[᭒᭓ 23B]
᭒᭓
ᬤᬾᬦ᭄ᬕᬮᬸᬄ᭞ᬲᬵᬫ᭄ᬧᬸᬦᬶᬤᬫᬰᬸᬘ᭄ᬬᬦ᭄᭞ᬓᭂᬘᬸᬤ᭄ᬓᬸᬦᬶᬂ᭞ᬓᬤᬶᬩᬸᬮᬦ᭄ᬓᬭᬳᬶᬦᬦ᭄᭟᭜᭟ᬭᬭᬶᬲ᭄ᬳᬶᬤᬫᬗᬦ᭄ᬤᬶᬓ᭞ᬜᬾᬦ᭄ᬢᭀᬤᬶᬢᬸᬘ᭄ᬭᬶᬓ᭄ᬘ᭄ᬭᬶᬓ᭄᭞ᬓᭂᬫᬳᬮᬶᬄᬳᬶᬧᬓᬂᬭᬭᬲ᭄᭞ᬦᬶᬭᬫᬗᬚ
ᬳᬶᬦ᭄ᬧᬸᬧᬸᬄ᭞ᬧᬸᬧᬸᬄᬓᬶᬤᬸᬂᬚᬬᬾᬂᬇᬦ᭄ᬤ᭄ᬭᬶᬬ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬧᬜ᭄ᬚ᭄ᬭᭀᬯᬦᬾᬗᬚᬩᬬᬂ᭟᭜᭟ᬲᬢᭂᬓᬦᬾᬫᬭᬶᬂᬭᬗ᭄ᬓ᭄ᬬ᭞ᬭᬳᬤ᭄ᬬᬦ᭄ᬯᬯᬸᬫᬢᬗᬶ᭞ᬦᬶᬰᭀᬓᬫᬰᬩ᭄ᬤᬳᬮᭀᬦ᭄᭞ᬭᬯᬸᬄᬢᬶ
ᬢ᭄ᬬᬗᬾᬓᬳᬸᬢᬸᬲ᭄᭞ᬳᬶᬕᬸᬲ᭄ᬢᬶᬦ᭄ᬤᬶᬓᬬᬂᬓᬧᬸᬭ᭞ᬲᬦᬾᬫᬗ᭄ᬓᬶᬦ᭄᭞ᬭᬢᬸᬳᬬᬸᬗᬦ᭄ᬤᬶᬓᬬᬂ᭟᭜᭟ᬲᬸᬫᬯᬸᬃᬳᬶᬤᬭᬳᬤ᭄ᬬᬦ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬓᬭᬶᬫᬲᬸᬕᬶ᭞ᬯᬸᬲ᭄ᬫᬲᬸᬕᬶᬜᬸᬗ᭄ᬕᬃᬭᭀᬫ᭞ᬯᬃ
ᬡ᭄ᬦᬦᬾᬓᬯᭀᬢ᭄ᬲᬸᬫᬸᬦᬸᬂ᭞ᬯᬸᬲᬦ᭄ᬫᬳ᭄ᬬᬲ᭄ᬗᬶᬦᬂᬲᭂᬥᬄ᭞ᬕ᭄ᬮᬶᬲ᭄ᬫᬫᬃᬕ᭄ᬕᬶ᭞ᬧᬜ᭄ᬚ᭄ᬭᭀᬯᬦᬾᬫᬗᬶᬭᬶᬗᬂ᭟᭜᭟ᬕ᭄ᬮᬶᬲ᭄ᬭᬯᬸᬄᬳᬶᬤᬤᬶᬧᬸᬭ᭞ᬕᬯᭀᬓ᭄ᬲᬓ᭄ᬯᬾᬳᬶᬂᬯᭀᬂᬧᬸᬭᬷ᭞ᬕᭀᬩᬦᬾᬢ᭄ᬯᬭ
[᭒᭔ 24A]
ᬤᬓᬲᭀᬃ᭞ᬭᬶᬂᬯᬃᬡ᭄ᬦᬦᬾᬭᬤᬾᬦ᭄ᬕᬮᬸᬄ᭞ᬢ᭄ᬯᬄᬲᭂᬥᭂᬂᬗᬋᬡᬳᬶᬦ᭄ᬘᬶᬢ᭞ᬫᬗᬾᬤᬦᬶᬦ᭄᭞ᬲᬧᭀᬮᬳᬾᬳᬶᬧᬓᬂᬭᬭᬲ᭄᭟᭜᭟ᬭᬤᬾᬦ᭄ᬕᬮᬸᬄᬓᭂᬜᭂᬫ᭄ᬗᬦ᭄ᬤᬶᬓ᭞ᬧᬓᬂᬭᬭᬲ᭄ᬫᬳᬶᬤᬶᬦᬶ᭞
ᬳᭂᬫ᭄ᬩᭀᬓ᭄ᬗᬚᬓ᭄ᬘᬳᬶᬫᬫᬯᭀᬲ᭄᭞ᬳᬤᬓᬶᬤᬸᬂᬫᬦᬶᬲ᭄ᬜᬸᬜᬸᬃ᭞ᬬᬦ᭄ᬢᬓᭀᬘᬧ᭄ᬚᬬᬾᬂᬤ᭄ᬭᬶᬬ᭞ᬧᬸᬧᬸᬄᬲᬸᬮᬶᬢ᭄᭞ᬧᬧᬢᬹᬢᬦ᭄ᬜᬧ᭄ᬢᬲ᭄ᬯᬭ᭟᭜᭟ᬲᬯᬸᬭᬾᬋᬓᬾᬭᬳᬤ᭄ᬬᬦ᭄᭞ᬫᭂᬧᭂᬲ᭄ᬭᬶᬂᬭᬳ
ᬤᬾᬦ᭄ᬤᬾᬯᬷ᭞ᬤᬸᬄᬭᬢᬸᬓᬮᬶᬦ᭄ᬢᬂ᭞ᬲᭂᬗ᭄ᬓᬦᬾᬧᬸᬦᬶᬓᬚᬸᬚᬸᬄ᭞ᬳᬶᬘᬳᬶᬭᬢᬸᬭᬶᬂᬢᬶᬢ᭄ᬬᬂ᭞ᬫᬗᬚᬳᬶᬦ᭄᭞ᬓᬲᬸᬯᬾᬜᬫᬲᬶᬄᬩᬓᬢ᭄᭟᭜᭟ᬫᬾᬲᭂᬫᬶᬤᬭᬤᬾᬦ᭄ᬤᬾᬯ᭄ᬬ᭞ᬓᬾ
ᬯᬮᬫᬲᬯᬸᬃᬓᬜᬶᬂ᭞ᬤᬤᬶᬕᬿᬢᬶᬂᬦᬶᬩᬬᬦ᭄ᬦ᭄ᬤᬶᬗᭂᬳᬂ᭞ᬧᭀᬮᬳᬾᬭᬳᬤᬾᬦ᭄ᬕᬮᬸᬄ᭞ᬫᬗᬍᬫᬶᬲᬶᬸᬂᬧᬓᬂᬭᬭᬲ᭄᭞ᬢ᭄ᬯᬄᬬᬕᬦ᭄ᬢᬶ᭞ᬫᬶᬭᬶᬩ᭄ᬳᬦᬓ᭄ᬲᬸᬩᬢᬶᬩ᭟᭜᭟ᬲᬵ
Kaca:Bali-lontar-gaguritan-pakangraras-02-300ppi.pdf/24
Kaca puniki sampun kauji-wacén
