[᭒᭑ 21B]
᭒᭑
ᬢᬸᬭᬹᬢ᭄᭞ᬧᭂᬩᬗ᭄ᬓᬶᬢ᭄ᬢᬾᬓᬪᬹᬓ᭄ᬢ᭄ᬬ᭞ᬳᬦ᭄ᬢᬸᬓ᭄ᬳ᭄ᬬᬂᬩ᭄ᬭᬳ᭄ᬫᬲᬸᬚᬢᬶ᭞ᬤᬾᬯᬶᬤᬹᬃᬖ᭄ᬕᬵ᭞ᬫᬓᬵᬤᬶᬪᬝᬭᬖᬡᬵ᭚ᬭᬶᬂᬲᭀᬃᬫ᭄ᬫᬮᬶᬄᬕ᭄ᬮᬃᬰᬗ᭄ᬳᬵ᭞ᬫᬶᬯᬄᬘᬭᬹᬘᬭᬹᬲᬫᬶ᭞ᬫᬲᬗ᭄ᬕᬄᬫᬶᬯᬄᬳᬲᬕ
ᬦ᭄᭞ᬓᬮᬵᬫᬜ᭄ᬘᬲᬦᬓ᭄ᬫᬮᬶᬄ᭞ᬫᬜ᭄ᬘᬩᬮᬶᬓ᭄ᬭᬫ᭄ᬫᬵᬫᬮᬶᬄ᭞ᬫᬶᬯᬄᬓᬮᬵᬢᬩᬸᬄᬕᭂᬦ᭄ᬢᬸᬄ᭞ᬬᬤ᭄ᬬᬦ᭄ᬳᬾᬓᬤᬰᬭᬹᬤ᭄ᬭ᭞ᬫᬓ᭄ᬱᬸᬤ᭄ᬓᬮᬵᬪᬹᬝᬲᬫᬶ᭞ᬲᬦᬾᬫᬸᬓ᭄ᬢ᭄ᬬ᭞ᬳᬸᬘᬧᬶᬂᬳᬚᬶᬳᬓ᭄ᬱᬭᬵ᭚
ᬯᬸᬲ᭄ᬫᬸᬓ᭄ᬢ᭄ᬬᬭᬭᬶᬲ᭄ᬓᬲᭀᬫ᭄ᬬ᭞ᬓᬳᬸᬦ᭄ᬤᬸᬃᬪᬹᬝᬦᬾᬲᬫᬶ᭞ᬫᬦ᭄ᬢᬸᬓ᭄ᬗᬾᬮᬶᬗᬦ᭄ᬧᬳᬸᬗ᭄ᬕ᭄ᬯᬦ᭄᭞ᬓᬧᬺᬮᬶᬡ᭄ᬦᬵᬫᬗ᭄ᬤᬾᬦ᭄ᬫ᭄ᬯᬮᬶ᭞ᬤᬤᭀᬲ᭄ᬪᬝᬭᬫᬮᬶᬄ᭞ᬤᬾᬯ᭄ᬯᬵᬓᬮᬵᬪᬹᬝᬓᬸᬫ᭄ᬧᬸᬮ᭄᭞ᬤᬤᭀ
ᬲ᭄ᬫᬭᬕ᭄ᬕᬵᬢᬸᬗ᭄ᬕᬮ᭄᭞ᬦᬗ᭄ᬕᬄᬳᬃᬤ᭄ᬥᬵᬦᬭᬾᬰ᭄ᬯᬭᬷ᭞ᬧᬫᬸᬧᬸᬢ᭄ᬜ᭞ᬤᬤᭀᬲ᭄ᬳᬶᬤ᭄ᬥᬵᬲᬤ᭄ᬥᬵᬰᬶᬯ᭄ᬯᬵ᭚ᬬᬦ᭄ᬳᬶᬤᬗ᭄ᬯᬶᬩᬸᬳᬂᬳᬗ᭄ᬕᬵ᭞ᬤᬤᭀᬲ᭄ᬤᬾᬯᬢᬦᬾᬲᬫᬶ᭞ᬓᬾᬗᬶᬦ᭄ᬲᬂᬳ᭄ᬬᬂᬦᬵᬯ᭄ᬯᬵᬲ
[᭒᭒ 22A]
ᬗ᭄ᬳᬵ᭞ᬘᬢᬹᬃᬮᭀᬓᬨᬮᬫᬮᬶᬄ᭞ᬭᬯᬶᬂᬓᬮᬵᬪᬹᬝᬲᬫᬶ᭞ᬬᬤ᭄ᬬᬦ᭄ᬤᬤᭀᬲ᭄ᬢᬓ᭄ᬱᬹᬢᬓ᭄ᬱᬹ᭞ᬬᬦᬶᬂᬫᬲᬾᬭᭀᬲᬾᬭᭀᬯᬦ᭄᭞ᬤᬤᭀᬲ᭄ᬯᬮ᭄ᬬᬦ᭄ᬓᭀᬦ᭄ᬢᬾᬦᬵᬕ᭄ᬲᬫᬶ᭞ᬫ᭄ᬯᬂᬯᬯᬮᬾ
ᬦ᭄᭞ᬓᬲᬸᬭᬓᬂᬯᭀᬂᬦᬵᬕᬭ᭚ᬤᬤᭀᬲ᭄ᬤᬾᬯᬦ᭄ᬧᬢᬶᬯᭂᬦᬂ᭞ᬤᬾᬯᬦ᭄ᬲᬫ᭄ᬧᬢ᭄ᬤᬾᬯᬦ᭄ᬮᬶᬤᬶ᭞ᬤᬾᬯᬦᬼᬲᬸᬂᬤᬾᬯᬦ᭄ᬳᬸᬫᬄ᭞ᬤᬾᬯᬦ᭄ᬓᭀᬭᬶᬦᬾᬓᬧᬸᬚ᭄ᬚᬶ᭞ᬤᬾᬯᬦᬶᬂᬧᬸᬦᬧᬶᬚᭂᬤᬶᬂ᭞ᬲ
ᬗ᭄ᬕᬄᬲᬗ᭄ᬕᬄᬫᬶᬯᬄᬕᬸᬦᬸᬂ᭞ᬳᬸᬧᬫᬶᬯᬶᬦ᭄ᬢᭂᬦᬶᬃᬫ᭄ᬫᬵᬮᬵ᭞ᬲᬭᬵᬦᬾᬳᬗ᭄ᬕᬾᬦ᭄ᬗᭂᬫ᭄ᬩᬦᬶᬦ᭄᭞ᬲᬧᬸᬦᬶᬓᬵ᭞ᬓᬳᬸᬘᬧ᭄ᬭᬶᬂᬲᬰ᭄ᬢ᭄ᬭᬵᬕᬫ᭄ᬫᬵ᭚ᬢᬢ᭄ᬯᬦᬶᬂᬪᬝᬭᬶᬤᬹᬃᬖ᭄ᬕᬵ᭞ᬬᭂᬲᬶᬦᬗ᭄ᬕᬄᬤᬹᬃ
ᬖ᭄ᬕᬵᬤᬾᬯᬶ᭞ᬬᬦ᭄ᬳᬶᬤᬮᬸᬗ᭄ᬳᬵᬓᬳᬩ᭄ᬬᬦ᭄᭞ᬲᬂᬳ᭄ᬬᬂᬰᭂᬭᬷᬓᬧᭂᬲᬾᬗᬶᬦ᭄᭞ᬓᬮᬵᬦᬶᬂᬳᬶᬤᬵᬓᬘᬭᬶᬓ᭄᭞ᬤᬾᬯᬶᬳᬸᬫ᭄ᬫᬵᬓᬂᬯᬶᬦᬸᬘᬧ᭄᭞ᬬᬦᬶᬂᬓᬕᬸᬦᬸᬂᬳᬮᬲ᭄᭞ᬓᬳᬸᬘᬧ᭄ᬳ᭄ᬬᬂᬕᬶ
Kaca:Bali-lontar-gaguritan-panca-yajnya-350ppi.pdf/22
Kaca puniki sampun kauji-wacén
