[᭔᭓ 43 B]
᭔᭓
ᬦᬵᬕᬮᬵᭂᬂᬓᬧᬗ᭄ᬕᬶᬄᬤᭂᬮᬶᬗᭂᬫ᭄ᬩᬸᬲᬦ᭄ᬲᬸᬫᬵᬃᬯᬶᬱᬦ᭄ᬬᬫᬦ᭄ᬤᬶ᭟ᬮᬦ᭄ᬤ᭄ᬯᬵᬫ᭄ᬩᭂᬩᭂᬤ᭄ᬳᬦᬸᬘᬸᬓ᭄ᬳᬶᬲᬸᬦ᭄ᬢᬦᭀᬮᬄᬢᬦ᭄ᬕᬶᬮᬢᬦ᭠ᬯ᭄ᬤᬶᬓᬂᬢᬓ᭄ᬱᬓᬩᬯᬷᬭᬲᭀᬫ᭄ᬬᬤᬤᬶᬫᬵᬦᬸᬱᬲᬶᬯᬮᬂᬢᬫᬓ᭄ᬢᬸᬫᬸᬮᬶᬕᬸᬫᬸᬬᬸᬫᭀᬚᬃᬦᭀᬭᬲᬸᬗᬸᬫᬭᬶᬲᬶᬦ᭄᭟ᬅᬓ᭄ᬯᬾᬄᬳᬸ
ᬚᬃᬲᬶᬯᬮᬂᬢᬫᬓ᭄ᬳᬯ᭄ᬮᬲ᭄ᬳᬗᬚᬓ᭄ᬳᬶᬲᬸᬦ᭄ᬫᬮᬶᬄᬭᬶᬂᬕᬶᬭᬶᬓᬜ᭄ᬘᬦᬗᬸᬮᬢᬶᬧᬸᬭᬶᬦᬶᬭᬳᬶᬭᬶᬓᬵᬳᬶᬲᬸᬦ᭄ᬦᬹᬢ᭄ᬯᬸᬭᬶᬭᬶᬂᬕᬶᬭᬶᬯᬦᬢ᭄ᬗᬳᬶᬂᬕᬶᬭᬶᬭᬹᬫᬶᬓ᭄ᬫᬷ᭟ᬧᬗ᭄ᬕᬸᬄᬧᬸᬭᬶᬦᬾᬓᬤᬶᬭᬶᬂᬲ᭄ᬯᬃᬕ᭄ᬕᬢᬶᬦᬳᬍᬯᬰ᭄ᬭᬷᬢᬦᬦᭀᬦ᭄ᬫᬵᬦᬸᬱᬢᬾᬚᬫᬓᬭᬓᬭᬲ᭠
ᬫᬵᬃᬢᬾᬚᬦᬶᬂᬳ᭄ᬬᬂᬭᬯᬶᬘᬡ᭄ᬥᬶᬳᬗ᭄ᬮᬸᬦᬂᬫᬮᬓᬃᬲᬃᬯ᭄ᬯᬫᬡᬶᬓ᭄᭟ᬦᬸᬮᬶᬫ᭄ᬥᬮ᭄ᬳ᭄ᬬᬗ᭄ᬳᬶᬩᬸᬮᬓᬸᬦ᭄ᬬᬵᬭᬭᬲ᭄ᬓᬤᬶᬓᬦᬓᬮᬶᬗᬶᬃᬲᬸᬢᬾᬚᬵᬓᬮᬗᬦ᭄ᬓᬤᬶᬯᬸᬮᬦ᭄ᬧᬹᬃᬡ᭄ᬦᬫᬲᬵᬓ᭄ᬱᬡᬯᬢᬾᬚᬢᬦ᭄ᬓᬭᬶᬢᬸᬫᬸᬮᬶᬫᭀᬚᬃᬲ᭄ᬯᬭᬋᬫ᭄ᬧᬸᬄᬳᬫᬦᬶᬲ᭄᭟ᬢᬦ᭄ᬤ᭄ᬯᬵᬫ᭄ᬓᬸᬮ᭄ᬳᬶ᭠
ᬗᬭᬲᬭᬲ᭄ᬓᬶᬯᬦᬤ᭄ᬭᬢᬂᬯᬱ᭄ᬧᬫᬶᬚᬶᬮ᭄ᬳᬓ᭄ᬯᬾᬄᬓᬂᬢᬸᬢᬸᬭᬦ᭄ᬳᬶᬲᬸᬦ᭄ᬫᬸᬥᬢᬦᬯᬲ᭄ᬲᬵᬫ᭄ᬧᬸᬦ᭄ᬲᭀᬫ᭄ᬬᬤᬾᬭᬓᬵᬮᬶᬄᬳᬬ᭄ᬯᬢᬩᬧᬯᬯᬳᬦ᭄ᬮᬵᬯᬦ᭄ᬩᬶᬩᬶ᭟ᬓᬚᬵᬢ᭄ᬬᬦᬾᬯᬮᬂᬢᬫᬓ᭄ᬓᬭᬚᬱᬦ᭄ᬧᬸᬢ᭄ᬭᬦ᭄ᬪ᭄ᬬᬂᬧᬭᬫᬾᬲ᭄ᬝᬶᬳᬶᬩᬸᬦᬶᬭ᭠
[᭔᭔ 44 A]
ᬯᬬᬳᬭᬦ᭄ᬲᬂᬳ᭄ᬬᬂᬢᬗ᭄ᬓᬸᬮᬓ᭄ᬬᬢᬩᬧᬲᬵᬫ᭄ᬧᬸᬦ᭄ᬚᬵᬢᬶᬧᬶᬗᬶᬢᭂᬦ᭄ᬧᬶᬲᬦ᭄ᬢᬦ᭄ᬓ᭄ᬦᬾᬲᭀᬤ᭄ᬥᬯᬶᬥᬶ᭟ᬓᭀᬧᬤ᭄ᬭᬯᬤᬾᬪᬝᬭᬳ᭄ᬬᬂᬓᬵᬭᬡᬢᬦ᭄ᬤᬤᬶᬚᬦ᭄ᬫᬫᬮᬶᬳᬶᬥᭂᬧ᭄ᬫᬾᬫᬾᬩᬧᬧᬯᬭᬳ᭄ᬬᬂᬢᬗ᭄ᬓᬸᬮᬓ᭄ᬳᬶᬗ᭄ᬲᬸᬦ᭄ᬯ᭄ᬓᬲ᭄ᬢ᭄ᬓᬾᬂᬧᬢᬶᬧᬶᬦᬓᬫ᭠
ᬦ᭄ᬢ᭄ᬯᬓᬶᬯᬮᬂᬢᬫᬓ᭄ᬮᬓᬶ᭟ᬲᬧᬦᬶᬯ᭄ᬬᬫᬓᬳᬵᬃᬤ᭄ᬥᬦᬭᬾᬰ᭄ᬯᬃᬬ᭄ᬬᬤᬤᬶᬦᬾᬯᬦᬶᬂᬪᬹᬫᬷᬲᬸᬦ᭄ᬫᬸᬮᬶᬄᬦᬸᬕ᭄ᬭᬳᬯ᭄ᬓᬲᬶᬂᬳ᭄ᬬᬗᬵᬓ᭄ᬱ᭠ᬭᬫᬗ᭄ᬓᬾᬳᬶᬲᬸᬦ᭄ᬲᬵᬫ᭄ᬧᬸᬦ᭄ᬓᬯᬶᬫᬾᬢᬗᬾᬢᬗᬦ᭄ᬲᬭᬲᬦ᭄ᬬᬢᬦ᭄ᬧᬗ᭄ᬕᬶᬮ᭄᭟ᬫᬾᬫᬾᬩᬧᬦᬾᬘᬾᬦ᭄ᬲᭂᬗ᭄ᬓᬵᬩᬦ᭄ᬗ᭄ᬭᬲᬬᬂᬳᬶᬗ᭄ᬲᬸ᭠
ᬦ᭄ᬫᬗ᭄ᬓᬾᬢᬓᬾᬦᬶᬦ᭄ᬫᬗ᭄ᬓᬾᬲᬶᬦ᭄ᬫᬶᬤᬵᬃᬢ᭄ᬣᬢᬦᬶᬯᬂᬯᬘᬦ᭄ᬯᬶᬮᬂᬯ᭄ᬓᬲᬶᬂᬰᬵᬲ᭄ᬢ᭄ᬭᬕᬵᭂᬦᬮᬶᬂᬭᬾᬳᬶᬂᬧ᭄ᬭᬮᬷᬡᬦᬾᬮᬶᬬᬸᬤᬤᬶᬓ᭠ᬤᬶᬓ᭄᭟ᬲᬦᬾᬓᬶᬤᬶᬓ᭄ᬥᬤᬶᬮᬶᬬᬸᬭᬶᬦᬗ᭄ᬲᬸᬓᬦ᭄ᬧᬯᬭᬄᬤᬾᬯᬳᬶᬲ᭄ᬢ᭄ᬭᬷᬩᬧᬳᬬ᭄ᬯᬯᬾᬭᬦᬾᬫᬯᬓ᭄ᬘᬫ᭄ᬧᬄᬧᬶᬗᬶᬢᬾᬫᬓ᭄ᬭ᭠
ᬡᬲᬶᬤ᭄ᬥᬶᬫᬗᬕᭂᬫ᭄ᬰᬹᬦ᭄ᬬᬢᬦᭀᬩᬄᬗᬫᭀᬂᬩᬸᬤ᭄ᬥᬶ᭟ᬳᬦᬓ᭄ᬲᬸᬓᭂᬄᬤᬤᬶᬚᬦ᭄ᬫᬗᬮᬶᬄᬫ᭄ᬮᬄᬳᬸᬢᬯᬶᬳᬕᬸᬂᬳᬮᬶᬢ᭄ᬳᬧᬦ᭄ᬲᬫᬦᬵᬳᬮᬳᬬᬸᬦᬶᬂᬭᬵᬕᬓᬬᬸᬢᬦ᭄ᬮᬸᬧᬸᬢᬶᬗᬗᬶᬦ᭄ᬓᬯᬮᬫᬯᬵᬲ᭄ᬫᬹᬮᬦᬶᬂᬲᬮᬄᬬᬸᬓ᭄ᬢᬶ᭟ᬮᬄᬢᬦᬶᬦᬶᬳ᭠
Kaca:Bali-lontar-gaguritan-pan-balang-tamak-350ppi.pdf/44
Kaca puniki sampun kauji-wacén
