[᭗᭕ 75B]
᭗᭕᭟
ᬕᬚᬄᬫᬘᬦ᭄ᬲᬶᬗ᭄ᬳᬯᬭᬓ᭄᭞ᬧᬧᬶᬦ᭄ᬤᬦ᭄ᬗᭀᬚᭀᬕ᭄ᬕᭂᬥᬾᬘ᭄ᬭᬶᬓ᭄᭞ᬩᬃᬯ᭄ᬯᬂᬓᬮᬯᬵᬦ᭄ᬩᬭᭀᬂ᭞ᬮ᭄ᬬᬦ᭄ᬧᬧᬶᬦ᭄ᬤᬦ᭄ᬦᬕᬳᬕᬸᬂ᭞ᬩᬶᬭᬶᬩ᭄ᬫᬜᭂᬫ᭄ᬩᬸᬭᬂᬯᬶᬱ᭞ᬲᬸᬫᬶᬭᬵᬢ᭄ᬓᬸᬦᬶᬂ᭞ᬢᬸᬯᬶᬓᬾᬢᭀ
ᬬᬾᬦᬸᬧᬫ᭟᭜᭟ᬕᭂᬮᬶᬲ᭄ᬓᭀᬘᬧ᭄ᬓᬮᬶᬄᬤᬶᬦ᭞ᬧ᭄ᬭᬫᬾᬰ᭄ᬯᬭᬷᬭᬤᬾᬦ᭄ᬫᬦ᭄ᬢ᭄ᬭᬷ᭞ᬮᬸᬗ᭄ᬳᬭᬭᬶᬲ᭄ᬓᬭᬾᬧᭀᬕᬾᬫ᭄ᬩᭀᬂ᭞ᬫᬭᬦᬶᬦ᭄ᬭᬳᬤᬾᬦ᭄ᬕᬮᬸᬄ᭞ᬧᬘᬂᬫᭂᬦ᭄ᬤᬓᬶᬦ᭄ᬳᬚᬷᬦ᭄ᬤ᭞ᬦᬵᬣᬓᬤᬾᬭᬷ
ᬓᬮᬶᬄᬮᬦ᭄ᬧ᭄ᬭᬫᬾᬰ᭄ᬯᬃᬭᬶᬸᬂᬬ᭄ᬬ᭟᭜᭟ᬲᬭᬯᬸᬄᬳᬶᬤᬳᬶᬭᬶᬓ᭞ᬓᬯᬸᬯᬸᬲᬦ᭄ᬭᬤᬾᬦ᭄ᬤᬾᬯᬷ᭞ᬓᬳᬶᬭᬶᬂᬤᬾᬦᬶᬂᬧᬜ᭄ᬚ᭄ᬭᭀᬯᬦ᭄᭞ᬦᬶᬯᬬᬦ᭄ᬳᬮᬶᬢ᭄ᬭᬶᬂᬳᬬᬸᬦ᭄᭞ᬓᬕᬾᬢ᭄ᬧ᭄ᬭᬫᬾᬰ᭄ᬯᬭᬷ
ᬧ᭄ᬭᬧ᭄ᬢ᭞ᬭᬤᬾᬦ᭄ᬤᬾᬯᬷ᭞ᬓᬕ᭄ᬬᬢ᭄ᬕᭂᬮᬶᬲ᭄ᬫᬜᭂᬫ᭄ᬩᬄ᭟᭜᭟ᬰ᭄ᬭᬷᬧ᭄ᬭᬫᬾᬰ᭄ᬯᬭᬶᬗᬦ᭄ᬤᬶᬓ᭞ᬦᬦᬓ᭄ᬕᬮᬸᬄᬩ᭄ᬬᬂᬫᬶᬳᬸᬦᬶᬂ᭞ᬳᬚᬶᬦ᭄ᬦᬦᬓ᭄ᬫ᭄ᬯᬄᬳᬶᬩ᭄ᬬᬂ᭞ᬲᬦᬾᬚᬦᬶᬧᬘᬂᬭᬯᬸᬄ᭞ᬫᬃᬕ᭄ᬕᬶᬦᬦᬓ᭄ᬲ
[᭗᭖ 76A]
ᬋᬂᬩ᭄ᬬᬂᬫᬫᭂᬦ᭄ᬤᬓᬶᬦ᭄᭞ᬭᬶᬂᬧᬦᭂᬧᬶᬦ᭄ᬤᬾᬰᬦᬾᬓᬚ᭟᭜᭟ᬭᬵᬓᬦ᭄ᬦᬦᬓ᭄ᬤᬶᬚᬩᬬᬦ᭄᭞ᬧᬸᬗ᭄ᬕᬯᬫᬶᬯᬄᬳᬶᬧᬢᬶᬄ᭞ᬓᬮᬶᬄᬓᬯᬸᬮᬧᬋᬓᬦ᭄᭞ᬭᬤᬾᬦ᭄ᬤᬾᬯᬷᬕᭂᬮᬶᬲ᭄ᬫᬢᬸᬃ᭞
ᬢᬶᬢ᭄ᬬᬂᬗᬶᬭᬶᬂᬭᬢᬸᬩ᭄ᬬᬂ᭞ᬕᭂᬮᬶᬲ᭄ᬫᬶᬚᬶᬮ᭄᭞ᬗᬶᬭᬶᬂᬳᬶᬤᬧ᭄ᬭᬫᬾᬰ᭄ᬯᬃᬬ᭄ᬬ᭟᭜᭟ᬓᬘᬭᬶᬢᬫᬭᬶᬂᬫᬃᬕ᭄ᬕ᭞ᬤᬩ᭄ᬤᬩ᭄ᬧᬫᬃᬕ᭄ᬕᬦᬾᬩᭂᬘᬶᬓ᭄᭞ᬲᬓ᭄ᬱᬢ᭄ᬪᬝᬭᬷᬓᬸᬦ᭄ᬢᬷᬭᬵᬚ᭞ᬓᬳᬶᬭᬶᬂᬳᬦ᭄ᬢᬸᬓᬶᬫᬦ᭄ᬢᬸ
ᬢᬦ᭄ᬮ᭄ᬬᬦ᭄ᬤᬾᬯᬷᬲᬸᬪᬤ᭄ᬭ᭞ᬭᬤᬾᬦ᭄ᬫᬦ᭄ᬢ᭄ᬭᬷ᭞ᬉᬧᬫ᭄ᬬᬂᬲᬂᬅᬃᬚ᭄ᬚᬸᬦ᭟᭜᭟ᬧᬢᬶᬄᬫᬦ᭄ᬢ᭄ᬭᬷᬢᬦ᭄ᬓᬳᬸᬘᬧ᭄᭞ᬲᬵᬫ᭄ᬧᬸᬦ᭄ᬦᬫ᭄ᬧᭂᬓ᭄ᬭᬶᬂᬧᬦᭂᬧᬶ᭞ᬧᬫᬃᬕ᭄ᬕᬶᬦᬾᬳᬮᭀᬦ᭄ᬳᬮᭀᬦ᭄᭞ᬲᬯᬢᬭᬤᬯᬸᬄ
ᬧᬶᬢᬸ᭞ᬲᬂᬧ᭄ᬭᬪᬸᬓᬤᬾᬭᬷᬧ᭄ᬭᬧ᭄ᬢ᭞ᬧ᭄ᬭᬫᬾᬰ᭄ᬯᬭᬷ᭞ᬧᬢᬶᬄᬧᬸᬗ᭄ᬕᬯᬫᬗᬶᬭᬶᬗᬂ᭟᭜᭟ᬩᬬᬦ᭄ᬲᬗ᭄ᬳᬶᬢ᭄ᬢ᭄ᬯᬭᬧᬲᬄ᭞ᬭᬶᬂᬧ᭄ᬭᬫᬾᬲᬶᬸᬂᬰ᭄ᬯᬭᬷᬓᬤᬾᬭᬷ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬧᬗᬸᬦᭂᬗᬦ᭄᭞ᬓ
Kaca:Bali-lontar-gaguritan-pakangraras-02-300ppi.pdf/76
Kaca puniki sampun kauji-wacén
