[᭑᭘ 18 A] (physical label incorrect, should have been 18 B)
᭑᭘
ᬤᬶᬦ᭄ᬳᬤᬳᬫ᭄ᬩᬸᬮ᭄ᬧᬸᬗ᭄ᬮᬸᬢᬶᬢ᭄ᬬᬂᬢᬶᬫᬄᬳᬚᭀᬂᬩ᭄ᬲᬃᬧᬵᬚᬶᬬᬂᬫᬲᬶᬄᬗᬸᬗ᭄ᬓᬸᬮᬶᬦ᭄᭟ᬧᬸᬧᬸᬢ᭄ᬧᬗ᭄ᬭᬯᭀᬲ᭄ᬤᬶᬲᬫ᭄ᬯᬦ᭄ᬲᬵᬫ᭄ᬧᬸᬦ᭄ᬓᬢᬸᬃᬭᬶᬂᬲᬶᬭᬰ᭄ᬭᬷᬪᬹᬧᬢᬶᬲᬫᬶᬭᬢᬲᬫᬵᬜᬸᬫ᭄ᬧᬸᬢ᭄ᬦ᭄ᬥᬸᬦᬶᬦ᭄ᬭᬶᬂᬩᬜ᭄ᬘᬶᬗᬄᬧᬲ᭄ᬫᭂᬗᬦ᭄ᬚᬵᬢᬶᬫᬸᬜᬶᬓᬸᬮ᭄ᬓᬸᬮ᭄ᬩᬸ
ᬮᬸᬲ᭄ᬲᬂᬧ᭄ᬭᬪᬸᬲᬶᬭᬯᬸᬲ᭄ᬫ᭄ᬥᬮᬧᬵᬡ᭄ᬥᬶᬢᬚᬓ᭄ᬱᬫᬗᬶᬭᬶᬂ᭟ᬓᬯᬸᬮᬳᬓᬾᬄᬯᬸᬲ᭄ᬧ᭄ᬭᬵᬧ᭄ᬢᬧᬜᬭᬶᬓᬦ᭄ᬚᭂᬚᭂ᭠ᬦᭂᬂᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢᬶᬳᬢᬧ᭄ᬲᬳᬵᬢᬢᬵᬮᬸᬗ᭄ᬕᬸᬄᬢᬸᬮ᭄ᬬᬓᬤᬶᬭᬶᬂᬲᬸᬭᬢ᭄ᬫᬧ᭄ᬭᬦᬵᬫ᭄ᬬᬓᬶᬩᬮᬂᬢᬫᬓ᭄ᬯᬸᬲ᭄ᬭᬯᬸᬄᬓᬓᬦ᭄ᬢᬾ
ᬜᬓᬶᬕᬭᭀᬕᬓ᭄ᬲᬂᬧ᭄ᬭᬪᬸᬯ᭄ᬮᬲ᭄ᬳᬸᬲ᭄ᬮᬸᬫᬶᬭᬶᬂ᭟ᬅᬩᬗ᭄ᬓᬶᬢ᭄ᬲ᭄ᬫᬶᬢᬦᬾᬜᬜᬧ᭄ᬳᬲ᭄ᬫᬸᬕᬸᬬᬸᬤᬾᬦᬶᬭᬵᬦᬯ᭠ᬗᬓ᭄ᬱᬶᬲᬂᬦᬵᬣᬰᬷᬖ᭄ᬬᬳᬫᬸᬯᬸᬲ᭄ᬓᬩᬾᬄᬧᬸᬦᬂᬯᭀᬂᬧ᭄ᬭᬵᬧ᭄ᬢᬮᬄᬩᬩᬳᭂᬦ᭄ᬦᬷᬢᬶᬯ᭄ᬬᬵᬯᬭᬯᬶᬦᬸᬯᬸᬲ᭄ᬦᭀᬭᬓᬸᬤᬸ
ᬧ᭄ᬲᬵᬥᬸᬲᬶᬦᬂᬓᬵᬮᬶᬄᬳᬗ᭄ᬭᬲᬶᬦᬶᬬᬸᬓ᭄ᬢᬶ᭟ᬫᬵᬢᬸᬃᬧᬸᬦᬂᬧᬜᬭᬶᬓᬦ᭄ᬩᬮᬂᬢᬫᬓ᭄ᬦᬾᬫᬗ᭄ᬓᬶᬦ᭄ᬦ᭄ᬫᬸᬲᬶᬲᬶᬧ᭄ᬫ᭄ᬕᬢ᭄ᬫᬃᬕ᭄ᬕᬮᬸᬯᬲ᭄ᬗᬗ᭄ᬕᬸᬃᬯ᭄ᬗᬶᬦᬾᬧᬸᬦ᭄ᬫᬤᬫᬃᬤᬸᬓ᭄ᬫᬜᬶᬧᬶᬳᬶᬯᬦᬫᬲᬳᬸᬃᬳᬮᬸᬲ᭄ᬲᬶᬗ᭄ᬕᬶᬄᬢᬶᬢ᭄ᬬᬂᬫᬜᬤᭀᬓᬂ
[᭑᭙ 19 A]
ᬢᬶᬢ᭄ᬬᬂᬧᬢᬹᬦᬗ᭄ᬓᭂᬦ᭄ᬲᬶᬲᬶᬧ᭄᭟ᬫᬵᬃᬕ᭄ᬕᬤᬶᬚᬧ᭄ᬕᬢᬶᬢ᭄ᬬᬂᬦᬾᬦᬾᬤᬶᬩᬶᬓᬵᬮᬦᬶᬂᬤᬾᬰᬜᭂᬧᬶᬦᬶᬦᬲ᭄ᬚᬦ᭄ᬢᭂᬦᬂᬧᬶᬢᬸ᭠ᬳᬸᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦᬢᬲᬂᬫᬵᬃᬕ᭄ᬕᬩ᭄ᬘᬶᬓ᭄ᬫᬓᬵᬤᬶᬦᬾᬲᬸᬲᬸᬢ᭄ᬲᬸᬦᬸᬢ᭄ᬲᬂᬧ᭄ᬭᬪᬸᬲ᭄ᬯᬾᬘ᭄ᬙᬵᬗᬦ᭄ᬤᬶᬓᬵᬲᬮᬄᬫᬗᬭᭀᬦᬶ
ᬦ᭄ᬢᬚᬶ᭟ᬫᬵᬃᬕ᭄ᬕᬢᬶᬍᬄᬤᬮᬶᬄᬧ᭄ᬕᬢ᭄ᬫᬮᬶᬄᬢᬶᬗ᭄ᬓᬄᬫᬤᬫᬃᬲ᭄ᬥᭂᬓ᭄ᬜᭂᬧᬶᬓᬾᬦ᭄ᬓᬾᬦ᭄ᬳᬸᬩᬬᬦᬾᬤᬗᬹᬓᬶᬯᬦᬬᬫᬗᬸᬘᬧ᭄ᬲᭀᬩᬬᬦᬾᬚᬵᬢᬶᬫᬵᬢᬶᬕ᭄ᬦᬶᬢᬸᬳᬸᬲᬵᬫ᭄ᬧᬸᬦᬾᬫᬵᬢᬶᬬᬂᬢᬶᬢ᭄ᬬᬂᬳᬲᭀᬫ᭄ᬩᬄᬳᬧᬶᬦᬾᬫᬵᬢᬶ᭟ᬫᬮᬶᬄᬢᬶᬢ᭄ᬬᬂᬫ
ᬜᬤᭀᬓᬂᬦᬾᬦᬾᬢᬢᬲ᭄ᬮᬶᬫᬗ᭄ᬓᬸᬋᬦᬾᬲᬶᬲᬶᬧ᭄ᬦᬺᬩᬓ᭄ᬲᭂᬧᬾᬦ᭄ᬗᬸᬮᬸᬓᬸᬮᬸᬓ᭄ᬫᬾᬫᬾᬦ᭄ᬘ᭄ᬦᬶᬂᬢᬶᬢᬶᬕᬫᬗᬶᬤᬸᬧᬂᬳᬧᬶᬤᬶᬗᭂᬫ᭄ᬩᬓᬾᬓᬦ᭄ᬢᬸᬦ᭄ᬳᬶᬤᬸᬧ᭄ᬳᬧᬶᬳᬸᬮᬶᬄᬚᬕᬧᬸᬦᬶᬓᬵᬧᬂᬦ᭄ᬫᬸᬲᬶᬲᬶᬧ᭄᭟ᬫᬮᬶᬄᬳᬶᬩᭀᬫᬦ᭄ᬕᬮᬸᬗ᭄ᬕᬂ᭠
ᬫᬥᬾᬳᬫ᭄ᬧ᭄ᬬᬕ᭄ᬫᬤᬕᬂᬫᬤᬢ᭄ᬓᬵᬮᬶᬄᬦᬩᬸᬦ᭄ᬳᬶᬤᬸᬧ᭄ᬩᬸᬓᬢ᭄ᬮᬸᬦ᭄ᬢᭀᬤᬦᬾᬳᬧᬂᬦᭀᬣᬧᬜᬭᬶᬓᬦ᭄ᬲᬶᬲᬶᬧ᭄᭞ᬦᭀᬭᬦᬢᬲ᭄ᬮᬓᬸᬫᬮᬶᬄᬤᬸᬓᬾᬚᬕᬚᬕᬗᭂᬩᬂᬳᬸᬮᬫ᭄ᬧᬶᬢᬸᬂᬢ᭄ᬩᬶᬄ᭟ᬳᬸᬮᬫ᭄ᬲᬫ᭄ᬧᬶᬳᬢᬓᬶᬮᬦ᭄ᬲᬵᬫ᭄ᬧᬸᬦ᭄ᬢᬢ
Kaca:Bali-lontar-gaguritan-pan-balang-tamak-350ppi.pdf/19
Kaca puniki sampun kauji-wacén
