[᭕᭓ 53B]
᭕᭓
ᬳᬸᬫᬢᬸᬃᬚᬩᬦᬶᬂᬓᭀᬭᬶ᭞ᬭᬢᬸᬳᬬᬸᬕᬸᬲ᭄ᬢᬶᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦ᭄ᬍᬫᬄᬦᬸᬦᬲ᭄ᬫᬯᬸᬗᬸ᭞ᬗᬶᬭᬶᬂᬓᬢᬫᬦ᭄ᬫᬲᬶᬭᬫ᭄᭞ᬲᬫ᭄ᬧᬸᬦ᭄ᬢᭂᬗᬳᬶ᭞ᬤᬾᬯᬳ
ᬬᬸᬦᬸᬦᬦ᭄ᬓᬾᬫᭂᬤᬮ᭄᭟ᬲᬸᬯᬾᬢ᭄ᬯᬭᬓᬲᬯᬸᬭᬦ᭄᭞ᬦᬶᬧᬗᬶᬦ᭄ᬢᬾᬫᬫᬳᭂᬓᬶᬦ᭄᭞ᬫᬗ᭄ᬭᬭᬶᬲ᭄ᬗᬫ᭄ᬧᬓ᭄ᬮᬯᬗᬦ᭄᭞ᬭᬤᬾᬦ᭄ᬤᬾᬯᬶᬢ᭄ᬯᬭᬓᬦ᭄ᬢᬸᬦ᭄
᭞ᬦᬶᬧᬗᬶᬦ᭄ᬢᬾᬕᭂᬮᬶᬲ᭄ᬫᬢᬸᬮᬓ᭄᭞ᬲᬤᬕᬶᬧᬶᬄ᭞ᬫᬗ᭄ᬭᬭᬶᬲ᭄ᬓᬧᬲᬶᬭᬫᬦ᭄᭟ᬫᬲᬶᬄᬢᬦᬶᬤᬫᬲᬶᬭᬫ᭄᭞ᬦᬶᬗᬶᬦ᭄ᬢᬾᬫᬯᬗ᭄ᬲᬸᬮ᭄ᬕᭂᬮᬶᬲ᭄᭞ᬦᬶᬗᭂ
ᬫ᭄ᬩᬦ᭄ᬓᬢᭂᬫᬸᬫᬢᬢᭀᬦ᭄᭞ᬤᬶᬚᬳᬶᬤᬭᬤᬾᬦ᭄ᬕᬮᬸᬄ᭞ᬦᬶᬗᬶᬦ᭄ᬢᬾᬭᬭᬶᬲ᭄ᬳᬗᬸᬘᬧ᭄᭞ᬢᬦ᭄ᬓᬧᬗ᭄ᬕᬶᬄ᭞ᬢᬶᬢ᭄ᬬᬂᬗᬮᬶᬄᬫᬳᬶᬍᬳᬦ᭄᭟ᬚᬦᬶ
[᭕᭔ 54A]
ᬤᬶᬚᬳᬮᬶᬄᬳᬶᬤ᭞ᬦᬶᬲᬗ᭄ᬳᬶᬢ᭄ᬓᬲᬸᬲᬸᬗᬚᬓᬶᬦ᭄᭞ᬫᬃᬕ᭄ᬕᬶᬫᬢᬸᬃᬭᬶᬂᬲᬂᬦᬵᬣ᭞ᬢᬸᬫᬸᬮᬶᬫᬫᬋᬓ᭄ᬲᬫ᭄ᬧᬸᬦ᭄᭞ᬲᬂᬧ᭄ᬭᬪᬸᬫᬗᬦ᭄ᬤᬶᬓ᭞ᬳᬧᬓᬵ
ᬮᬶᬄ᭞ᬗᬶᬦ᭄ᬢᬾᬗᭂᬫ᭄ᬩᬦ᭄ᬫᬢᬸᬃᬜᭂᬫ᭄ᬩᬄ᭟ᬇᬗ᭄ᬕᬶᬄᬤᬾᬯᬢᬶᬢ᭄ᬬᬂᬗᬸᬦᬶᬗ᭞ᬢᬸᬯᬦ᭄ᬤᬾᬯᬶᬢᬦ᭄ᬓᬧᬗ᭄ᬕᬶᬄ᭞ᬳᬶᬘᬮ᭄ᬲᬓᬶᬂᬧᬫᬺᬫᬦ᭄᭞ᬢᭂᬮᬲ᭄ᬳᬦ᭄ᬢᬸᬓ᭄ᬢᬶᬢ᭄ᬬᬂ
ᬫᬗ᭄ᬭᬸᬭᬸᬄᬚ᭄ᬭᭀᬦᬶᬂᬧᬸᬭᬶᬢᬦ᭄ᬓᬧᬗ᭄ᬕᬶᬳ᭞ᬰ᭄ᬭᬶᬪᬸᬧᬢᬶ᭞ᬕᭂᬮᬶᬲ᭄ᬳᬶᬤᬫᬗᬦ᭄ᬤᬶᬓ᭟ᬓᭂᬫᬸᬤ᭄ᬓᭂᬫᬚᬦᬶᬓᬚᬩ᭞ᬳᬢᬸᬭᬶᬦᬶᬓᬓᬧᬢᬶᬄ᭞
ᬳᬧᬂᬳᬾᬗ᭄ᬕᬮ᭄ᬫᬳᬶᬢᭂᬓ᭞ᬳᬶᬓᭂᬫᬸᬤ᭄ᬕᭂᬮᬶᬲ᭄ᬳᬸᬫᬢᬸᬃ᭞ᬲᬦ᭄ᬤᬶᬓᬦ᭄ᬘᭀᬓᭀᬃᬳᬶᬤᬾᬯ᭞ᬕᭂᬮᬶᬲ᭄ᬫᬫᬃᬕ᭄ᬕᬶ᭞ᬕᬸᬲ᭄ᬢᬶᬧᬢᬶᬄᬓᬧᭂᬦ᭄ᬤᬓ᭄ᬤᬶᬚ
Kaca:Bali-lontar-gaguritan-pakangraras-01-350ppi.pdf/54
Kaca puniki sampun kauji-wacén
