Kaca puniki sampun kauji-wacén
[᭑᭒᭓ 123B]
᭑᭒᭓
᭞ᬢᬷᬃᬣᬢ᭄ᬕᭂᬧ᭄ᬫᬮᬶᬄᬢᬸᬦᬲ᭄᭞ᬭᬶᬂᬳ᭄ᬬᬂᬲᬹᬃᬬ᭄ᬬᬢᬸᬦᬲ᭄ᬓᬾᬗᬶᬦ᭄᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄᭞ᬬᬾᬦᬶᬂᬗᬸᬧᬓᬭᬳᬸᬫᬄ᭟ᬬᬾ
ᬦ᭄ᬗᬭᬸᬕ᭄ᬭᬸᬕ᭄ᬢᬦᬄᬳᬜᬃ᭞ᬗᬯᬶᬢᬶᬦ᭄ᬧᬘᬂᬕ᭄ᬦᬳᬶᬦ᭄᭞ᬬᭀᬕ᭄ᬬᬘᬭᬸᬫᬜ᭄ᬘᬲᬢ᭞ᬫᬯᭂᬯᭂᬄᬭᬸᬦ᭄ᬢᬸᬢᬦ᭄ᬕᬸᬮᬶᬂ᭞ᬫᬫᬗ᭄ᬕᬸᬄ
ᬗᬭᬦ᭄ᬦᬾᬓᬶ᭞ᬬᬤᬶᬦ᭄ᬳᬗ᭄ᬓᭂᬃᬢᬦᬄᬳᬶᬧᬸᬦ᭄᭞ᬳᬾᬮᬶᬂᬓᬤᬶᬫ᭄ᬪᬹᬢᬬᬵᬚ᭄ᬜ᭞ᬫᬸᬗ᭄ᬕᬸᬄᬓᬤᬶᬮ᭄ᬯᬶᬢ᭄ᬕᭂᬲᬶᬦ᭄᭞ᬢᬸᬢᬸᬧ᭄ᬤᬸᬫᬸ
ᬦ᭄᭞ᬜᭀᬫᬦ᭄ᬳᬢᬹᬃᬩᬯᭀᬲᬂ᭟ᬅᬤ᭄ᬭᬶ᭟ᬫᬯᬾᬧᬸᬡ᭄ᬬᬲ᭄ᬫᭂᬃᬢᬗ᭄ᬓᬶᬮ᭄ᬲᬵᬫ᭄ᬧᬸᬦ᭄᭞ᬫᬦᬶᬲ᭄ᬳᬢᬹᬃᬤᬦᬾ
[᭑᭒᭔ 124A]
ᬦᬾ᭞ᬲᬲᬸᬳᬸᬦᬦ᭄ᬤᬸᬄᬫᬳᬵᬃᬱᬶ᭞ᬮᬦ᭄ᬢᬸᬭᬂᬧᬳᬶᬘ᭄ᬙᬦ᭄ᬭᬢᬸ᭞ᬫ᭄ᬧᬸᬥᬂᬳ᭄ᬬᬂᬕ᭄ᬮᬶᬲ᭄ᬫᬢᬸᬢᬸᬃ᭞ᬲᭀᬮᬳᬾᬗᬢᬹᬃᬧᬗ᭄ᬮᬼᬫ᭄ᬩᬃ᭞ᬧ
ᬢᭂᬄᬭᬶᬂᬧᬶᬯᭀᬤᬮᬦ᭄ᬓᬵᬢᬹᬃ᭞ᬗᬦᭂᬫ᭄ᬩᬸᬮᬦ᭄ᬮᬓ᭄ᬱᬡᬬᬂ᭞ᬦᬶᬱ᭄ᬝᬥ᭄ᬬᬫᬉᬢ᭄ᬢᬫ᭟ᬉᬢ᭄ᬢᬫᬦᬶᬂᬮ᭄ᬯᬶᬃᬩᬩᬦ᭄ᬢᭂᬦ᭄ᬓᬵᬢᬹᬃ᭞ᬭᬶᬂ
ᬤᬶᬦᬧ᭄ᬬᭀᬤᬮᬾ᭞ᬭᬶᬗᬚᭂᬂᬲᬵᬫ᭄ᬧᬸᬦ᭄ᬧᬶᬢ᭄ᬭᬗᬶᬦ᭄᭞ᬧ᭄ᬬᭀᬤᬮᬚᬸᬯᬸᬕ᭄ᬤᬶᬢᬸ᭞ᬓᬶᬭᬂᬜᬦᬾᬩᬦ᭄ᬢᭂᬦ᭄ᬧᬦ᭄ᬭᬸ
ᬲ᭄᭞ᬲᭀᬭᬶᬂᬘᬧᬄᬤᬸᬯᬸᬃᬘᬧᬄ᭞ᬓᬮᬶᬄᬰᬸᬘᬶᬓᬵᬢᬹᬃᬤᬶᬢᬸ᭞ᬭᬶᬂᬪᬝᬭᬩ᭄ᬢᬾᬦ᭄ᬮᭂᬫᬄ᭞ᬮᬦ᭄ᬪᬝ
