Kaca puniki sampun kauji-wacén
[᭒᭐ 20B]
᭒᭐
ᬧᬂᬢᬯᬂ᭞ᬫᬗ᭄ᬤᬾᬲᬶᬦᬄᬩᬦ᭄ᬘᭂᬦᬶᬂ᭞ᬜᬾᬦ᭄ᬢᭀᬚᬦᬶᬦᬶᬂᬘ᭄ᬦᬶᬂ᭞ᬦᬾᬓᬸᬓᬸᬳᬶᬦ᭄ᬳᬭᬦ᭄ᬳᬶᬓᬸ᭞ᬫᬓᭂᬚᬂᬢᬕᬶᬄᬬᬕ᭄ᬮᬳᬂ᭞ᬳᭂᬗ᭄ᬓᬾ
ᬦ᭄ᬓᬾᬫᬤᬦ᭄ᬘᬶᬭᬶ᭞ᬳᬶᬲᬶᬲᬸᬫ᭄ᬲᬸᬫ᭄᭞ᬳᬶᬲᬶᬦ᭄ᬚ᭄ᬭᭀ᭞ᬓᬸᬮᬶᬢ᭄ᬢᬸᬮᬂ᭟᭐ᬲᬗ᭄ᬓᬦ᭄ᬘᭂᬦᬶᬂᬫ᭄ᬭᬸᬧᬚᬦ᭄ᬫᬵ᭞ᬳᬤᬫ᭄ᬭᬾᬓᬵᬩᬸᬓᬚᬦᬶ᭞ᬢ᭄ᬯᬄ
ᬘᬶᬢ᭄ᬢᬦ᭄ᬢᭀᬗᬫ᭄ᬩᬸᬭᬂ᭞ᬳᬶᬥᭂᬧᬾᬭᬸᬧᬬᬂᬘ᭄ᬦᬶᬂ᭞ᬳᬚ᭄ᬜᬵᬦᬧᬮᬫᬓᬵᬃᬤ᭄ᬥᬶ᭞ᬦᬾᬗ᭄ᬭᬾᬓᬯᬢᭂᬓᬶᬂᬳᬶᬤᬸᬧ᭄᭞ᬤᭃᬜᭂᬦ᭄ᬗᬸᬕᬸᬳ
ᬢ᭄ᬫᬵ᭞ᬦᬾᬫᬜᬶᬧ᭄ᬢᬵᬭᬕᬦ᭄ᬘᭂᬦᬶᬂ᭞ᬤᭃᬜᭂᬦ᭄ᬗᬸᬕᬸ᭞ᬳᬦᬓ᭄ᬯᬶᬓᬦ᭄ᬜᬸᬧᬢ᭄ᬢᬶᬫ᭄ᬧᬮ᭄᭟᭐ᬤᬾᬯᬾᬓᬾᬲᬼᬕᬂᬳᬸᬭᬸᬓᬂ᭞ᬤᬩ᭄ᬤ
[᭒᭑ 21A]
ᬩᬂᬗ᭄ᬭᬾᬓᬵᬧᬂᬩ᭄ᬘᬶᬓ᭄᭞ᬤᬵᬗᬦ᭄ᬤᬶᬮ᭄ᬧᬗ᭄ᬮᬸᬓᬢ᭄ᬳᬦᬓ᭄᭞ᬅᬧᬦ᭄ᬲᬂᬢᬢᬶᬕᬍᬯᬶᬄ᭞ᬢᬦ᭄ᬯᭂᬦᬂᬫᬫᬺᬰᬶᬳᬶᬦ᭄᭞ᬧᬘᬂᬫᬢᬸᬚ᭄ᬯᬶᬦ᭄ᬭᬸ
ᬭᬸᬂ᭞ᬫᬃᬕ᭄ᬕᬰᬹᬦ᭄ᬬᬓᬍᬧᬲᬦ᭄᭞ᬰᬭᬡᬚᬦᬶᬘᭂᬦᬶᬂ᭞ᬩᬦᬶᬦᬸᬳᬸᬢ᭄᭞ᬫᬓ᭄ᬮᬾᬲᬓᬶᬂᬓᬍᬢᭂᬳᬦ᭄᭟᭐ᬲᬂᬫᬭᬭᬯᬸᬳᬶᬂ
ᬩᬮᬵ᭞ᬬᬾᬓᬮ᭄ᬯᬶᬃᬕᭀᬤᬦᬾᬲᬫᬶ᭞ᬍᬫᭂᬢ᭄ᬭᬱᬢᬦ᭄ᬧᬢᬸᬮᬂ᭞ᬢᬦ᭄ᬓᬯ᭄ᬦᬂᬫᬓ᭄ᬱᬘ᭄ᬦᬶᬂ᭞ᬬᬦ᭄ᬘᭂᬦᬶᬂᬕ᭄ᬮᬶᬂᬫᬫᬃᬕ᭄ᬕᬶ᭞ᬢ᭄ᬯᬭᬵᬧᬘᬂᬫ᭄ᬭᬱ
ᬢᬸᬬᬸᬄ᭞ᬬᬦ᭄ᬫᬗ᭄ᬓᬺᬕ᭄ᬬᬤᬶᬚᬮᬦ᭄᭞ᬧᭂᬤᬲ᭄ᬳᬾᬗ᭄ᬕᭂᬮ᭄ᬓᭂᬜᭂᬮ᭄ᬘ᭄ᬦᬶᬂ᭞ᬳᬶᬓᬵᬮᬩᬶᬗᬸᬂ᭞ᬧᭂᬤᬲ᭄ᬧᬲᬂᬫᬮᬶᬧᭂᬢᬦ᭄᭟᭐ᬬᬦ᭄ᬘᭂᬦᬶᬂᬫ
