Kaca puniki sampun kauji-wacén
[᭑᭓᭓ 133B]
᭑᭓᭓
ᬤ᭄ᬥ᭟ᬲᬂᬳ᭄ᬬᬂᬩᬸᬤ᭄ᬥᬗᬯᬢᬭ᭞ᬲᬓᬶᬂᬰᬸᬦ᭄ᬬᬳᬶᬤᬫᬶᬚᬶᬮ᭄᭞ᬭᬭᬶᬲ᭄ᬗᬫᬶᬚᬶᬮᬂᬘᬬ᭞ᬚ᭄ᬭᭀᬦᬶᬂᬘᬬᬳᬶᬤᬫᬫᬶᬚᬶᬮ᭄᭞
ᬫᬮᬶᬗ᭄ᬕᬶᬄ᭞ᬫᬲᬸᬦ᭄ᬤᬭᬜ᭄ᬘᬬᬦᬾᬮ᭄ᬯᬶᬄ᭞ᬚᬕᬢ᭄ᬢᬶᬕᬦᬾᬓᬓᬸᬯᬸᬩ᭄᭞ᬤᬶᬲᬵᬫ᭄ᬧᬸᬜ᭄ᬚᬕᬢᬾᬕᬮᬂ᭞ᬲᬂᬳ᭄ᬬᬂᬩᬸᬤ᭄ᬥᬫ
ᬜᬺᬯᬤᬶ᭞ᬦᬤᭀᬲ᭄ᬕᬸᬭᬸ᭞ᬫᬭᬕᬰᬶᬯᬮ᭄ᬯᬶᬄᬉᬢ᭄ᬢᬫ᭟ᬓᬾᬢᭀᬭᬕᬦ᭄ᬲᬂᬉᬢ᭄ᬢᬫ᭞ᬫᬭᬕᬩᬸᬤ᭄ᬥᬰᬶᬯᬮ᭄ᬯᬶᬄ
᭞ᬓᬵᬮᬫ᭄ᬦᭂᬂᬘ᭄ᬦᬶᬂᬗᬭᬦ᭄᭞ᬲᬗ᭄ᬬᬂᬢᬸᬗ᭄ᬕᬮ᭄ᬫᬗ᭄ᬭᬕᬦᬶᬦ᭄᭞ᬳ᭄ᬬᬂᬩᬸᬤ᭄ᬥᬤᬶᬢᬸᬓᬵᬓ᭄ᬱᬶ᭞ᬧᬢᬶᬢᬶᬲ᭄ᬭᬶᬂᬰᬹᬦ᭄ᬬᬢᬸ
[᭑᭓᭔ 134A]
ᬚᬸ᭞ᬤᬶᬢᬸᬕ᭄ᬦᬄᬲᬂᬳ᭄ᬬᬂᬢᬸᬗ᭄ᬕᬮ᭄᭞ᬜ᭄ᬟᭂᬓ᭄ᬘᬦᬶᬂᬜᬸ᭠ᬦ᭄ᬬᬲᬦ᭄ᬤᬶ᭞ᬤᬶᬢᬸᬳᬬᬸ᭞ᬕ᭄ᬦᬄᬤᬕᬶᬂᬭᬱᬢᬸᬗ᭄ᬕᬮ᭄᭟ᬫᬦᬸ
ᬱᬳᬦᬭᬶᬂᬚᬕᬢ᭄᭞ᬚᬸᬚᬸᬃᬗᭂᬫ᭄ᬧᬸᬳᬗ᭄ᬕᬩᬸᬤ᭄ᬥᬶ᭞ᬲᬂᬳ᭄ᬬᬂᬰᬶᬯᬳᬶᬤᬫᬳ᭄ᬬᬂ᭞ᬦᬭᬶᬂᬲᭀᬮᬄᬓᬲᬸᬲᬸᬧᬶᬦ᭄᭞ᬇ
ᬥᭂᬧ᭄ᬢᬸᬢᬸᬃᬓᬮᬶᬗ᭄ᬕᬦᬶᬦ᭄᭞ᬲᬂᬳ᭄ᬬᬂᬩᬸᬤ᭄ᬥᬫᬭᬕᬤᬶᬢᬸ᭞ᬲᬵᬫ᭄ᬧᬸᬦ᭄ᬫᬭᬕᬰᬶᬯᬩᬸᬤ᭄ᬥ᭞ᬧᬕᭂᬳᬂᬘ᭄ᬦᬶᬂᬫᬗᬲ᭄ᬢᬶᬢᬶ᭞ᬕᬸ
ᬕᬸᬢᬸᬳᬸ᭞ᬧ᭄ᬭᬫᬾᬱ᭄ᬝᬶᬕᬸᬭᬸᬢ᭄ᬯᬶᬗᬭᬦ᭄᭟ᬇᬤᬰᬶᬯᬫ᭄ᬧᬸᬥᬮᬂ᭞ᬗᬦ᭄ᬤᬶᬓᬳᬸᬚᬭᬾᬫᬦᬶᬫ᭄᭞ᬕ᭄ᬥᬾᬢᬸᬮᬸᬲ᭄ᬚᬦᬶᬚᬗ᭄ᬕᭂ
