Kaca puniki sampun kauji-wacén
[᭑᭒ 12B]
᭑᭒
ᬕᬢᬸᬗ᭄ᬕᬮ᭄᭞ᬲ᭄ᬯᬲ᭄ᬢᬶᬓᬗᬭᬦ᭄ᬥᬃᬫ᭄ᬫ᭞ᬫᬳᭀᬢ᭄ᬢᬫᬮᬶᬦ᭄ᬢᬂᬗᬸᬗ᭄ᬕᬸᬮ᭄᭞ᬲᬓᬶᬂᬓᬯᬶᬢ᭄ᬮᬦ᭄ᬧᬫᬸᬦ᭄ᬢᬢ᭄᭟ᬜᬸᬲᬸᬧ᭄ᬗᬶᬩᭂᬓ᭄ᬦᬭᬶᬂᬩᬸᬫᬶ᭞ᬦ᭄ᬤᬢᬦ᭄ᬢᭂᬮᬤ᭄ᬫ
ᬭᬶᬂᬚᬕᬢ᭄᭞ᬫᬭᬵᬕᬤᬰᬩᬬᬸᬦᬾ᭞ᬳᬯᭀᬃᬦᭀᬭᬓᬘᬶᬃᬬ᭄ᬬᬦ᭄᭞ᬳᬶᬤᬫᬭᬕᬲᬗ᭄ᬓᬦ᭄ᬧᬭᬦ᭄᭞ᬫᬗᬤᬓᬂᬯᬢᭂᬓ᭄ᬳᬶᬤᬸᬧ᭄᭞ᬯ᭄ᬬᬤᬶ
ᬦ᭄ᬧᬓᬓᬲ᭄ᬚᬕᬢ᭄᭟ᬢᬦᬄᬮᬗᬶᬢ᭄ᬩᬜᬸᬕ᭄ᬦᬶ᭞ᬲᬹᬃᬬ᭄ᬬᬩᬸᬮᬦ᭄ᬳ᭠ᬧᬄᬩᬶᬦ᭄ᬢᬂ᭞ᬲᬕᬭᬕᬸᬦᬸᬂᬓᬮᬾᬃᬮᭀᬃ᭞ᬳᭂᬦ᭄ᬤᬕ᭄ᬲᬹᬃᬬ᭄ᬬᬲᬸᬭᬸᬧ᭄ᬲᬹᬃ
ᬬ᭄ᬬ᭞ᬯᬢᬸᬫᬡᬶᬓ᭄ᬫᬲ᭄ᬧᬶᬭᬓ᭄᭞ᬓᬓᬸᬦᬶᬗᬦ᭄ᬫᬶᬯᬄᬮᬜ᭄ᬘᬸᬂ᭞ᬢᭂᬫ᭄ᬩᬕᬮᬦ᭄ᬫᬶᬬᬓ᭄ᬢᬦᬄ᭟ᬩᬬᬸᬢᬾᬚᬕᬸᬍᬫ᭄ᬢᬢᬶᬢ᭄᭞ᬓ᭄ᬭᬸᬕ᭄ᬮᬶ
[᭑᭓ 13A]
ᬦᬸᬄᬮᬦ᭄ᬓᬧᬗᬦ᭄᭞ᬳᬶᬤᬲᬦᬾᬗᬤᬓᬂᬋᬓᭀ᭞ᬗᬶᬘᬾᬦ᭄ᬚᬷᬯᬫᬶᬯᬄᬫᬺᬢ᭄ᬢ᭞ᬧ᭄ᬭᬣᬫᬓᬯᬾᬦ᭄ᬢᭂᬦᬂ᭞ᬓᬜ᭄ᬘᬦ᭄ᬫᭂᬦ᭄ᬢᬶ
ᬓ᭄ᬢᬭᬸᬩᬸᬓᬸ᭞ᬓᬜ᭄ᬘᬦ᭄ᬩᬸᬤ᭄ᬫᬶᬯᬄᬧᬤᬂ᭟ᬧᬓ᭄ᬱᬶᬢᭀᬂᬩᬶᬲᬗᬶᬢᬸᬗᬶᬦ᭄᭞ᬫᬶᬡᬢᬍᬃᬢᭀᬂᬗᬶᬢᬸᬗᬂ᭞ᬫᬓᬫᬶᬯᬄᬯᬢᭂ
ᬓ᭄ᬩᬸᬭᭀᬦ᭄᭞ᬫ᭄ᬥᭂᬫ᭄ᬩᬗᬸᬦ᭄ᬩᭂᬢᭂᬓ᭄ᬮᬬᬄ᭞ᬳᬶᬤᬸᬧ᭄ᬳᬶᬧᬸᬦ᭄ᬢᬦ᭄ᬧᬗᬺᬗᭃ᭞ᬗ᭄ᬭᬲᬬᬂᬲᬗ᭄ᬬᬂᬢᬸᬤᬸᬄ᭞ᬢᭀᬂᬫᬗᬃᬣᬶᬳᬸᬦ᭄ᬟᬸᬓ᭄ᬜ᭟
ᬧᬫᬸᬦ᭄ᬓᬢ᭄ᬯᭀᬂᬓᬓᬃᬥᬶᬦᬶᬦ᭄᭞ᬦᬭᬶᬂᬳᬶᬡ᭄ᬠ᭄ᬬᬓᬢ᭄ᬤᬸᬦᬂ᭞ᬧᬸᬦᬶᬓᬇᬡ᭄ᬥᬸᬗᬭᬦᬾ᭞ᬳᬸᬦᬶᬂᬳᬶᬧᬸᬦ᭄ᬫᬗ᭄ᬭᬲᬬᬂ᭞ᬧᬗ
