[᭓᭖ 36B]
᭓᭖
ᬗᬶᬦ᭄᭞ᬤᬶᬦᬦ᭄ᬤᬓ᭄ᬤᬾᬳ᭄ᬬᬂᬯᬶᬥᬶ᭞ᬳᬶᬗᬭᬶᬓ᭄ᬬᬫᬢᬶᬂᬩᬾᬲᬸᬓ᭄᭞ᬳᬶᬓᬵᬤᬾᬦ᭄ᬳᬶᬮᬶᬗᭂᬦᬵ᭞ᬭᬱᬵᬦᬦᬭᬕᬦᬾᬓᬶ᭞ᬬᬦᬶᬂᬧᬳᭀᬲ᭄ᬯ᭄ᬓᬲ᭄ᬤᬤᬶᬢ᭄ᬫᬄᬢᬸᬗ᭄ᬕᬮ᭄᭟ᬳᬶᬓᬶᬧᬳᬶᬮᬶᬂ
ᬧ᭄ᬭᬳᬶᬫᬵᬦ᭄᭞ᬤᬺᬧᭀᬦ᭄ᬯ᭄ᬭᬸᬄᬭᬕᬦᬾᬓᬶ᭞ᬳᬗᬶᬂᬧᬶᬮᬶᬄᬯ᭄ᬭᬸᬄᬭᬶᬂᬭᬕᬵ᭞ᬯᭀᬂᬫᬸᬅ᭄ᬫᬶᬦ᭄ᬳᬦᬾᬤᬸᬦ᭄ᬬᬾᬓᬶ᭞ᬬᬦ᭄ᬢᬦ᭄ᬢᬸᬤᬸᬳᬶᬂᬯᬶᬤ᭄ᬥᬷ᭞ᬤᬸᬗᬦᬳᬶᬂᬳᭂᬮᭀᬫᬅ᭄ᬧᬸᬮ᭄᭞ᬳᬦᬯ᭄ᬭᬸᬄᬢᬸ
ᬤᬸᬳᬦ᭞ᬤᬾᬦᬶᬂᬳ᭄ᬬᬂᬫᬗ᭄ᬓᭀᬓᬂᬬᬓ᭄ᬢᬶ᭞ᬧᬲ᭄ᬢᬶᬯ᭄ᬭᬸᬳᬵᬳᬶᬂᬲᬭᬶᬭᬤᬯᬓᬶᬭᬵ᭟ᬬᬦᭀᬭᬢᬸᬤᬸᬳᬓ᭄ᬦᬵ᭞ᬧᬲ᭄ᬢᬶᬦᭀᬭᬳᬗᬯ᭄ᬭᬸᬳᬶ᭞ᬳᬶᬂᬰᬭᬶᬭᬵᬤᬯᬓ᭄ᬫᬗ᭄ᬓᭀ᭞ᬧᬶᬮᬶᬄ
ᬫᬸᬅ᭄ᬫᬶᬦ᭄ᬳᬗᬯ᭄ᬭᬸᬳᬶ᭞ᬮᬭᬂᬫᬸᬅ᭄ᬫᬶᬦ᭄ᬳᬸᬤᬤᬶ᭞ᬬᬦ᭄ᬢᬦ᭄ᬧᬶᬢᬸᬤᬸᬳᬶᬂᬤᬗᬹ᭞ᬳᬓᬾᬄᬦᭀᬭᬯ᭄ᬭᬸᬳᬵ᭞ᬯ᭄ᬭᬸᬳᬵᬓᬾᬤᬮᬶᬂᬚᬳᬶᬮ᭄᭞ᬩᬲᭂᬭᬶᬗᬦ᭄ᬢᬸᬤᬸᬄᬋᬜ᭄ᬘᬦᬵᬫ᭄ᬭᬶᬂᬤᬸᬦ᭄ᬬ
[᭓᭗ 37A]
᭟ᬲᬓᬾᬳᬦᬸᬢᬶᬂᬋᬜ᭄ᬘᬦ᭞ᬢᬦ᭄ᬳᬶᬮᬶᬗᬵᬰᬵᬲ᭄ᬢ᭄ᬭᬚᬢᬶ᭞ᬰᬵᬲ᭄ᬢ᭄ᬭᬩᬶᬮᬳᬶᬧᬸᬦᬶᬓ᭞ᬰᬵᬲ᭄ᬢ᭄ᬭᬲᭀᬦᬵᬓᬂᬤᬾᬦ᭄ᬳᬶᬮᬶᬂ᭞ᬢᬦ᭄ᬯ᭄ᬭᬸᬄᬰᬵᬲ᭄ᬢ᭄ᬭᬚᬢᬶ᭞ᬲᭀᬓ᭄ᬱᬭᬶᬳᬢᬶᬫᬓᭂᬭᬸᬄ᭞ᬢᭂᬫ᭄ᬧᬸᬄ
ᬩᬩᭂᬦ᭄ᬤᬸᬦᬶᬂᬳ᭄ᬬᬂ᭞ᬳᬶᬗ᭄ᬳᬭᬶᬓ᭄ᬬᬫᬢᬶᬂᬩᬶᬜ᭄ᬚᬶᬂ᭞ᬦᭀᬭᬯᭂᬭᬸᬄᬢᭂᬫ᭄ᬧᬸᬄᬩᬩᭂᬦ᭄ᬤᬸᬦᬶᬂᬳᬮᬄ᭟ᬦᭂᬗᬓ᭄ᬦᬢᬧᬸᬦᬶᬓᬵ᭞ᬯᭂᬦ᭄ᬢᭂᬦ᭄ᬓᬯᬃᬡ᭄ᬦᬳᬵᬫᬮᬶᬄ᭞ᬓᬂᬯᬓ᭄ᬢᬸᬬᬶᬸᬮᬶᬫᬵᬧᬸᬦᬶᬓᬵ᭞ᬳᭂᬦ᭄ᬤᬶᬮᬦᬂ
ᬮᬯᬦ᭄ᬳᬶᬲ᭄ᬢ᭄ᬭᬶ᭞ᬳᬶᬓᬵᬤᬾᬦ᭄ᬳᬗᬯ᭄ᬭᬸᬳᬶ᭞ᬲᬓᬾᬳᬶᬂᬯᭀᬂᬫᬸᬅ᭄ᬫᬶᬦ᭄ᬳᬶᬓᬸ᭞ᬳᬦᬳᬶᬂᬤᬸᬦ᭄ᬬᬳᬮᬫ᭄᭞ᬤᬾᬦ᭄ᬯᭂᬭᬸᬄᬓᬂᬮᬦᬂᬳᬶᬲ᭄ᬢ᭄ᬭᬷ᭞ᬬᬾᬦ᭄ᬢᬦ᭄ᬯᭂᬭᬸᬄᬲᬭᬾᬬᬢ᭄ᬳᬸᬮᬫᬅ᭄ᬳᬶᬓᬵ᭟ᬳᬶᬓᬵ
ᬧᬕᬸᬭᬸᬤᬾᬦ᭄ᬢᬢᬲ᭄᭞ᬧ᭄ᬭᬢᬶᬗ᭄ᬓᬳᬾᬤᬤᬶᬫᬸᬅ᭄ᬫᬶᬦ᭄᭞ᬳᬚᬢᬦ᭄ᬤᬾᬦ᭄ᬯ᭄ᬭᬸᬳᬵᬫᬗ᭄ᬓᭀ᭞ᬲ᭄ᬫᬭᬦ᭄ᬥᬦᬵᬳᬶᬫᬦᬾᬓᬶ᭞ᬯᬓ᭄ᬢᬸᬓᬂᬮᬦᬂᬳᬶᬲ᭄ᬢ᭄ᬭᬶ᭞ᬧᬕᭂᬭᬶᬧ᭄ᬳᬶᬰᬵᬧᬸᬦᬶᬓᬵ᭞ᬳᬶᬓᬤ
Kaca:Bali-lontar-gaguritan-nurcaya-nursada-350ppi.pdf/37
Kaca puniki sampun kauji-wacén
