Kaca puniki sampun kauji-wacén
[᭒ 2B]
᭒
ᬭᬶᬂᬲᬗ᭄ᬳ᭄ᬬᬂᬩᬸᬤ᭄ᬥᬰᬓ᭄ᬬᬫᬸᬦᬶ᭞ᬅᬧᬦ᭄ᬳᬶᬤᬵᬓᭀᬘᬧ᭄ᬓᬲᬸᬩ᭄᭞ᬚᬦ᭄ᬢᭀᬲᬂᬓᬱ᭄ᬬᬧᬢᬶᬕᬵ᭞ᬯᬶᬓᬸᬰᬓ᭄ᬢᬶ᭞ᬦᬶᬗ᭄ᬕᬮ᭄ᬳᬰ᭄ᬭᬫᬫ
ᬕᬸᬭᬸ᭞ᬲᬋᬂᬭᬶᬂᬧ᭄ᬭᬚ᭞ᬢᬶᬮ᭞ᬲᬸᬗ᭄ᬓᭂᬫ᭄ᬭᬶᬂᬳ᭄ᬬᬂᬰᬓ᭄ᬬᬫᬸᬦᬶ᭟᭐ᬲ᭄ᬭᬯᬸᬳᬾᬚᭃᬂᬩᬸᬤ᭄ᬥ᭞ᬲᬂᬯᬰᬶᬱ᭄ᬝ᭞ᬗᬯᬶᬢᬶᬦ᭄ᬫᬢᬸᬃᬕᭂᬮᬶᬲ᭄᭞
ᬢᬩᬾᬧᬓᬸᬮᬸᬦ᭄ᬲᬂᬯᬶᬓᬸ᭞ᬫᭀᬖ᭄ᬕᬲᬂᬪᬕᬯᬵᬦ᭄ᬲ᭄ᬯᬾᬘᬵ᭞ᬳᬫᬤᬗᬶ᭞ᬫᬦᬄᬢᬶᬢ᭄ᬬᬂᬓᬤᬶᬩᬶᬗᬸᬂ᭞ᬧ᭄ᬭᬕᬢ᭄ᬲ
ᬋᬂᬧᬓᬮᬶᬳᬦ᭄᭞ᬫᬺᬩᬸᬢᬶᬦ᭄ᬫᬃᬕ᭄ᬕᬦᬾᬚᬢᬶ᭟᭐ᬫᭀᬖ᭄ᬕᬚ᭄ᬯᬳᬶᬤᬾᬯᬓᬾᬦᬓ᭄᭞ᬫᬜᬶᬦᬬᬂ᭞ᬳᭂᬗ᭄ᬓᬾᬦᬺ
[᭓ 3A]
ᬲᬸᬚᬢᬶ᭞ᬫᬃᬕ᭄ᬕᬦᬾᬧᬢᬸᬢ᭄ᬢᬸᬳᬸᬢ᭄᭞ᬭᬯᬸᬄᬭᬶᬂᬳᬚᭃᬂᬳ᭄ᬬᬂᬩ᭄ᬭᬳ᭄ᬫᬵ᭞ᬯᬶᬢᬶᬂᬉᬭᬶᬧ᭄᭞ᬦᬾᬓᬭᬸᬭᬸᬄᬭᬶᬂᬧᬭ
ᬯᬶᬓᬸ᭞ᬭᬯᬸᬳᬶᬂᬉᬭᬶᬧ᭄ᬲᬫ᭄ᬬᬦ᭄᭞ᬲᬂᬲᬗ᭄ᬓᬦ᭄ᬧᬭᬦᬶᬂᬉᬭᬶᬧ᭄᭟᭐ᬲᬂᬲᬸᬕᬢ᭄ᬣᬭᬭᬶᬲ᭄ᬗᬦ᭄ᬤᬶᬓ᭞ᬤᬸᬄᬩ᭄ᬭᬳ᭄ᬫᬵᬡ᭞ᬚ
ᬢᬶᬲᬸᬓᬶᬮ᭄ᬫᬃᬕ᭄ᬕᬳᬶᬓᬶ᭞ᬳᬧᬵᬫᬸᬮᬦᬾᬓᬭᬸᬭᬸᬄ᭞ᬳᬦ᭄ᬢᬸᬓ᭄ᬧᬭᬯᬶᬓᬸᬲᬫ᭄ᬬᬦ᭄᭞ᬲᬓᬶᬂᬓᬯᬶᬢ᭄᭞ᬓᬬᬂᬫᬗ᭄ᬓᬶ
ᬦ᭄ᬤᬸᬭᬸᬂᬧᬗ᭄ᬕᬸᬄ᭞ᬳᬧᬵᬦᬾᬭᬸᬭᬸᬄᬢᬦ᭄ᬲᬶᬦᬄ᭞ᬗᬮᬶᬄᬩᬳᬦ᭄ᬗᬤᬩ᭄ᬳᬤᬩᬶᬦ᭄᭟᭐ᬧᬶᬤᬕᬶᬂᬳᬶᬤᬵᬳ᭄ᬬᬂᬩ᭄ᬭᬳ᭄ᬫᬵ᭞ᬜᬾ
