[᭔᭖ 46 B]
᭔᭖
ᬍᬫᭂᬂᬫᬤᬬᬗᬋᬦᭂᬓᬂᬓᬵᬃᬬ᭄ᬬᬦ᭄ᬕᬸᬲ᭄ᬢᬶᬘᬫ᭄ᬧᬄᬫᬓ᭄ᬚᬂᬓᬶᬯᬦᬢ᭄ᬯᬄᬗᬚᬳᬶᬦ᭄᭟ᬧᬜ᭄ᬚᬓ᭄ᬕᬸᬲ᭄ᬢᬶᬭᭀᬯᬂᬢᬶᬢ᭄ᬬᬂᬦᬢᬭᬸᬡᬭᬯᬸᬄᬭᬶᬂᬧᬡ᭄ᬥᬾᬩ᭄ᬲᬶᬫᬗ᭄ᬓᬸᬫᬶᬯᬄᬲᬸᬩᬓ᭄ᬦᬾᬢᬢᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂᬯᬾᬦ᭄ᬢᭂᬦ᭄ᬢᬶᬕᬂᬢᬮᬶᬍᬩᬶᬄᬲᬵᬫ᭄ᬧᬸᬦ᭄ᬫᬰᬶ᭠
ᬯᬓᬶᬩᬮᬂᬢᬫᬓ᭄ᬫᭂᬦ᭄ᬢᬶᬲ᭄᭟ᬮᬶᬯᬢ᭄ᬥᬦᬧᬶᬧᬶᬲ᭄ᬩᬜ᭄ᬚᬭᬾᬩᭀᬓ᭄ᬗᭀᬓᬂᬳᬗ᭄ᬕᬾᬦ᭄ᬫᬦᬸᬓᬸᬳᬲᬶᬄᬬᬦ᭄ᬤᬬᬢᬵᬮᬸᬫ᭄ᬩᬃᬫᭀᬫᭀᬦᬾᬓᬢᬸᬳᬸᬓᬦ᭄ᬓᬤᬶᬫᬗᬸᬭᬸᬕᬶᬦ᭄ᬧᬲᬶᬄᬧ᭄ᬭᬪᬸᬮᬶᬧ᭄ᬬᬢ᭄ᬯᬭᬗᬶᬢᬸᬗᬂᬕᬸᬫᬶ᭟ᬩᬓᬮᬧᬓᬶᬩ᭠
ᬮᬂᬢᬫᬓ᭄ᬢᬸᬫᬦᬂᬧᬓ᭄ᬱᬦᬾᬜᬓ᭄ᬭᬾᬂᬪᬹᬫᬶᬗᬲᭀᬭᬂᬲᬂᬦᬵᬣᬳᬶᬕᬸᬲ᭄ᬢᬶᬧ᭄ᬬᬗᭂᬦ᭄ᬢᬶᬢ᭄ᬬᬂᬲᭂᬗᬶᬢᬗᬲᬓᬾᬗᬹᬦᬶ᭠ᬫᬢᬗ᭄ᬕᭂᬄᬥᬡ᭄ᬥᬤᬸᬓᬾᬫᬳᬩ᭄ᬬᬦ᭄ᬓᬸᬜᬶᬢ᭄᭟ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬶᬭᬶᬂᬕᬸᬲᬶᬓᬚ᭄ᬭᭀᬧᬸᬭᬫᬋᬓᬶᬂᬰ᭄ᬭᬷᬪᬹᬧᬢᬶᬢᬾᬢᬾᬳᬗ
ᬢᬸᬭᬂᬕᬸᬲ᭄ᬢᬶᬯᬬᬦ᭄ᬓᬶᬦᬲ᭄ᬬ᭄ᬳᬦ᭄ᬓᬍᬫᭂᬲᬦ᭄ᬢᬸᬫ᭄ᬩᬸᬓ᭄ᬧᬶᬧᬶᬲ᭄ᬳᬦ᭄ᬢᬸᬓ᭄ᬳᬶᬯᬦᬢᬶᬢ᭄ᬬᬂᬚᬳᬗ᭄ᬕᬾᬦ᭄ᬲᬓ᭄ᬱᬶ᭟ᬧᬦ᭄ᬲᬸᬓᬭ᭠ᬩ᭄ᬦᭂᬄᬓᬾᬢᭀᬤᬬᬦ᭄ᬳᬶᬩᬧᬦ᭄ᬓᭂᬭᬸᬂᬫᬜᬳᬸᬭᬶᬦ᭄ᬗᬸᬤᬓᬾᬢᭀᬩᬳᬦ᭄ᬦᬾᬦᭀᬭᬓᬤᬾᬦ᭄ᬲᬚᬬᬦ᭄ᬲᬚ᭠
[᭔᭗ 47 A]
ᬗ᭄ᬫᬲᬶᬦ᭄ᬧᬢᬶᬲᬗᭂᬢ᭄ᬫᬭᭀᬕᬕᬸᬲ᭄ᬢᬶᬯᬬᬦ᭄ᬜᬳᬸᬭᬶᬦ᭄᭟ᬗᬸᬤᬗᭀᬕᬳᬧᬦ᭄ᬫᬸᬲᬸᬄᬓᬮᬶᬮᬶᬭᬦ᭄ᬰᬯ᭄ᬦᬂᬮᬶᬜᭀ᭠ᬓᬶᬦ᭄ᬫᭂᬦ᭄ᬤᭂᬧ᭄ᬘᬳᬶᬫᬹᬥᬢ᭄ᬯᬄᬢᬫ᭄ᬩᬄᬓᬂᬘ᭄ᬕᬶᬗᬦ᭄ᬩᬩᬳᬶᬮ᭄ᬫᬄᬫᬗᬸᬭᬶᬫᬶᬓ᭄ᬢ᭄ᬯᬭᬬᬢᬯᬂᬚᬮᬦ᭄ᬓᬚ᭄ᬭᭀᬦᬾᬚᬦᬶ᭟ᬕᬸᬲᬶᬯᬬ
ᬦ᭄ᬫᬮᬸᬧᬚᬮᬦ᭄ᬬᬋᬗᬲ᭄ᬫᬜᭀᬕ᭄ᬚᭀᬕ᭄ᬰ᭄ᬭᬷᬪᬹᬧᬢᬶᬭᬸᬦ᭄ᬢᬕ᭄ᬫᬗᬢᬸᬭᬂᬮᬶᬗ᭄ᬕᬶᬄᬭᬢᬸᬲᬂᬦᬵᬣᬓᬯᭀᬦ᭄ᬮᬶᬗ᭄ᬕᬶᬄᬰ᭄ᬭᬷᬪᬹᬧᬢᬶᬫᬦᬶᬲᬾᬗ᭄ᬭᬸᬲᬵᬓ᭄ᬓᬲᭀᬭᬂᬫᬥᬸᬕᭂᬡ᭄ᬥᬶᬲ᭄᭟ᬭᬾᬄᬧᬸᬦᬶᬓᬶᬩᬮᬂᬢᬫᬓ᭄ᬫᬲᬂᬤᬬᬜᭂᬦ᭄ᬢᭀᬓᬂᬤᬬᬭᬶᬭᬶᬄᬗᬤᭀᬓᬂᬓ
ᬬᬦᬦ᭄ᬧᬜ᭄ᬚᬓᬾᬓᬍᬫᭂᬲᬦ᭄ᬯᬾᬦ᭄ᬢᭂᬦ᭄ᬫᬭᬧᬶᬢᬸᬂᬩᬗ᭄ᬲᬶᬢ᭄ᬦᬾᬫᬸᬗ᭄ᬕ᭄ᬯᬶᬂᬲᬸᬭᬢ᭄ᬓᬶᬩᬮᬂᬢᬫᬓ᭄ᬗ᭄ᬕᬶᬲᬶ᭟ᬢᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬕᬶᬓᬍᬫᭂᬲᬦ᭄ᬓᬶᬩᬮᬂᬢᬫᬓ᭄ᬘᬸᬯᬶᬯᬾᬦ᭄ᬢᭂᬦ᭄ᬲᬓ᭄ᬱᬶᬦ᭄ᬢᬶᬢ᭄ᬬᬂᬧᬦ᭄ᬲᬸᬓᬭᬦᬾᬢᬢᬲ᭄ᬲᬋᬂᬢᬶᬢ᭄ᬬᬂᬫ
ᬜᬗ᭄ᬕᬸᬧᬶᬦ᭄ᬕ᭄ᬮᬶᬲ᭄ᬤᬬᬢ᭄ᬦᬰ᭄ᬭᬷᬦᬭᬧᬢᬶ᭟ᬮᬫᬸᬦ᭄ᬓᬾᬢᭀᬳᬶᬩᬲᬶᬦᬄᬓᬍᬫᭂᬲᬦ᭄ᬓᬶᬯᬦᬚᬵᬲᬸᬲᬶᬢ᭄ᬧᬂᬤᬵᬜᬾᬯᬕᬭᬧᬗ᭄ᬭᬲᬦ᭄ᬜᬦᬾᬢᬢᬲ᭄ᬧᬦ᭄ᬲᬸᬓᬭᬬᬕ᭄ᬮᬸᬳᬶᬦ᭄ᬓ᭄ᬫᬢᬶᬬᬂᬧᬦ᭄ᬲᬸᬓᬭᬯᬸᬲ᭄ᬧ᭄ᬭᬵᬧ᭄ᬢᬶ᭟ᬭᬭᬶᬲ᭄ᬧᬋᬓ᭄
Kaca:Bali-lontar-gaguritan-pan-balang-tamak-350ppi.pdf/47
Kaca puniki sampun kauji-wacén