ᭄ᬲᬶᬥ᭄ᬥᬳᬦ᭄ᬢᬸᬓ᭄ᬜᬮᬦᬶᬦ᭄᭞ᬬᬤᬶᬦ᭄ᬗᬸᬗ᭄ᬕᬸ
[᭑᭕᭗ 157A]
ᬮᬳᬸᬘᬧᬂ᭞ᬲᬳᬫᬯᬰᬦᬳᬬᬸ᭞ᬫᬲᬶᬄᬜᬦ᭄ᬤᬂᬧ᭄ᬮᬧᬦᬂ᭞ᬫᬶᬓ᭄ᬦᭂᬳᬶᬦ᭄᭞ᬫᬫᬸᬜᬶᬫᬮᬓ᭄ᬱᬡ᭟ᬘᬢᬸᬃᬫᬃᬕ᭄ᬕᬚ᭄ᬯ
ᬕ᭄ᬫᭂᬢᬂ᭞ᬲᬫ᭄ᬧᬢ᭄ᬯᬳᬧᬂᬳᬾᬮᬶᬂ᭞ᬥᬃᬫ᭄ᬫᬅᬃᬣᬓᬵᬫᬫᭀᬓ᭄ᬱ᭞ᬥᬃᬫ᭄ᬫᬢ᭄ᬯᬶᬅᬕᬫᬇᬓᬸ᭞ᬰᬵᬲ᭄ᬢ᭄ᬭᬵᬚᬶᬉᬢ᭄ᬢᬫᬮᬪ᭞ᬗᬭ
ᬦ᭄ᬓᬶᬦ᭄ᬢᬶ᭞ᬓᬥᬂᬫᬶᬢ᭄ᬭᬳᬲᬶᬄᬢ᭄ᬓ᭟ᬅᬃᬣᬲᬥ᭄ᬬᬮᬪᬫᬥ᭄ᬬ᭞ᬳᬗ᭄ᬕᬾᬦ᭄ᬩᭂᬓᭂᬮᬓ᭄ᬢᬸᬗ᭄ᬕᬸᬦ᭄ᬳᬸᬭᬶᬧ᭄᭞ᬓᬵᬫᬲᬥ᭄ᬬᬦ᭄ᬦᬶᬱ᭄ᬝᬮᬪ
ᬫᬗᬯᬶᬦᬂᬦ᭄ᬫᬸᬧᬕᬸᬢ᭄᭞ᬕᭀᬤᬓᬝᬄᬓᬧᬗ᭄ᬕᬸᬳ᭞ᬫ᭄ᬮᬄᬳᬸᬮᭀᬦᬶᬦ᭄᭞ᬓᬭᬶᬩᬚᬂᬢ᭄ᬮᭂᬩ᭄ᬫᬮᬚᬄ᭟ᬫᭀ
