Kaca:Bali-lontar-gaguritan-pakangraras-02-300ppi.pdf/42

[᭔᭑ 41B]
᭔᭑᭟
ᬓᬺᬢᬶ᭞ᬳᬶᬬᬤᬶᬤᬾᬯᬷᬫᬲᬶᬄᬢᬦ᭄ᬯᬶᬓᬦ᭄᭟᭜᭟ᬦᬶᬭᬤᬦᬶᬦ᭄ᬧᬓᬂᬭᬭᬲ᭄᭞ᬢ᭄ᬯᬂᬚ᭄ᬭᭀᬦᬾᬫᬗᬢᬳᬶᬦ᭄᭞ᬳᬶᬧᬸᬦ᭄ᬢᬫᬳᬢᬸᬃᬳᬮᭀᬦ᭄᭞ᬗᬸᬤᬭᬢᬸᬗᬓᬸᬩᬸᬤᬸᬄ᭞ᬧᬢᬹᬢ᭄ᬢ᭄ᬯᬄ
ᬭᬢᬸᬲᬾᬤ᭞ᬓᬧᭀᬕᬦ᭄ᬢᬶ᭞ᬫᬫᬢᬹᬢᬂᬢ᭄ᬯᬭᬲᬾᬤ᭟᭜᭟ᬳᬶᬗ᭄ᬕᬶᬄᬫᬗ᭄ᬓᬶᬦ᭄ᬧᬓᬬᬸᬦᬦ᭄᭞ᬢᬶᬢ᭄ᬬᬂᬜᬥ᭄ᬬᬪᬓ᭄ᬢᬶᬗᬶᬭᬶᬂ᭞ᬭᬶᬂᬓᬤᬶᬭᬶᬢᬶᬢ᭄ᬬᬂᬫᬲᬥ᭄ᬬ᭞ᬓᬚᬗ᭄ᬕᬮᬢᬶᬢ᭄ᬬᬂᬜᬸᬯᬸᬦ᭄᭞
ᬭᬤᬾᬦ᭄ᬫᬦ᭄ᬢ᭄ᬭᬷᬫᬗᬦ᭄ᬤᬶᬓ᭞ᬚᬮᬦ᭄ᬫᬸᬮᬶᬄ᭞ᬳᬸᬮᬶᬚᬸᬫᬄᬚᬮᬦ᭄ᬤᬩ᭄ᬤᬩᬂ᭟᭜᭟ᬢᬸ᭠ᬫᬸᬮᬶᬭᬭᬶᬲ᭄ᬫᬫᬃᬕ᭄ᬕ᭞ᬧᬋᬓᬦᬾᬢᬶᬕᬗᬶᬭᬶᬂ᭞ᬢᬦ᭄ᬘᬭᬶᬢᬮᬫ᭄ᬧᬄᬭᬳᬤ᭄ᬬᬦ᭄᭞ᬓᬯᬸᬯᬸᬲᬦ᭄ᬭᬳ
ᬤᬾᬦ᭄ᬕᬮᬸᬄ᭞ᬓᬬᬸᬦᬾᬢᬦ᭄ᬓᭂᬦᬾᬂᬧᬲᬄ᭞ᬭᬶᬂᬢ᭄ᬯᬦ᭄ᬫᬦ᭄ᬢ᭄ᬭᬷ᭞ᬮᬷᬮᬬᬂᬢᭀᬂᬤᬤᬶᬮᬶᬧ᭄ᬬ᭟᭜᭟ᬲᭂᬩᭂᬢ᭄ᬲᭂᬓ᭄ᬱᭂᬓ᭄ᬧᬓᬬᬸᬦᬦ᭄᭞ᬫᬾᬭᬗᬾᬢᬦ᭄ᬲᬶᬦᬶᬧᬶ᭞ᬢᬦ᭄ᬧᭂᬕᬢ᭄ᬫᬶᬚᬶᬮ᭄ᬬᬾᬄᬧᬦᭀᬦ᭄᭞
[᭔᭒ 42A]
ᬲᬗ᭄ᬓᬸᬯᬸᬩᬾᬲᬫᬶᬩᭂᬮᬸᬲ᭄᭞ᬫᬶᬯᬄᬧᬜ᭄ᬚ᭄ᬭᭀᬯᬦ᭄ᬲᬢᬸᬗ᭄ᬕᬮ᭄᭞ᬫᬶᬮᬸᬲᭂᬤᬶᬄ᭞ᬗᭂᬢᭀᬦ᭄ᬕᬸᬲ᭄ᬢᬶᬦᬾᬲᬸᬗ᭄ᬓᬯ᭟᭜᭟ᬧᬜ᭄ᬚ᭄ᬭᭀᬯᬦ᭄ᬫᬭᬫᭂᬦᬾᬓ᭄ᬩᬚᬂ᭞ᬫᬯᬱ᭄ᬝᬦᬶᬯᬬᬢᬮᬶᬢ᭄᭞ᬕᭀᬩᬢ
ᬦ᭄ᬤᬂᬲᬧᬢᬹᬢᬦ᭄᭞ᬢᬦ᭄ᬲᬄᬭᬶᬂᬭᬤᬾᬦ᭄ᬕᬮᬸᬄ᭞ᬢᬸᬫᭀᬦ᭄ᬭᬶᬂᬢᬶᬗ᭄ᬓᬄᬦᬶᬩᬬᬦ᭄᭞ᬲᬓᬶᬢ᭄ᬳ᭠ᬢᬶ᭞ᬧᬋᬓ᭄ᬫᬢᬸᬃᬭᬶᬂᬲᬂᬦᬵᬣ᭟᭜᭟ᬦᬶᬳᬮᬶᬢ᭄ᬭᬭᬶᬲ᭄ᬗᬢᬸᬭᬂ᭞ᬭᬶᬂᬳᬶᬤᬭᬳᬤᬾᬦ᭄ᬤᬾᬯᬷ᭞
ᬭᬢᬸᬳᬬᬸᬢᬶᬢ᭄ᬬᬂᬗᬸᬦᬶᬗ᭞ᬦᬶᬩᬬᬦᬶᬧᬸᬦ᭄ᬫᬳᬢᬸᬃ᭞ᬭᬶᬂᬳᬚᬶᬦ᭄ᬘᭀᬓᭀᬃᬳᬶᬤᬾᬯ᭞ᬓ᭄ᬭᬡᬫᬗ᭄ᬓᬶᬦ᭄᭞ᬳᬶᬧᬓᬂᬭᬭᬲ᭄ᬫᬢᬶᬗ᭄ᬕᬮ᭄᭟᭜᭟ᬭᬤᬾᬦ᭄ᬕᬮᬸᬄᬗᬸᬕᬸᬧᬯᭂᬓᬲ᭄᭞ᬕᭂᬮᬶᬲ᭄ᬗᬦ᭄ᬤᬶᬓᬭᬶᬂ
ᬦᬶᬲᬗ᭄ᬳᬶᬢ᭄᭞ᬲᬗ᭄ᬳᬶᬢ᭄ᬓᭂᬫᬳᬮᬶᬄᬦᬶᬩᬬᬦ᭄᭞ᬦᬶᬲᬗ᭄ᬳᬶᬢ᭄ᬫᬦᭂᬫ᭄ᬩᬄᬫᬢᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬦᬶᬩᬬᬦ᭄ᬓᬧᬗ᭄ᬕᬶᬄᬭᬶᬂᬓ᭄ᬭᬦ᭄ᬤᬦ᭄᭟᭜᭟ᬳᭂᬫ᭄ᬩᭀᬓ᭄ᬩᬬᬦ᭄ᬢ᭄ᬬᬂ