[᭖ 6B]
᭖
ᬤᬦᬶᬦ᭄᭚ᬤᬸᬓ᭄ᬫᬧᬸᬢᬺᬲᬂᬳ᭄ᬬᬂᬢᬸᬳᬦ᭄᭞ᬯ᭄ᬭᬸᬄᬫᬗᬚᬶ᭞ᬲᬰ᭄ᬢ᭄ᬭᬳᬕᬫᬦᬾᬲᬫᬶ᭞ᬲᬂᬳ᭄ᬬᬂᬢᬢ᭄ᬯᬵᬚ᭄ᬜ᭄ᬬᬡ᭄ᬦᬵᬭᬦᬶᬧᬸᬦ᭄᭞ᬯ᭄ᬭᬸᬳᬭᬶᬂᬲ᭄ᬫᬵᬥ᭄ᬥᬶᬬᭀᬕ᭄ᬕᬵ᭞ᬫᬶᬯᬄᬯᬶᬤ᭄ᬬ᭞ᬲᬂᬳ᭄ᬬᬂᬫᬳᬵᬯᬶᬥ᭄ᬬᬵ
ᬲᬫ᭄ᬧᬸᬦ᭄᭞ᬳᬫ᭄ᬧᬾᬮ᭄ᬕᬤᬶᬂᬫᬜ᭄ᬭᬶᬢᬬᬂ᭞ᬮ᭄ᬯᬶᬃᬲᬶᬦ᭄ᬯᬫ᭄ᬦᬶᬕ᭄ᬫᬥᬸᬕᭂᬦ᭄ᬤᬶᬲ᭄᭚᭐᭚ᬲᬶᬦᭀᬫ᭄᭚ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬓᬘᬭᬶᬢ᭄ᬢᬵ᭞ᬧᬶᬢ᭄ᬕᭂᬲᬶᬂᬳᬭᬶᬳᬭᬶ᭞ᬓᭀᬘᬧ᭄ᬫᬮᬵᬓᬤᬶᬰᬯ᭄ᬯ᭞ᬳᬯ
ᬦᬦ᭄ᬫᬯᬵᬗ᭄ᬲᬸᬄᬩᬺᬰᬶᬄ᭞ᬫᬓᬵᬧᬸᬢ᭄ᬫᬤᬵᬕᬶᬗᬶᬦ᭄᭞ᬲᬃᬯ᭄ᬯᬳᬗᭂᬣᬗᭂᬢ᭄ᬤᬶᬢᬸ᭞ᬫᬯᬤᬳᬶᬦ᭄ᬜᬸᬄᬫᬲᬶᬩᬓ᭄᭞ᬬᬲᬶᬦᬗ᭄ᬕᬄᬧᬥ᭄ᬫᬵᬲᬭᬷ᭞ᬫᬶᬲᬶᬲᬸᬭᬢ᭄᭞ᬧᭂᬦ᭄ᬤᭂᬫ᭄ᬭᬶᬂᬲᬫ᭄ᬧᬶᬂᬚ᭄ᬮᬡᬦ᭄
᭚ᬭᬳᬶᬲ᭄ᬓᭂᬢᬵᬜ᭄ᬘᭂᬩᬶᬦ᭄ᬲᬗ᭄ᬕᬄ᭞ᬲᬸᬦ᭄ᬤᬃᬩᬍᬫᬦ᭄ᬫᬵᬓᬤᬶ᭞ᬲᬗ᭄ᬕᬄᬫ᭄ᬭᬕ᭄ᬕᬵᬧ᭄ᬭᬚ᭄ᬚᬵᬧᬢ᭄ᬬ᭞ᬲᬸᬦ᭄ᬤᬃᬳᬗᭂᬦ᭄ᬓᬵᬤᬦᬶᬦ᭄᭞ᬩᬍᬫᬦ᭄ᬧᬵᬗ᭄ᬲᭂᬂᬗᬦᬶᬂ᭞ᬳᬭᬶᬳᬭᬶᬦ᭄ᬦᬾᬓᬵᬍᬩᬸᬭ᭄᭞
[᭗ 7A]
ᬯᬢᭂᬲ᭄ᬩᬸᬮᬦ᭄ᬧᬶᬢᬸᬂᬤᬶᬦ᭞ᬢᬸᬢᬸᬕ᭄ᬳᬶᬘᬮ᭄ᬫᬮᬵᬲᬫᬶ᭞ᬲᬧᬸᬦᬶᬓ᭞ᬢᬢ᭄ᬯᬦᬶᬂᬮᭀᬦ᭄ᬢᬃᬭᬭᬾᬗ᭄ᬯᬦ᭄᭚ᬩᬳᬸᬫᬭᬵᬓ᭄ᬧᬸᬲ᭄ᬧᬸᬕ᭄ᬲᭂᬤ᭄᭞ᬯᬾᬦ᭄ᬢᭂᬦ᭄ᬳᬸᬧᬓᬵᬭᬫᬵᬮᬶᬄ᭞ᬗ᭄ᬯᬗᬸᬦᬂᬲᬗ᭄ᬕᬄ
ᬚ᭄ᬫᬳᬦ᭄᭞ᬤᬾᬯᬓᬸᬫᬭᬵᬗ᭄ᬮᬶᬗ᭄ᬕᬦᬶᬦ᭄᭞ᬲᬦᬾᬭᬶᬂᬚᬩᬬᬦ᭄ᬫᬮᬶᬄ᭞ᬕ᭄ᬦᬄᬲᬢ᭄ᬯᬬᭀᬦᬶᬳᬸᬓᬸ᭞ᬲᬳᬵᬩᭂᬩᬦ᭄ᬢᭂᬦ᭄ᬓᬾᬮᬦ᭞ᬚ᭄ᬭᬶᬫ᭄ᬧᭂᬦ᭄ᬳᬫᭀᬂᬧᬢᭂᬄᬲᬫᬶ᭞ᬭᬶᬂᬓᬸᬫᬭᬵ
᭞ᬢᬍᬃᬧᬢᭂᬄᬲᬧᬸᬦᬶᬓᬵ᭚ᬬᬦ᭄ᬳᬢᬸᬭᬦ᭄ᬭᬶᬂᬳ᭄ᬬᬂᬩ᭄ᬭᬳ᭄ᬫᬵ᭞ᬧᬜ᭄ᬦᭂᬂᬩᬂᬤᬓ᭄ᬱᬶᬡ᭄ᬦᬵᬤᬶ᭞ᬫᬓᬵᬤᬶᬳᬩᬸᬳᬢᬫᬲ᭄᭞ᬫ᭄ᬤᬕᬶᬦ᭄ᬓᭂᬓᭀᬚᭀᬂᬫᬮᬶᬄ᭞ᬲᬸᬦ᭄ᬤᬃᬲᬸᬭᬢ᭄ᬢᬸᬃᬫᬵᬤ
ᬕᬶᬂᬧᭀᬭᭀᬲᬦ᭄ᬮᬜ᭄ᬚᬭᬦ᭄ᬲᬫ᭄ᬧᬸᬦ᭄᭞ᬓᬮᬸᬓᬣᬶᬘᬢᬹᬃᬲᬦᬓ᭄᭞ᬫᬗᬼᬩᬹᬃᬫᬵᬮᬦᬶᬂᬫᬶᬚᬶᬮ᭄᭞ᬗᬼᬧᬰᬯᭀᬦ᭄᭞ᬯᬱ᭄ᬝᬜᬲᬵᬳᬳᬵᬢᬸᬭᬦ᭄᭚ᬢᬹᬃᬫᬓᬃᬬ᭄ᬬᬢᬶ
Kaca:Bali-lontar-gaguritan-panca-yajnya-350ppi.pdf/7
Kaca puniki sampun kauji-wacén
