[᭔᭑ 41B]
᭔᭑
ᬘᬧᭂᬦ᭄ᬩᬦᬸᬳᬦ᭄᭞ᬚ᭄ᬭᭀᬦᬶᬂᬳᬭᬩ᭄ᬳᬸᬘᬧᭂᬦᬶᬂᬓᬅ᭄ᬩᬄᬳᬶᬓᬸ᭞ᬲᬚ᭄ᬭᬾᬦᬶᬂᬓᬅ᭄ᬩᬄᬧᬸᬦᬶᬓᬵ᭞ᬓᬂᬳᬸᬘᬧᭂᬦ᭄ᬳᬭᬩ᭄ᬗᬹᬦᬶ᭟ᬲᬓᬶᬂᬦᬸᬕ᭄ᬭᬳᬦᬶᬂᬳᬮᬄ᭞ᬳᬶᬂᬚ᭄ᬭᭀᬓᬶᬢᬧ᭄ᬧᬺᬦᬳᬸᬘ
ᬧᬗᬹᬦᬶ᭞ᬳᬶᬗᬭᬩ᭄ᬤᬾᬭᬳ᭄ᬬᬂᬳᬕᬸᬂ᭞ᬗ᭄ᬳᬶᬂᬲᬓᬶᬂᬩᬸᬩᬸᬯᬦᬵ᭞ᬓᬭᬶᬦᬸᬗ᭄ᬕᬸᬳᬸᬘᬧᬯᭀᬗ᭄ᬳᬵᬭᬩ᭄ᬳᬶᬓᬸ᭞ᬳᬶᬂᬚ᭄ᬭᭀᬦᬶᬂᬚᬢᬶᬓ᭄ᬭᬳᬦ᭄᭞ᬧᬺᬦᬄᬫᬗ᭄ᬲᬶᬄᬓ᭄ᬭᬳᬜ᭄ᬚᬢᬶ᭟ᬭᬶᬂᬭᬳᬶ
ᬦᬧᬥᬂᬲᬶᬬ᭞ᬧᬺᬦᬳᬶᬭᬵᬮᬸᬗ᭄ᬕᬸᬄᬯᬓ᭄ᬢᬸᬮᬶᬫᬾᬓᬶ᭞ᬧᬢ᭄ᬫᭀᬦ᭄ᬯᬓ᭄ᬢᬸᬮᬶᬫᬾᬓᬸ᭞ᬳᬸᬭᬸᬧ᭄ᬲᬹᬃᬬ᭄ᬬᬳᬶᬂᬭᬤᬢ᭄᭞ᬯᬓ᭄ᬢᬸᬓᬧᬶᬃᬳᬶᬓᬵᬯᬮᬸᬓᬢᬳᬶᬧᬸᬦ᭄᭞ᬓᬭᬶᬳᬶᬦ᭄ᬯᬓ᭄ᬢᬸᬓᬳᬸᬘ
ᬧ᭄᭞ᬯᬓ᭄ᬢᬸᬫᬸᬮᬵᬓ᭄ᬢᬶᬮ᭄ᬲᬫᬶ᭟ᬮᬦ᭄ᬯᬓ᭄ᬢᬸᬳᬸᬧᬓ᭄ᬱᬵᬢᬗ᭄ᬯᬂ᭞ᬓᬂᬧᬶᬂᬢᬶᬕᬳᬶᬂᬯᬓ᭄ᬢᬸᬫᬥ᭄ᬬᬳᬭᬶ᭞ᬮᬯᬦ᭄ᬯᬓ᭄ᬢᬸᬮᭀᬳᭀᬃᬭᬶᬓᬸ᭞ᬓᬮᬶᬫᬵᬯᬓ᭄ᬢᬸᬳᬲᬃ᭞ᬓᬧᬶᬂᬦᭂᬫᬾ
[᭔᭒ 42A]
ᬯᬓ᭄ᬢᬸᬫᬕ᭄ᬭᬶᬧ᭄ᬳᬶᬓᬸᬧᬶᬢᬸ᭞ᬮᬦ᭄ᬯᬓ᭄ᬢᬸᬢᬶᬕᬵᬧᬸᬦᬶᬓᬵ᭞ᬓᬢ᭄ᬮᬸᬯᬓ᭄ᬢᬸᬲᬸᬩᬸᬳᬶ᭟ᬢᬢ᭄ᬓᬵᬮᬲᬸᬚᬸᬤ᭄ᬱᭂᬫ᭄ᬩᬳ᭄ᬬᬂ᭞ᬓᬶᬦᬹᬃᬘᬵᬬᬦᬹᬃᬲᬤᬳᬭᬦᬾᬓᬶ᭞ᬓᬶᬦᬹᬃᬲᬤ᭄ᬥᬵᬯᬓ᭄ᬢᬸᬢ᭄ᬮᬸ᭞ᬦᬹᬃᬘ
ᬬᬯᬓ᭄ᬢᬸᬮᬶᬫ᭞ᬦᭀᬭᬳᭀᬩᬄᬧ᭄ᬭᬢᬶᬗ᭄ᬓᬳᬾᬯᬓ᭄ᬢᬸᬢ᭄ᬮᬸ᭞ᬯᬓ᭄ᬢᬸᬮᬶᬫᬳᬶᬓᬳᭀᬩᬄ᭞ᬦᭀᬭᬢᭂᬢᭂᬧ᭄ᬳᬗ᭄ᬭᬫᬢᬶᬦ᭄᭟ᬯᬓ᭄ᬢᬸᬢ᭄ᬮᬸᬯᬓ᭄ᬢᬸᬮᬶᬫᬵ᭞ᬯᬓ᭄ᬢᬸᬢ᭄ᬮᬸᬳᬸᬫᬳᬾᬭᬶᬂᬦᬵᬕᬭᬶ᭞ᬯ
ᬓ᭄ᬢᬸᬮᬶᬫᬦᬾᬭᬶᬂᬕᬸᬦᬸᬂ᭞ᬢᬦ᭄ᬧ᭄ᬕᬢ᭄ᬗ᭄ᬯᬗᬸᬦ᭄ᬢᬧᬵ᭞ᬳᬲᬶᬂᬳ᭄ᬩᭂᬢ᭄ᬤᬾᬦ᭄ᬩᭂᬘᬶᬓᬦᬓᬂᬳᬮᬸᬲ᭄᭞ᬳᬓᬃᬬ᭄ᬬᬕ᭄ᬦᬄᬲᭂᬫ᭄ᬩᬳ᭄ᬬᬂ᭞ᬭᬳᬶᬦᬵᬯ᭄ᬗᬶᬳᬗᬶᬲ᭄ᬢᬷ᭟ᬫᬸᬮᬵᬢᬶᬗ᭄ᬓᬄᬯᬓ᭄ᬢᬸᬮᬶᬫᬵ᭞
ᬜᬮᬸᬓ᭄ᬤᬃᬫ᭄ᬫᬵᬢᬹᬃᬋᬲᬶᬓ᭄ᬕ᭄ᬦᬶᬂᬲᬳᬶ᭞ᬦᭀᬭᬓᬢᬫᬦᬶᬂᬍᬢᬸᬄ᭞ᬢᬦ᭄ᬧ᭄ᬕᬢ᭄ᬗᬶᬲ᭄ᬢᬶᬳᬮᬄ᭞ᬲᬭᬳᬶᬦᬧᬶᬂᬮᬶᬫᬲᭂᬫ᭄ᬩᬄᬬᬂᬲᬸᬚᬸᬤ᭄᭞ᬗᬯᬶᬢ᭄ᬲᬸᬩᬸᬄᬮᭀᬳᭀᬃᬳᬲᬃ᭞
Kaca:Bali-lontar-gaguritan-nurcaya-nursada-350ppi.pdf/42
Kaca puniki sampun kauji-wacén
