[᭘᭒ 82B]
᭘᭒᭟
᭐᭟ᬳᬸᬦ᭄ᬢᬢ᭄ᬧᬸᬦᬶᬓᬓ᭄ᬭᬾᬢᬤᭀᬓᬃ᭞ᬧᬥᬫᬪᬹᬱᬡᬍᬯᬶᬄ᭞ᬓᬢᬄᬳᬶᬧᬸᬦ᭄ᬲᭂᬢᬂᬤᬰ᭞ᬲᬫᬶᬮᬶᬗ᭄ᬕᬶᬄᬧᬭᬭᬢᬸ᭞ᬓᬮᬶᬄᬧᬭᬧ᭄ᬭᬫᬾᬰ᭄ᬯᬃᬬ᭄ᬬ᭞ᬧᬸᬢ᭄ᬭᬧᬸᬢ᭄ᬭᬷ᭞ᬓᬮᬶᬄᬭᬩᬶᬦᬶᬂᬧᬸᬗ᭄ᬕᬯ᭟᭜᭟
ᬧᬸᬗ᭄ᬕᬯᬦᬾᬦᬸᬗ᭄ᬕᬂᬓᬸᬤ᭞ᬧᬶᬗᬗ᭄ᬕᬾᬦᬾᬫᬯᬃᬡ᭄ᬦᬶᬯᬃᬡ᭄ᬦᬶ᭞ᬢᭂᬓᬦᬶᬂᬫᬫᬲ᭄ᬳᬶᬭᬶᬗᬦ᭄᭞ᬳᬶᬋᬂᬳᬩᬵᬂᬳᬶᬚᭀᬪᬶᬭᬸ᭞ᬫᬧᭀᬦ᭄ᬢᬂᬫᬩᬸᬮᬸᬦ᭄ᬫᬺᬓ᭄᭞ᬧᬶᬢᬸᬂᬩᬗ᭄ᬲᬶᬢ᭄᭞ᬳᬶᬭᬶᬗᬦ᭄ᬧ᭄ᬭᬭᬢᬸᬲ
ᬫ᭄ᬬᬦ᭄᭟᭜᭟ᬧᬸᬗ᭄ᬓᬭᬦ᭄ᬕᭀᬂᬫᬜᭂᬮᬕ᭄᭞ᬧᭂᬢᬂᬩᬭᬸᬂᬲᬫᬶᬜᬓᬢᬶ᭞ᬓᬸᬲᬸᬦ᭄ᬤᬸ᭠ᬮ᭄ᬩᬳᬦ᭄ᬩᬭᬶᬲᭂᬫᬂ᭞ᬕᭂᬮᬸᬂᬍᬗᬃᬫᬩᬸᬗ᭄ᬳᬧᬸᬘᬸᬓ᭄᭞ᬫᬲᬧᬸᬢ᭄ᬲᭀᬮᬾᬂᬧᬦ᭄ᬤᬮᬦ᭄᭞ᬩᬚᬸᬭ
ᬗ᭄ᬤᬶ᭞ᬫᬲᬫ᭄ᬩᬬᬸᬢ᭄ᬕ᭄ᬭᬶᬗ᭄ᬲᬶᬂᬯᬬᬂ᭟᭜᭟ᬫᬲᭀᬮᬄᬲᬫ᭄ᬩᬶᬮ᭄ᬫᬚᬮᬦ᭄᭞ᬗᬗ᭄ᬕᬃᬧᭂᬤᬂᬧᬤᬤᬶᬂᬓ᭄ᬮᬶᬂ᭞ᬳᬮᭀᬓᬮᭀᬓ᭄ᬜᬦᬾᬗᬾᬫ᭄ᬩᭀ᭞ᬤᬶᬧᬸᬗ᭄ᬓᬸᬭᬦ᭄ᬕᬸᬲ᭄ᬢᬶᬤᭂᬫᬸᬂ᭞ᬓᬮᬶᬄ᭠
[᭘᭓ 83A]
ᬮᬯᬦ᭄ᬕᬸᬲ᭄ᬢᬶᬤᭂᬫᬂ᭞ᬯᭀᬓ᭄ᬩᭂᬭᬶᬲ᭄᭞ᬯᬃᬡ᭄ᬦᬦᬾᬫᬗᬺᬲᬂᬘᬶᬢ᭄ᬢ᭟᭜᭟ᬫᬪᬹᬱᬡᬲᬫᬶᬳᬩᬵᬂ᭞ᬯᬲ᭄ᬢ᭄ᬭᬧᭂᬝᬓ᭄ᬩᬸᬘᬸᬭᬗ᭄ᬤᬶ᭞ᬓᬫ᭄ᬧᬸᬄᬲᬸᬢ᭄ᬭᬧᭀᬮᬾᬂᬧᬦ᭄ᬤᬮᬦ᭄᭞ᬫᬘᬯᬢ᭄ᬫ
ᬲᬫ᭄ᬩᬬᬸᬢ᭄᭞ᬩᬦ᭄ᬤᬓᭀᬰᬧᭀᬮᬾᬂᬩᬭᬓ᭄᭞ᬫᬸᬭᬸᬩ᭄ᬗᭂᬦ᭄ᬤᬶᬄ᭞ᬓᬢᭀᬦ᭄ᬓᬤᬶᬕᬸᬦᬸᬂᬪᬱ᭄ᬫ᭟᭜᭟ᬓᬲᬸᬦ᭄ᬤᬸᬮ᭄ᬩᬳᬦᬶᬓᬦᬸᬃᬯ᭄ᬯᬦ᭄᭞ᬓᬮᬶᬳᬦᬶᬭᬗ᭄ᬕᬭᬳᬶ᭞ᬧᬥᬫᬦᭂᬕᬓᬶᬦ᭄ᬚᬭ
ᬦ᭄᭞ᬧᬗᬗ᭄ᬕᭀᬦᬾᬧᬸᬢᬶᬄᬢᭂᬭᬸᬲ᭄᭞ᬫᬧᬚᭂᬂᬧᬸᬢᬶᬄᬓᭂᬫ᭄ᬩᬃ᭞ᬫ᭄ᬯᬂᬧᬗᬯᬶᬦ᭄᭞ᬫᬩᬦ᭄ᬤᬾᬭᬧᬸᬢᬶᬄᬫᬓᭂ᭟᭜᭟ᬢᭂᬭᬸᬲ᭄ᬧᬸᬢᬶᬄᬢᭂᬓᬦᬶᬂᬧᬜ᭄ᬚᬓ᭄᭞ᬧᬗᬗ᭄ᬕᭀᬦᬾᬲᬫᬶᬧᬸᬢᬶᬄ
᭞ᬢᭂᬓᬦᬶᬂᬧᬭᬓᭂᬮ᭄ᬬᬦ᭄᭞ᬫᬫᬸᬢᬶᬄᬲᬓᬤᬶᬓᬸᬦ᭄ᬢᬸᬮ᭄᭞ᬤᬸᬮᬸᬭᬶᬦᬕᭀᬂᬩᬩᭀᬦᬗᬦ᭄᭞ᬫᬗᬺᬦ᭄ᬢᭂᬩᬶᬦ᭄᭞ᬫᬗᬢᭂᬳᬂᬩᬭᬶᬲ᭄ᬧᭂᬜ᭄ᬘᬓ᭄᭟᭜᭟ᬫᬲᭀᬮᬄᬲᬫ᭄ᬩᬶᬮ᭄ᬫᬚᬮ᭠
Kaca:Bali-lontar-gaguritan-pakangraras-02-300ppi.pdf/83
Kaca puniki sampun kauji-wacén
