[᭑᭖ 16B]
᭑᭖᭟
ᬓᭂᬜᬶᬂ᭞ᬭᬳᬤᬾᬦ᭄ᬫᬦ᭄ᬢ᭄ᬭᬷᬫᬓᬗ᭄ᬕᬧ᭄᭟᭜᭟ᬤᬶᬲᬸᬩᬦᬾᬦᬗ᭄ᬕᬧ᭄ᬧᬩᬳᬂ᭞ᬭᬳᬤ᭄ᬬᬦ᭄ᬕᭂᬮᬶᬲ᭄ᬫᬧᬫᬶᬢ᭄᭞ᬕᭂᬮᬶᬲᬶᬂᬘᬭᬶᬢᬲᬵᬫ᭄ᬧᬸᬦ᭄ᬮᭂᬫᬄ᭞ᬧᬹᬃᬡ᭄ᬦᬫᬓᬃᬢ᭄ᬢᬶᬓᬦᬸᬚᬸ᭞ᬭᬳᬤᬾᬦ᭄ᬫ
ᬦ᭄ᬢ᭄ᬭᬷᬓᭀᬘᬧᬦ᭄᭞ᬮᬸᬗ᭄ᬳᬫᬗᬺᬲᬶᬄ᭞ᬫᬲᬶᬭᬫ᭄ᬩᬸᬗ᭄ᬲᬶᬭᬶᬂᬢᬫᬦ᭄᭟᭜᭟ᬲᬯᬸᬲᬦᬶᬤᬫᬲᬶᬭᬫ᭄᭞ᬭᬭᬶᬲ᭄ᬩᬸᬤᬮᬶᬤᬕᭂᬮᬶᬲ᭄᭞ᬫᬗ᭄ᬭᬭᬶᬲᬶᬤᬓᬚ᭄ᬭᭀ᭞ᬭᬶᬂᬮᬶᬗ᭄ᬕᬶᬳᬾᬭᬤᬾᬦ᭄ᬕᬮᬸᬄ
᭞ᬦ᭄ᬤᬧᭂᬢᬂᬳᬶᬤᬫᬧᬬᬲ᭄᭞ᬫᬸᬯᬸᬄᬭᬯᬶᬢ᭄᭞ᬤᬤᬶᬫᬶᬫ᭄ᬩᬸᬄᬓᬬᬸᬦᬾᬫᬾᬦ᭄ᬤ᭄ᬭ᭟᭜᭟ᬭᬤᬾᬦ᭄ᬕᬮᬸᬄᬯᬸᬲ᭄ᬫᬧᬬᬲ᭄᭞ᬫᬲᭂᬓᬃᬘᬫ᭄ᬧᬓᬓᬸᬦᬶᬂ᭞ᬭᬓᬶᬲᬶᬤᬗᬶᬘᬾᬦ᭄ᬲᭂᬓᬃ᭞ᬭᬳᬤ᭄ᬬᬦ᭄ᬲᬬ
ᬦ᭄ᬓᬬᬸᬦ᭄ᬬᬦ᭄᭞ᬭᬭᬶᬲᬶᬤᬗᬫ᭄ᬩᬶᬮ᭄ᬲᭂᬓᬃᬫᬦᬫ᭄ᬧᭂᬓᬶᬦ᭄᭞ᬫᬮᬶᬗ᭄ᬕᬶᬄᬫᬧᬧᬲ᭄ᬘᬶᬗᬓ᭄᭟᭜᭟ᬲᬓᬢᬳᬶᬂᬧᬜ᭄ᬚ᭄ᬭᭀᬯᬦ᭄᭞ᬢᬸᬫᭀᬦ᭄ᬕᬯᭀᬓ᭄ᬫᬗ᭄ᬮᬶᬂᬮᬶᬂ᭞ᬦᬶᬩᬬᬦ᭄ᬲᬗ᭄ᬳᬶᬢ᭄ᬬ
[᭑᭗ 17A]
ᬩᭂᬗᭀᬂ᭞ᬫᬗᭂᬢᭀᬦ᭄ᬭᬳᬤᬾᬦ᭄ᬕᬮᬸᬄ᭞ᬓᬮᬯᬵᬦᬶᬧᬓᬂᬭᬭᬲ᭄᭞ᬧᬥᬳᬧ᭄ᬢ᭞ᬇᬦ᭄ᬤ᭄ᬭᬶᬬᬦᬾᬤᬶᬧᬳ᭄ᬦᭂᬫᬦ᭄᭟᭜᭟ᬧᬩᬶᬲᬶᬓ᭄ᬦᬶᬲᬗ᭄ᬳᬶᬢ᭄ᬗᬬᬦ᭄᭞ᬗᬶᬦ᭄ᬢᬾᬗᭂᬫ᭄ᬩᬦᬾᬧᬓᬶᬲᬶ᭞ᬲ
ᬓᬢᬳᬶᬂᬧᬜ᭄ᬚ᭄ᬭᭀᬯᬦ᭄᭞ᬧᬓ᭄ᬭᬶᬫᬶᬓ᭄ᬫᬓᬸᬫ᭄ᬧᬸᬮ᭄᭞ᬧᬥᬫᬶᬮᬸᬳᬢᬶᬦᬾᬧᬸᬲᬂ᭞ᬳᬾᬤᬦ᭄ᬧᬮᬶᬂ᭞ᬫᬗᭂᬦᭀᬢᬶᬧᬓᬂᬭᬭᬲ᭄᭟᭜᭟ᬢᬦ᭄ᬓᭀᬘᬧ᭄ᬦᬶᬲᬗ᭄ᬳᬶᬢ᭄ᬩᬬᬦ᭄᭞ᬳᬶᬧᬓᬂ
ᬭᬭᬲ᭄ᬓᬯᬃᬡ᭄ᬦ᭞ᬲᬸᬩᬲᬜ᭄ᬚᬲᬸᬭᬸᬧ᭄ᬲᬹᬃᬬ᭄ᬬ᭞ᬫᬧᬫᬶᬢ᭄ᬭᬶᬂᬭᬤᬾᬦ᭄ᬕᬮᬸᬄ᭞ᬭᬤᬾᬦ᭄ᬤᬾᬯᬷᬫᬗᬦ᭄ᬤᬶᬓ᭞ᬚᬮᬦ᭄ᬘᬳᬶ᭞ᬳᬶᬧᬓᬂᬭᬭᬲ᭄ᬬᬩᬸᬤᬮ᭄᭟᭜᭟ᬲᬢᭂᬓᬦᬾᬭᬶᬂᬧᬫᬺᬫᬦ᭄᭞ᬓᭀ
ᬘᬳᬶᬤᬭᬤᬾᬦ᭄ᬤᬾᬯᬷ᭞ᬤᬶᬚ᭄ᬭᬵᬳᬶᬤᬫᬫᬯᭀᬲ᭄᭞ᬲ᭄ᬯᬭᬦᬾᬫᬦᬶᬲᬜᬸᬜᬸᬃ᭞ᬓᬤᬶᬲᬸᬦ᭄ᬤᬭᬶᬳᬗᬶᬦᬦ᭄᭞ᬫᬗᬺᬋᬗᬶᬄ᭞ᬓᬧᬶᬋᬂᬳᬦ᭄ᬢᬸᬓ᭄ᬭᬳᬤ᭄ᬬᬦ᭄᭟᭜᭟ᬳᬶᬩᬸᬓ᭄ᬫᬦᬄᬤᬧ
Kaca:Bali-lontar-gaguritan-pakangraras-02-300ppi.pdf/17
Kaca puniki sampun kauji-wacén
