[᭘ 8B]
᭘
᭞ᬲᬳᬩᬦ᭄ᬢᭂᬦ᭄ᬳᬵᬩᬢᭂᬲᬦ᭄᭞ᬩᭂᬳᬗ᭄ᬓᬶᬢ᭄ᬕᬬᬄᬫ᭄ᬓᬵᬤᬶ᭞ᬩᬚᬂᬲᬫ᭄ᬩᬸᬢᬦ᭄ᬫᬮᬶᬄ᭞ᬚᭂᬚᬗᬦ᭄ᬲᬋᬂᬓᬸᬫ᭄ᬧᬸᬮ᭄᭞ᬮᬦ᭄ᬳᬢᬸᬭᬦ᭄ᬭᬶᬂᬓ᭄ᬫᬸᬮᬦ᭄᭞ᬲ᭄ᬧᬸᬧᬸᬢᬫᬵᬓᬲᬵᬫᬶ᭞ᬘᬭᬶᬢᬬ᭄ᬗ᭄᭞ᬫ
ᬗ᭄ᬓᬶᬦ᭄ᬲᬫ᭄ᬧᬸᬦ᭄ᬧᬘᬂᬦᬢᬩ᭄᭚ᬫᬪᬓ᭄ᬢ᭄ᬢᬶᬫᬭᬶᬂᬓ᭄ᬫᬸᬮᬦ᭄᭞ᬭᬯᬶᬂᬳᬶᬩᬸᬦᬶᬂᬭᬃᬬ᭄ᬬᬵᬮᬶᬢ᭄᭞ᬫᬓ᭄ᬱᬸᬤ᭄ᬜᬦᬾᬦᬸᬦᬲ᭄ᬮᬸᬕᬺ᭞ᬓᬂᬭᬭᬾᬬᬫᬶᬦ᭄ᬢᬵᬳᬸᬭᬶᬧ᭄᭞ᬭᬶᬂᬪᬝᬭᬰᬶᬯ᭄ᬯᬭᬯᬶ᭞ᬧᬦᭂᬫ᭄ᬩᬾᬦᬾ
ᬧᬘᬂᬗ᭄ᬭᬗ᭄ᬲᬸᬓ᭄᭞ᬫᬗᬗ᭄ᬕᭀᬫᬵᬲ᭄ᬲᭂᬲᭀᬘᬦ᭄᭞ᬳᬶᬲᬦᬓ᭄᭞ᬳᬶᬲᬦᬓ᭄ᬧᬢ᭄ᬓ᭄ᬮᬸᬓᬢ᭄ᬫᬮᬶᬄ᭞ᬭᬯᬶᬂᬭᬭᬾ᭞ᬳᬩᬺᬱᬶᬄᬭᬭᬶᬲ᭄ᬫᬢᬶᬃᬢ᭄ᬣ᭚ᬯᬸᬲ᭄ᬫᬢᬶᬃᬢ᭄ᬣᬵᬫᬳᬶᬍᬳᬦ᭄᭞ᬧᬦᬓ᭄ᬧᬦᬓᬦ᭄ᬦᬾᬲᬫᬶ
᭞ᬩᭂᬮᬶᬕᭀᬩᬢᬸᬩᬸᬮᬶᬢᬦ᭄᭞ᬢᬮᬸᬄᬲᬫᬶᬫᬵᬓᬫ᭄ᬩᭂᬦᬦ᭄᭞ᬫᬕ᭄ᬮᬂᬫᬧᬸᬧᬸᬓ᭄ᬱᬫᬶ᭞ᬓᭀᬘᬧ᭄ᬩᬚᬂᬯᬱ᭄ᬝᬵᬦ᭄ᬳᬶᬧᬸᬦ᭄᭞ᬗᬶᬍᬳᬶᬦᬼᬲᬸᬂᬩ᭄ᬭᬶᬬᬸᬓᬂ᭞ᬫᬶᬯᬄᬚᬚᬗᬦ᭄ᬫᬮᬶᬄ᭞ᬯᬸᬲ᭄ᬫᬶᬍ
[᭙ 9A]
ᬳᬦ᭄᭞ᬫᬯᬱ᭄ᬝᬵᬗ᭄ᬮᬸᬯᬭᬂᬩᬚᬂ᭚ᬳᬶᬘᬢᬹᬃᬳᬕᭂᬦ᭄ᬢᬶᬳᬭᬦ᭄᭞ᬳᬶᬫᬮᬶᬧᬳᬶᬫᬮᬶᬧᬶ᭞ᬩᬧᬵᬩᬚᬂᬩᬳᬸᬩᬚᬂ᭞ᬫᬗ᭄ᬓᬦᬮᬶᬂᬦᬶᬂᬢᬢ᭄ᬯᬵᬚᬶ᭞ᬓ᭄ᬘᬵᬧ᭄ᬲᬂᬳ᭄ᬬᬂᬰ᭄ᬭᬸᬢ᭄ᬢᬶᬲ᭄ᬫᬺᬢᬶ᭞ᬗᬸᬘᬧᬂ
ᬭᬭᬾᬫᬢᬸᬯᬸᬄ᭞ᬬᬦ᭄ᬲᬫ᭄ᬧᬸᬦᬶᬂᬦᭂᬫ᭄ᬩᬸᬮᬦ᭄᭞ᬳᬸᬧᬓᬵᬭᬫᬗᭀᬢᭀᬦᬶᬦ᭄᭞ᬢ᭄ᬕᭂᬲ᭄ᬳᬸᬧᬸᬦ᭄᭞ᬦᬸᬦᬲ᭄ᬮᬸᬕᬺᬭᬶᬂᬪᬝᬭ᭚ᬢᭂᬫ᭄ᬩ᭄ᬬᬦᬶᬂᬫᬦᬵᬧᬓᬼᬫᬄ᭞ᬫᬗ᭄ᬤᬾᬦ᭄ᬲ᭄ᬯᬾᬘᬲᬂ
ᬳ᭄ᬬᬂᬯᬶᬤ᭄ᬥᬷ᭞ᬢᬦ᭄ᬓᬢᬫᬦ᭄ᬳᬸᬧᬤᬻᬯ᭞ᬗ᭄ᬭᬭᬶᬲ᭄ᬫᬕᭀᬕᭀᬯᬦ᭄ᬫᬮᬶᬄ᭞ᬢ᭄ᬮᬕᬵᬫ᭄ᬲᬶᬫᬵᬲ᭄ᬧᬶᬧᬶᬲ᭄᭞ᬳᬸᬮᬫ᭄ᬢᬸᬓᬤ᭄ᬳᬶᬤᬸᬧ᭄ᬧᬦ᭄ᬢᬸᬦ᭄᭞ᬫᬳᬶᬦ᭄ᬫᬵᬫᬢ᭄ᬓᭂᬧ᭄ᬕᬸᬳᬸᬗᬦ᭄᭞ᬫᬶᬲᬶᬩ᭄ᬭᬲ᭄ᬧ
ᬘᭀᬓ᭄ᬩᬵᬦ᭄ᬧᬶᬢᬶᬓ᭄᭞ᬲᬦᬾᬳ᭄ᬮᬸᬄ᭞ᬓᭀᬘᬧ᭄ᬲᬸᬫᬗ᭄ᬳᬾᬃᬯᬱ᭄ᬝᬜ᭚ᬭᬳᬶᬲ᭄ᬫᬵᬫᬮᬸᬓᬢ᭄ᬫᬢᬶᬃᬢ᭄ᬣ᭞ᬳᬶᬜᬫ᭄ᬫᬵᬘᬢᬹᬃᬫᬗᬶᬭᬶᬂ᭞ᬯᬸᬲ᭄ᬮᬶᬦᬸᬓᬢ᭄ᬕᭂᬦ᭄ᬢᬶᬳᬭᬦ᭄᭞ᬓᬹᬃᬰᬶᬓᬕᬃᬖ᭄ᬕᬵᬲᬶ
Kaca:Bali-lontar-gaguritan-panca-yajnya-350ppi.pdf/9
Kaca puniki sampun kauji-wacén
