[᭔ 4B]
᭔
ᬫᬦᬸᬳᬹᬢ᭄ᬩ᭄ᬦᬂ᭞ᬳᬶᬋᬂᬫᬾᬲᬶᬧᬂᬦᬶᬂᬭᬗᬶᬦ᭄᭚ᬫᬗ᭄ᬕᬯ᭄ᬯᬵᬩᬸᬮᬸᬄᬕᬮᬗ᭄ᬕᬂ᭞ᬫᬦᬸᬫ᭄ᬩᬓᬶᬦ᭄ᬭ᭄ᬯᬦᬶᬂᬓᬸᬫ᭄ᬩᬂᬫᬳᬶᬲᬶ᭞ᬩᬾᬢᬸᬓᬥᬶᬤᬸᬧ᭄ᬫᬩᬸᬗ᭄ᬓᬸᬲ᭄᭞ᬦᬾᬮᬸᬄᬜᬸᬳᬸᬦ᭄ᬘᬭᬓ᭄ᬬᬦ᭄᭞
ᬢᬹᬃᬧᬶᬦᬹᬚ᭄ᬚᬵ᭞ᬤᬾᬦᬶᬂᬲᬂᬧᬦ᭄ᬤᬶᬢ᭄ᬣᬧᬸᬢᬸᬲ᭄᭞ᬢᬹᬃᬗᬸᬦ᭄ᬢᬮ᭄ᬫᬶᬭᬄᬳᬧᬲᬂ᭞ᬫᬗ᭄ᬓᬦᬓ᭄ᬭᬫ᭄ᬫᬦᬶᬂᬓᬯᬶ᭚ᬧᬶᬢ᭄ᬕᭂᬲ᭄ᬧᬗᬸᬧᬓᬵᬭ᭞ᬩ᭄ᬦᬂᬩ᭄ᬦᭂᬂ᭞ᬲᬼᬫ᭄ᬲᬼᬓᬵᬯᬱ᭄ᬝᬦᬶ᭞ᬦᬸᬳᬹᬢ᭄ᬭᬸ
ᬭᬸᬂᬯᬱ᭄ᬝᬦ᭄ᬳᬶᬧᬸᬦ᭄᭞ᬦᬸᬫ᭄ᬩᬓ᭄ᬗᭂᬫ᭄ᬩᬓ᭄ᬯᬱ᭄ᬝᬜ᭞ᬕᬮᬗ᭄ᬕᬗᬾ᭞ᬳᬕᭂᬂᬕᬮᬂᬯᬱ᭄ᬝᬦ᭄ᬳᬶᬧᬸᬦ᭄᭞ᬜᬸᬳᬸᬦ᭄ᬫᬜᬸᬗ᭄ᬲᬸᬂᬯᬱ᭄ᬝᬜ᭞ᬥᬭᬓᬾᬦᬾᬓᬵᬯᬱ᭄ᬝᬦᬶᬦ᭄᭚ᬘᬭᬓᬵᬗᬭᬦ᭄ᬧ
ᬳᭂᬓᬦ᭄᭞ᬳᬶᬧᬋᬓᬦ᭄ᬳᬚᬓᬦ᭄ᬓᬯᬱ᭄ᬝᬦᬶᬦ᭄᭞ᬳᬚᬓᬦ᭄ᬳᬶᬲᬦᬓ᭄ᬘᬢᬸᬭ᭄᭞ᬭᬸᬫᬓᭂᬢ᭄ᬭᬶᬂᬰᬭᬷᬭ᭞ᬳᬮᬳᬬᬸ᭞ᬭᬸᬫᬓ᭄ᬱᬵᬧᬭᬦᬶᬂᬮᬓᬸ᭞ᬬᬦᬶᬂᬭᬭᬾᬯᬳᬸᬍᬓᬤ᭄᭞ᬫᬭᬹ
[᭕ 5A]
ᬧᬵᬬᬳᬭᬶᬳᬭᬶ᭚ᬲᬧᬸᬦᬶᬓᬵᬮᬶᬂᬦᬶᬂᬲᬰ᭄ᬢ᭄ᬭ᭞ᬬᬦᬶᬂᬫᬶᬭᬄᬢ᭄ᬕᭂᬰᬶᬧᬸᬦ᭄ᬲᬧᬸᬦᬶᬓᬶ᭞ᬲᬢᬾᬚ᭄ᬚᬵᬫᬭᬹᬧᬳᬵᬮᬸᬲ᭄᭞ᬫᬗ᭄ᬤᬾᬦ᭄ᬢᬦ᭄ᬓᬵᬳᬦᬜ᭄ᬘᬮᬵ᭞ᬓᬘᬾᬤᬵᬗ᭄ᬕᬦ᭄᭞ᬓᬲᬶᬤ
ᬦ᭄ᬫᬗ᭄ᬤᬾᬦ᭄ᬭᬳᬬᬸ᭞ᬩᬾᬮ᭄ᬯᬄᬫᬓᬧᬸᬢ᭄ᬳᬸᬫ᭄ᬩᬂ᭞ᬓᬸᬫ᭄ᬩᬂᬗᬭᬦ᭄ᬓᭂᬫ᭄ᬩᬂᬯᬗᬶ᭚ᬩ᭄ᬗᬭᬦᬶᬂᬧᬫ᭄ᬩᬾᬤ᭞ᬧᬂᬤᭂᬩᬾᬤᬵ᭞ᬜᬦ᭄ᬜᬫᬘᬵᬢᬹᬃᬗᬯᬾᬦᬶᬦ᭄᭞ᬭᬭᬾᬦᬾᬭᬶᬂᬯᬳᬸᬫ᭄ᬢᬸ᭞ᬭᬶᬂᬩ᭄ᬯ
ᬡᬓᭀᬝᬦᬵᬕᬭ᭞ᬯᬳᬸᬍᬓᬤ᭄᭞ᬯᬾᬦ᭄ᬢᭂᬦ᭄ᬳᬸᬧᬓᬵᬭᬦ᭄ᬳᬶᬧᬸᬦ᭄᭞ᬩᭂᬩᬦ᭄ᬢᭂᬦ᭄ᬳᬤᬵᬳᬦᬦ᭄᭞ᬚ᭄ᬭᬶᬫ᭄ᬧᭂᬦ᭄ᬫᬶᬯᬄᬧᭂᬭᬲ᭄ᬕᬸᬮᬶᬂ᭚ᬳᬶᬭᬭᬾᬳᬗᭀᬦ᭄ᬗᬯᭂᬢ᭄ᬯᬂ᭞ᬓᬵᬫ᭄ᬫᬵᬳᬩᬂ
ᬭᬭᬾᬘᬶᬮᬶᬓᬫ᭄ᬫᬵᬧᬸᬢᬶᬄ᭞ᬧᬭᭀᬓ᭄ᬦᬶᬂᬲ᭄ᬫᬵᬭᬫᬢ᭄ᬫᬸ᭞ᬓᬫ᭄ᬫᬵᬳᬩᬂᬓᬵᬫ᭄ᬫᬧ᭄ᬢᬵᬓ᭄᭞ᬢᬹᬃᬫᬕ᭄ᬦᬄ᭞ᬭᬶᬂᬓᬸᬡ᭄ᬥᬫᬡᬶᬓ᭄ᬘᬸᬘᬸᬧᬸ᭞ᬲᬶᬭᬲᬂᬳ᭄ᬬᬂᬫᬺᬢ᭄ᬣᬩ᭄ᬯᬡᬵ᭞ᬫᬯᬾᬄᬧᬗᬦ᭄ᬲᬶᬮᬂᬮᬢ᭄ᬭᬶ᭚
Kaca:Bali-lontar-gaguritan-panca-yajnya-350ppi.pdf/5
Kaca puniki sampun kauji-wacén
