[᭑᭓ 13 B]
᭑᭓
ᬦ᭄ᬰᬹᬦ᭄ᬬᬫᬭᬢᬳᬶᬲᬸᬦ᭄ᬳᬯᬭᬄᬓᬂᬳᬬᬸᬢᬶᬗ᭄ᬓᬳᬶᬂᬪᬓ᭄ᬢᬶᬭᬶᬂᬤᬾᬯᬫᬢᬶᬫ᭄ᬧᬸᬗᬼᬲᬸᬳᬂᬩᬸᬤ᭄ᬥᬶᬲᬶᬩᬵᬬᬸᬧ᭄ᬭᬵᬡᬤᬾᬦ᭄ᬫ᭄ᬢᬸᬳ᭄ᬬᬂᬢ᭄ᬭᬶᬯᬶᬓ᭄ᬭᬫᬤᬾᬦ᭄ᬧᬹᬚᬷ᭟ᬳᬸᬦ᭄ᬢᬸᬦᬾᬬᭂᬫ᭄ᬲᬵᬫ᭄ᬧᬸᬦ᭄ᬕᬶᬗ᭄ᬲᬸᬮ᭄ᬫᬼᬕᬦᬲᬭᬲ᭄ᬯᬢᬶᬲᬦ᭄ᬤᬶᬧ᭠
ᬢᬶᬓᬢᭀᬦ᭄ᬫᬯᬵᬲ᭄ᬳᬕ᭄ᬦᬶᬢᬶᬩᬵᬭᬶᬂᬩᬜᬸᬤᬤᬶᬓᬸᬓᬸᬲ᭄ᬭᬶᬂᬓᭀᬭᬶᬧᬦ᭄ᬫᬦ᭄ᬤᬤᬶᬫᬵᬦᬹᬱᬰᬓ᭄ᬢᬶᬢᬗ᭄ᬓᬸᬧᬦᬢᬗᬦ᭄ᬢ᭄ᬮᬸᬗᬸᬢ᭄ᬧᬢᬶᬲ᭄ᬣᬶᬢᬶᬗᬪᬓ᭄ᬢᬶ᭟ᬲᬂᬲᬶᬦᭂᬫ᭄ᬩᬄᬓᬾᬥᭂᬧᬸᬢᬸᬲ᭄ᬭᬶᬂᬤ᭄ᬯᬤᬰᬵᬗ᭄ᬕᬸᬮᬲᬵᬭᬶᬂᬦᬾᬫᬦᭂᬫ᭄ᬩᬄ᭠
ᬚᬦ᭄ᬫᬲᬰᬶᬯᬢᬶᬕᬦᬾᬓᬸᬫᬸᬘᬸᬧ᭄ᬳᬦᬾᬂᬧᬤ᭄ᬫᬧᬣᬵᬭᬡᬢ᭄ᬭᬶᬬᬵᬓ᭄ᬱᬭᬫᬸᬦᬶᬧᬶᬦ᭄ᬢᬶᬕᬲᭂᬫ᭄ᬩᬄ᭠ᬦ᭄ᬬᬱᬸᬢᬸᬲ᭄ᬧᬸᬱ᭄ᬧᬓᬯᬗᬾᬦ᭄ᬲ᭄ᬓᬃᬫ᭄ᬭᬶᬓ᭄᭟ᬲᬶᬤ᭄ᬥᬰᬸᬤ᭄ᬥᬪᬓ᭄ᬢᬶᬳᬬᬸᬓᬪᬝᬭᬵᬦᬫ᭄ᬧᬾᬦᬶᬬᬚᬶᬦᬶᬂᬲᭂᬫ᭄ᬩᬳᬹᬢ᭄ᬢ
ᬫᬳᬵᬃᬤ᭄ᬥᬘᬦ᭄ᬤ᭄ᬭᬧᬤ᭄ᬫᬯᬶᬦ᭄ᬤᬸᬧᬣᬵᬭᬡᬦᬵᬤᬕᬸᬳ᭄ᬬᬲᬶᬗ᭄ᬕᬶᬄᬤᬾᬯᬢᬶᬢ᭄ᬬᬗᬶᬭᬶᬂᬦᬶᬭᬗ᭄ᬤᬓᬲᬶᬄᬮᬸᬫᬓᬸᬧ᭄ᬭᬵᬧ᭄ᬢᬾᬂᬓᬳ᭄ᬬᬗᬦ᭄ᬗᬪᬓ᭄ᬢᬶ᭟ᬢᬶᬗ᭄ᬓᬄᬪᬓ᭄ᬢᬶᬓᬺᬢᬲᬵᬫ᭄ᬧᬸᬦ᭄ᬦᬶᬭᬗ᭄ᬤᬫᬯᬦ᭄ᬢᬸᬦ᭄ᬫᬮᬶᬄᬳᬢ᭄ᬬᬦ᭄ᬢᬧᬹᬃᬡ᭄ᬦᬧ᭄ᬭᬡᬢᬲᬸᬓᬪᬡ
[᭑᭔ 14 A]
ᬭᬲᬶᬦᬸᬳᬸᬦ᭄ᬧ᭄ᬭᬵᬧ᭄ᬢᬶᬫᬭᬾᬗᬦᬓᬶᬭᬢᭀᬄᬮᬸᬫᬭᬶᬲ᭄ᬤᬾᬯᬲᬶᬗ᭄ᬕᬶᬄᬓᬶᬯᬮᬂᬢᬫᬓ᭄ᬮᬸᬫᬓᬸᬧ᭄ᬭᬵᬧ᭄ᬢᬾᬂᬤᬾᬰ᭠ᬧᬵᬮᬪᬸᬫᬶ᭟ᬚᬸᬫᬸᬚᬸᬕ᭄ᬭᬶᬗ᭄ᬳᬸᬫᬳᬶᬧᬸᬦ᭄ᬦᬶᬭᬗ᭄ᬤᬓᬵᬲᬶᬄᬭᬶᬫᬶᬳᬶᬦ᭄ᬫᬢᭂᬮᬄᬢᭂᬮᬄᬭᬶᬂᬗ᭄ᬳᬸᬫᬄᬓᬶᬯᬮᬂᬢᬫᬓ᭄ᬬ
ᬭᬯᬸᬄᬬᬓᬦ᭄ᬢᬾᬦᬦ᭄ᬳᬶᬕᬭᭀᬕᬓ᭄ᬦᬶᬭᬗ᭄ᬥᬮᬶᬗᬶᬭᬳᬭᬶᬲ᭄ᬳᬮᬸᬗ᭄ᬕᬸᬳᬳᬦᬓᬶᬲᬸᬦ᭄ᬲᬂᬓᬤᬶᬤᬾᬯᬦᬶᬂᬮᬶᬭᬶᬂ᭟ᬩᬮᬾᬫᬹᬃᬤ᭄ᬥᬫᬡᬶᬓ᭄ᬮᬸᬳᬸᬃᬳᬓᬮᬲᬲᬸᬢ᭄ᬭᬢᬗᬶᬕᬍᬂᬢᬸᬫ᭄ᬧᬸᬓ᭄ᬮᬗ᭄ᬲᬾᬧ᭄ᬝᬓ᭄ᬲᬂᬓᬶᬦᬾᬦ᭄ᬲᬵᬫ᭄ᬧᬸᬦᬮᬸᬗ᭄ᬕᬸᬄᬯ᭠
ᬲᬶᬢᬲᬸᬭᬸᬧᬶᬂᬲᬹᬃᬬ᭄ᬬᬭᬢ᭄ᬭᬶᬤᬾᬦᬶᬭᬕᬸᬫᬦ᭄ᬢᬶᬲᬵᬫᬧᬶᬦᬲᬂᬗᬓ᭄ᬧᬤ᭄ᬬᬸᬢ᭄ᬲᬶᬦᬫ᭄ᬩ᭄ᬭᬫᬤᬾᬭᬵᬗ᭄ᬭᬯᬶᬢ᭄᭟ᬪᭀ᭠ᬕᬧᬪᭀᬕᬯᬸᬲ᭄ᬭᬯᬸᬄᬲᬸᬫᬚᬶᬫᬳᬍᬧᬰ᭄ᬭᬶᬩᭂᬋᬫ᭄ᬳᬭᬓ᭄ᬱᬭᬶᬂᬚᬯᬲᬲᬗᬦᬦᬾᬮᬸᬫᬶᬦ᭄ᬢᬸᬓᬶᬯᬮᬂᬢᬫᬓ᭄᭠
ᬦᬥᬄᬮᬦ᭄ᬢᬶᬕᬭᭀᬕᬓ᭄ᬳᬫ᭄ᬪᬸᬓ᭄ᬢᬶᬫᬗ᭄ᬓᬾᬲᬶᬦᬮᬶᬦᬦ᭄ᬧᬸᬧᬸᬄᬫᬢᭂᬫ᭄ᬩᬂᬓᬧᬸᬗ᭄ᬓᬸᬭᬶᬓᬶ᭚᭜᭚ᬯᬸᬲᬦᬥᬄᬬᬕᬸᬮᬶᬗᬦ᭄ᬯᬸᬲᬫᬸᬘᬂᬲᬶᬭᬗ᭄ᬥᬲᬸᬫᬡ᭄ᬥᬶᬂᬧ᭄ᬭᬢᬫᬢᬸᬫᬸᬢᬸᬃᬢᬸᬢᬸᬃᬫᬓ᭄ᬯᬾᬄᬳᬦᬯᭀᬂᬧ᭄ᬭᬵᬧ᭄ᬢᬓᬧ᭄ᬭᬵᬗᬺᬗᬵᭂᬦᬶᬭᬗ᭄ᬥᬫᭀᬮᬶᬄᬯᭀᬂ
Kaca:Bali-lontar-gaguritan-pan-balang-tamak-350ppi.pdf/14
Kaca puniki sampun kauji-wacén
